٧٦ـەمین ساڵوەگەڕو ڕابەر ئاپۆی جە نەمسا، ئینگلتەرا و سویسراینە بە چالاکی جۆربەجۆر موبارەک کریا. چالاکییەکێ بە دەقێوە ڕێزگێرتەی پەی یاڏو گەشمەرڏا ڕاو ڕزگاری دەسش پنەکەرد و دماتەر بە قسەکەردەی سەرو گرنگی ٤و نیسانی، میوزیک و چالاکی کلتووری بەردەوام بێ.

نەمسا

گراز: جە چالاکییەکەنە کە بە سەرمەشقایەتی ژەنا ئەنجام دریا، سەرنج وسیا سەرو گۆشەگیری ئیمراڵی و دەورو سەرمەشقایەتی ژەنا و جوانا جە پرۆسەو ئاشتی و گلێرگەو دیموکراتیکینە. بەردەوامی چالاکییەکەی جە باخو نەجەدەکەی بە گێڵناو زەماوەنێوە بەردەوام بێ، هەرپاسە بە واتەیۆ درووشمی جە باخەکەنە چنین دارێ نریێ.

 

ئینگلتەرا

لەندەن: جە موباررک باییەکەینە کە جە لایەنو ئەنجوومەنو گەلوو کوردی و بەشەکاشۆ ڕێکوزیا، جوانێ بە درووشموو "ڕۆو بییەیت موبارەک بۆنە ڕابەر ئاپۆ" بەشداری چالاکییەکەی بیێ، دماتەر بە چالاکیێ چنین دارێ نریێ. جە چالاکیەکەنە ئاماژە کریان پانەی ٤و نیسانی ڕۆوبییەو گەلوو کوردین.

لیڤەرپول: جە چالاکییەکەنە کە جە لایەنا تەجەشەی و تەکۆژنیۆ ڕێکوزیا، لافیتەو ڕابەر ئاپۆی هوردریا، هەرەوەها لە چالاکییەکەدا بە گێڵناو زەماوەنێ ٤و نیسانی موبارەک کریا.

سویسرا

زیورخ: جە چالاکییەکەنە کە بە سەرمەشقایەتی یەژەکە-س ڕێکوزیا، بە پانێڵێوە باس جە گرنگی ٤و نیسانی کریا، دماتەر بە هورسەنگناو بانگەوازو 'ئاشتی و گلێرگەو دیموکراتیک'و ڕابەر ئاپۆی، خاوەنداری جە پەیامەکەی کریا.

دماو تەمام بییەو قسەکا، ڕاپیمێوە مەشخەڵی ئەنجام دریا، دماتەر دارێ سەرو گەلیرە دابەش کریێ.

جنێڤ: موبارەک باییکەینە کە جە لایەنو کۆمونو ژەنا سەما یوجەریۆ ڕێکوزیا، سینەڤیزیۆنێوە سەرو ژیوای پەڕ جە ئەوەکۆشاو ڕابەر ئاپۆی نمایش کریا، دماتەر جە لایەنو زاڕۆڵاوە کێکەو موبارەک بای ٤و نیسانی بڕیا.

جە چالاکییەکەنە سەرنج وسیا سەرو سەرمەشقایەتی ژەنا جە ئەوەکۆشای ئازادی گەلانە، هەرپاسە ٤و نیسانی پێسەو ڕۆوبییەو گەلوو کوردی هورسەنگیا.

لۆزان: بە سەرمەشقایەتی ئەنجوومەنو ژەنا لاژین جە چالاکییەکەیەکەنە بە وانایۆ ، چیرۆکێ و نیشانداو بەڵگە فیلمی ٤و نیسانی موبارەک کریا. چالاکییەکە بە بەشداری زاڕۆڵا بە گوڕتەر بێ.

چالاکییەکەنە ئاماژەکریان پەنای ڕۆوبییەو ڕابەر ئاپۆی دەستپێکو ژیوایۆ گەلوو کوردی و هەنگامەی سەرەکییەنە پەی بنیادنیاو گلێرگەو دیموکراتیکی. هەرپاسە جەخت سەرو بەردەوامی ئەوەکۆشای پەی ئازادی جەسەیی ڕابەر ئاپۆی کریانۆ.