جه‌نگاوه‌راو هه‌به‌ده‌هه‌ی سەیارە گه‌وره‌كەو قه‌یومی ئەرەگیریشا سۊچنا
جه‌نگاوه‌راو هه‌به‌ده‌هەی ئەرەیاوناشا، " واننە سەیارەو هەرمانەو ئا قه‌یومیما سۊچنا، كه ده‌سش گێرتەبۍ ملوو شاره‌وانیرە".
جە ئەرەیاونیاێەنە، جه‌نگاوه‌راو محه‌مه‌د خه‌یری دورموشی، سه‌ر به جمیەروو شۊڕشگێڵنیی یۊگێرتەو گه‌لا (هه‌به‌ده‌هه) ئەرەیاونانش، دوژمنی فاشیست هه‌میشه یاساكا پاشێلۍ کەرۊ، ورچنیەیەکا به‌ڕواڵه‌تی کریا. به گرڎوو جۊره فێڵ و دزیێوە هه‌وڵۍ مدا ورچنیەیەکانە ئا ئه‌نجاما به‌ده‌س بارا، كه گەرەکێشانۍ. سه‌ره‌ڕاو گرڎوو فێڵه‌كاشا وەختۍ ئا ئه‌نجاما کە گەرەکێشانۍ بەدەسشا نمارا ددان مەنیا ئەنجامەکارە.
ئا جه‌نگاوه‌رۍ ئاماژه‌شا پانەیچ کەرڎەن، "په‌رله‌مانتاره‌كێما كه به ده‌نگوو ئێمه ورچنیێنۍ دان مەنیا پۊرە و ده‌ستووری دایمی پاشل کەرا و کەراشا زیندان. هامسه‌رۊك شاره‌وانییه‌كێما جە هەرمانەکاشا دوورۍ وزیاوە و گیریا. یاگێشانە بڕۍ دزۍ و گه‌نده‌ڵۍ، كه گرڎوو داموده‌زگا گرڎینەكا تاڵانۍ کەرا منیارە. به‌تایبه‌ت كورڎستاننە قه‌یومۍ كه پێسە "چه‌ته‌ی بێڕیشه"ی ئشناسیێنۍ، پێسە شاره‌وان-ا مەرزیارە. ئا هامسه‌رۊك شاره‌وانۍ كه جە ڕاو گه‌له‌كەیماوە ورچنیێنۍ، ساڵانێوەن زیندانه‌كانە گیریێنۍ و دڕندەکا یاگێشانە منیارە، ئا پۊستاشا کەرا بنكێوە هجوومی پەی سه‌روو گه‌له‌كەیما".
ئەرەیاونیاکەینە ئامان، جه‌نگاوه‌رێما دژوو كرڎه‌وه‌كاو قه‌یومه‌كا ده‌وڵه‌تی فاشیستی و ئیداره‌ی چه‌په‌ڵوو قه‌یومه‌كا چالاكی کەرا.
ئانەیچ وزیان ڕووە، سەعات ٢٣:٠٠ شه‌وەو ١٢ ته‌مووزی واننە چالاكیێوەما کەرڎ و سەیارەو هەرمانەو ئا قه‌یومەیما سۊچنا، کە ده‌سش ملوو شاره‌وانیرە گێرتەبۍ.
ئاخروو ئەرەیاوناکەینە ئامان، چالاكییه‌كاما دژوو هجوومەکاو قه‌یومه‌كا له كورڎستاننە بێوچان درێژەشا بۊ. تا ئاخر دژوو سیاسه‌توو قه‌یوه‌مه‌كا و گۊشه‌گیری درێژه به چالاكییه‌كاما مدەیمۍ.
س.ز
