جە ڕۆو ٤و نیسانینە ڕۆوبییەو ڕابەر ئاپۆی و ١٢هەمین ساڵوەگەڕو ئەرەمەزنارەو یەپەژەینە چوار جەنگاوەرێ یەپەژەیما وینێ کە واڵێنێ. کاتێ گەرەکما بێ ئا جەنگاوەرە شکۆمەندا وڵاتەکەیما بشناسمێ، زاناما کە واڵێ تەرەشا ئینا دلێ ڕیزەکا یەپەژەینە، بەڵام ئاکاتە چنی یایشا نەبێ. ٥ واڵێ خاوەن ئەڏێوە شۆڕشگێڵە! نامێ ئا ٥ واڵە کۆششکارا: ڕەنگین بۆتان، ستێرک کۆبانێ، ڕۆژ خابوور، ڕوکەن کۆبانێ و ئارین کۆبانێ.

ئا پەنچ واڵێ کە بەشدارێ ڕیزەکا یەپەژەینێ، جە شارو سیمبولو مڏرامان و کۆبانێنە. مڏرامان و کۆبانێ پاسەش کەرد دەورو یەپەژەی جە جەهانەنە دەنگ دۆوە. پەی ئانەی مڏرامان و شکۆمەندو کۆبانێ سەرگنۆنە، جە حەر چواربەشو کوردەسانینە گەلوو کوردی، ژەنێ کوردی لوێ کۆبانێ. پەی ئانەی کۆبانێ نەگنۆنە نەک تەنها جە چواربەشو کوردەسانینە جە تەمامو جەهانینە ژەنێ کۆششکەرێ و، ئینسانی ئازادیوازێ بەرەو دەرگاو ئارینی میرکانەکانی لوێ. دڵو کوردەسانی و گرڏو جەهانی جە سەرمەشقایەتی یەپەژەی جە کۆبانێنە مڏۆ وەنە. شارو کۆبانێ شارێوەن بە ساڵان ڕابەر ئاپۆ ئەوەکۆشایش دلێنە کەردەن. حەر وەرو ئانەین گەلوو کۆبانێ و گەلێوە زانا و وابەسەو دۆزو ئازادینێ.

'ڕۆوبییەو وێما جە ڕۆوبییەو رابەر ئاپۆینە وینمێ'

یۆ جە ٥ واڵەکا کە جە کۆبانێ بەشدارەو یەپەژەی بییە، سەرەتا دڵوەشی وێش چنی واڵەکاش کە بیێنێ بە هەمڕاو دۆزێ بەربڕی. یۆ چا واڵا ڕەنگین بۆتانە، ئاماژەش پانەیەدا فرەتەرین ژەنێ حەقیقەتو بییەیشا دلێ یەپەژەینە وینا و واتش: "٤و نیسانی ڕۆوبییەو ڕابەر ئاپۆین و ئەرەمەزنارەو هێزەکەیما یەپەژەی جە گرڏو ژەنە ئازادیوازا موبارەک مکەرمێنە. پێسەو ژەنێ بڕوا نە کەرێنا ڕوێ گروپێ پێسەو یەپەژەی جە گرڏو نەتەوە و باوەڕییەکاوە ژەنێ جە وێ گێرۆنە، وەش بۆنە، بەڵام بە ڕەنجو ڕابەر ئاپۆی و ئەوەکۆشای هەزاران گەشمەردا چنی یەپەژەی وەرمو و هیواما فاڕیا پەی ڕاسی. ڕۆوبییەو وێما جە ڕۆوبییەو ڕابەر ئاپۆینە وینمێ. شۆنکەوتەو فکر و ڕامانو ڕابەر ئاپۆینمێ و پارێزنەرو ئی خاکەینمێ بە موبارەک کەردەو ئی دوو ڕۆیە سەرفرازێنمه."

'بە هەڵوێسو ژەنە هەمڕایاما کاریگەرێ بێنمێ'

جەنگاوەرێما پی جۆرە باسو مەڵامەت و کاریگەری بەشداربییەی جە یەپەژەینە مکەرا: "سەرو بەشداربییەیما جە مێڏانەکا جەنگی و ژیواینە هەڵوێسو هەڤاڵا ژەناما کاریگەریێ گۆرەشا سەرما وەش کەرد. بە قسێ و فکرو هەڤاڵە ژەناما کاریگەرێ بیێمێ و بەشدارێ بیێمێ.

'ژەنی بە هێزو وێش ژیوای ئازادی خوڵقنۆنە'

ئا چوار واڵە جەنگاوەرێ جە دماینە ئی پەیامەشادا: "پەنەوازا ژەنێ جە گرڏ بوارەکانە پەرە بەوێشا دانە. چونکە هرووژمی فرە ئاڵۆز سەرو ژەنا هەن. ژەنی بە هێزشا ژیوای ئازاد خوڵقنانە. یەپەژەش سەرمەشقایەتی ئی ژیوایە مکەرۆ. پئسەو ٥ واڵا بە گرڏ هێز و جۆشماوە دلێ هێزەکەیمانە پەی ئازادی وێما و گلێرگەیما ئەوەکۆشمێنە، ئەوەکۆشایما گۆرەتەر مکەرمێنە."