فیلمەکە کە جە لایەن و دەرهێنەرو نامدارو کوردی کازم ئۆز جە ساڵە و٢٠٢٢نە بەرهەم ئامان، سەما گوڵتەکین (ماسە)، جەزمی باسکن (نەجات) و مونیر جان جیندۆروک (ئازاد)  جە فیلمەکەنە ڕۆڵی سەرەکی گێڵنانە، دماو  تورکیای جە ئەوروپانە نمایش کریۆنە. فیلمەکە جە بازڵو سویسراینە نمایش کریا.

ناوەڕۆکو فیلمەکەی باس جە ڕازە و وەشەویسی دووێ جوانا  بە شوناسی جیاوازو ئەتنیکی کە گوزارشت جە حەقیقەتو گلێرگە و تورکیای  مکەرۆ.
کازم ئۆز کە جە ساڵە و ١٩٩٩ی تاوەکو ئیسە حەوت فیلمێ و دووێ کورتە فیلمێ دیکۆمێنتارییێش بەرهەم ئاردێنێ، دما و نمایشکەردە و فیلمەکەی جواب و پرسیارەکا ئاژانسو هەواڵو فوراتی (ANF)ی داوە.
کازم ئۆز ئاماژەش پانەی دا کە دەسەڵات و تورکیای ماوەو ١٠-١٥ ساڵێن کۆنترۆڵو هونەریش کەردە بێ. کازم ئۆز کە بە هێماو بەرهەڵستکاری شناسیان، ئاماژەش پانەی دا گرڏڤکاتێ فیلمەکێ سانسۆرێ کریانە.
جە دماین و قسەکانە کازم ئۆز ئاماژەش پانەی دا؛ بە هیوانمێ کە پرۆسە و تازەی چارەسەری بوار و دەرفەت پەی سینەما بە گرڏی و سینەمایی کوردی بە تایبەت ڕەخسنۆنە.