جەمێو جە کتێبەکاو عەبدوڵا ئۆجالانی کریێ بە سەوقاتی
لاو ژمارێوە جە گەنجە وەڵاتپارێزناوە جەمێو جە کتێبەکاو ڕابەرو گەلو کوردی عەبدوڵا ئۆجالانی و چندین کتێبێ تەرێ سەر بە نەریتو هۆشیاری و وەڵاتپارێزنی پێشکەش بە کتێبخانەی گردینو سەرقەڵێ کریێ.
چوارچوەو هەڵمەتەو "ئازادیی پەی عەبدوڵا ئۆجالانینە، چارەسەر پەی پرسەو کوردی"، درێژەو کامپینو 'ڕواو وانایوە کتێبەکاو عەبدوڵا ئۆجالانی'، بەشێو جە کتێبەکاو ڕابەرو گەلو کوردی عەبدوڵا ئۆجالانی، بە ئامانجو زیاتەر هۆشیارکەردەیوە گلێرگای و خزمەتکەردەی بوارو ڕۆشنویریی ئەرەنیشتاو مەنتێقەکەی، لاو ژمارێو جە گەنجە وەڵاتپارێزناوە پێشکەش بە کتێبخانەی گردینو شارەکڵەو سەرقەڵاو سەر بە شارو کفری کریێ.
دماو ورگێرتەی کتێبەکا لاو ڕاوەبەرو کتێبخانەی گردینو سەرقەڵای دڵشاد ئەحمەد حەمیدیوە سپاس و پەنەزانای وێش بەروست و ئاماژەش بە گرنگیی هەڵمەتەکێ کەرد و واتش: "پێسەو کتێبخانەی گردینو سەرقەڵای کە تاکە ناوەندی ڕۆشنوییرییا شارەکڵەو سەرقەڵاینە، هەمیشە بەرەما وەڵان پەی حەرپرۆژێوی کە خزمەت بە بوارو هۆشیاریی گەلەکەیما بکەرۆ، بییەی ئی کتێبایچە بەشێوی گرنگوو ئا پرۆژانە پەی خزمەتکەردەی و بەرزکەردەیوە هۆشیاریی گەنجا و ژەناو مەنتێقەکەی."
