دۆڵەتو ئێرانی سزاو زینان کەردەیش سەرو کوردێوەرە سەپنا
دۆڵەتو ئێرانی سزاو ١٠ مانگا زینانی کەردەیش سەرو وەهاب خەدیر پووری تەمەن ٣٢ ساڵیرە سەپنا. نام بریا قۆمو یۆین جە قوربانیا شۆڕشو "ژەنێ، ژیوای، ئازادی".
بە پاو ڕێکوزیاو جەمەو مافەکا مرۆڤو کوردەسانی هاموڵاتیێ کورد بە نامێ وەهاب خەدیری پوور تەمەن ٣٢ ساڵ خەڵکو مەهابادی و ئەندامو بنەیانەو دادخوازا، جەلایەنو دادگاو دادوەری باڵاو ئێرانیۆ سزاو ١٠ مانگا زینان کەردەیش سەرەرە سەپیا.
سەرچەمەکە ئاماژەش پانەیەش کەردەن وەهاب خەدیری پوور بە تۆمەتو 'ئەندامێتی یۆ جە گرووپە ئۆپۆزسیۆنەکا دژ بە ئێرانی' سزادریان.
یاگێ ئاماژەینە، جە مانگەو کانوونو دووەموو ئێساڵینە وەهاب خەدیری پوور دماو چڕیەیش پەی ئیدارەو ئیتلاعاتو شارو مەهەبادی پەی ماوەو یەرێ هەفتا باڵبەسکریا و بە نییارەو بارمتەی و بە شێوێ کاتی ئازاد کریا، هەرپاسە مامۆزاو شەماڵ خەدیریپووری، یۆ جە قوربانیا شۆڕشو "ژەنێ ژیوای ئازادیـیا.
