جە مێردین سەر بە سەرنیشتو کوردستانی، هێزەکۍٚ سوریای دیمۆکراتیکی- قەسەد، ٣ چالاکیێش دژ بە سپا ئەرەگێرەکەو تورکیای ئەنجامۍٚ دێ و جە ئاکامشانە ٢٣ سەربازۍٚ تورکیای کوشیێ و ٢ تەرۍٚ زامدارۍٚ بیۍٚ.
جە کەردێوی لشکری جۆری و جیاوازەنە، هێزەکۍٚ سوریای دیمۆکراتیکی- قەسەد ٣ چالاکیێشان جە دلێ خاکو سەرنیشتو کوردستانی و چێرو کۆنترۆڵو سپا ئەرەگێرەکەو تورکیای ئەنجامۍٚ دۍٚ.
جە ئا بارەوە ئاژانسە هەواڵو ئانهای جە وەرنیشتو کوردستان وەڵاوش کەردەوە: ئارۆ جە پارێزگاو مێردین-ی سەر بە سەرنیشتو کوردستانی، هێزەکۍٚ سوریای دیمۆکراتیکی- قەسەد، جە ٣ چالاکیێنە سپا ئەرەگێرەکەو تورکیایشان کەردەن ئامانج. جە چالاکییەکانە ٢٣ سەربازۍٚ تورکیای کوشیێ و ٢ تەرۍٚ زامدارۍٚ بیۍٚ. هاموەخت ٣ ماشینۍٚ سەربازیۍٚ دوژمنی دلێنەبریێنۍٚ.
قەسەدە جە بەیاننامێوەنە چالاکییەکۍٚ و زیانەکۍٚ سپاو تورکیایش پەشتڕاستۍٚ کەردێنەوە و ئاشکراش کەردەن: چالاکییەکۍٚ جە چوارچوەو وەرگیری و مردمانی ڕەوای و وێپارێزنای و هەرپاسە پەی تۆڵەکەردەیۆ شەهیدا و هێرشە ئەرەگێرەکانو سوپاو تورکیا ئەنجامێ دێنۍٚ، کە جە ئاکامشانە تەنها جە ئی مانگەو ئابیەنە ٧ شەهیدی و ١٧ زامدارێشان ونەکەوتێنێوە کە بەشێشان ژەنی و زارۆڵێنێ.
جە بەیاننامەکەنە دەستنیشان کریان: ئەگەر هێرشۍٚ و دەستدرێژییەکۍٚ سپاو تورکیای دژ بە سەرنیشت و وەرکەوتو سوریا بەردەوامۍٚ ببانۍٚ، قەسەد بێدەنگ نمەبۆنە و وەڵامش مەبۆنە و مافو پارێزنای ڕەوای بەکارباوەرۆنە.
