بە پاو ئا ڕاپۆرتێ بە نامنیشانو سزاو جە قەنارەدای ٢٠٢٤ جە لایەنو ڕێکوزیاکەیۆ وەڵاکریانۆ، جە ساڵەو ٢٠٢٤نە ١.٥١٨ کەسێ بە سزاو جە قەنارەدای جەقەنارە درێنێ. ئی ژمارە بە بەراورد بە ساڵەکا وەڵینێ زیاڏش کەردەن، جە ساڵەو ٢٠٢٣نە ١.١٥٣ کەسێ جە قەنارەدریێنێ.

جە ڕاپۆرتەکێنە ئامان ٦٣٧ کەسێ بە تاوانەو ماددەو هۆشبەری جەقەنارە دریێنێ، ئینەیچ بۆنە بە سەنە٤٢ی کۆو گرڏی جەقەنارەداکا. ڕێکوزیاو لێبوردەی مییاننەتەوەیی ئەرەیاوناش کە ئی هەرمانێ دژو مافەکا مرۆڤین.

ئێران، عێراق و عەرەبستان و سعودییە ئینێ ڕیزو وەڵێوە

هەرۆاسە بە پاو ڕاپۆڕتەکەپێ فرەو جە قەنارەداکا ٢٠٢٤ جە عێراق و ئێران و عەرەبستانو سعودیی بیێنێ. ئەرەیاویان جە ساڵەو ٢٠٢٣نە چی یەرە وڵاتە ١.٠٤١ کەسێ، جە ساڵەو ٢٠٢٤نە  ١.٣٨٠ کەسێ جە قەنارەدریینێ. ڕێکوزیاو لێبوردەی مییاننەتەوەیی ماچۆنە؛ جە سەدا ٩١و جە قەنارەداکا جە ئاسو مییاننەتەوەیینە چی یەرە وڵاتەنە ئەنجام دریێنێ.

هەرپاسە ڕێکوزیاکە ئەرەیاونانش کە چین،  و کۆریاو سەرنیشتی و ڤێتنام، داتای گرڏی پی جۆرە گونجیا جە سەرانسەرو جەهانینە دەستنیشان مەکریۆنە، بەمەڵامەتو نهێنی دۆڵەتی و ئاستەنگەکێ وەردەمو هورگێرتەو زانیاری.

ڕووەدایێ ئەرێنیێ ڕووەمڏانە

جە ڕاپۆرتەکێنە ئاماژە بە بڕێ دۆخێ ئەرێنیێ کریێنی. زامبیا بەشداری پرۆتۆکۆڵو هورگێرتەو سزاو جەقەنارەدای میینانەتەوەیی بی، و زیمبابۆی سزاو جەقەنارەدای پەی 'تاوانە ئاساییەکا' هورشانۆوە. هەرپاسە جە قەرارو هورشانایۆ بەکارئاردەو سزاو جەقەنارەدای، کە جە گلێرۆبییەو گرڏی نەتەوە یۆگێرتەکانە وسیا دەنگدانۆ، دوو سەرو یەرێ وڵاتا ئەندامو نەتەوە یۆگێرتەکا دەنگو بەڵێشا دا.