جمېیەرو شین فینی کە جمېیەرێوە سیاسیی کاریگەرا جە ئێرلەندانە بە پەیامێوە پالپەشتیش جە بانگەوازییە تاریخیەکەو ڕابەر ئاپۆی کەرد و دەورو ڕابەر ئاپۆیش جە پرۆسەو چارەسەری پرسەکا ۋەرکۊتوو مېیامینینە بە پەنەواز زانا.
جێری ئادەمس کە جە ساڵەکا ١٩٨٣ پەی ٢٠١٨ سەرۆکو پارتو سەرۆکو جمیەرە و شین فینی بییەن، هەرپاسە سەرۆکو ئیساتێ جمیەرەکەی دیکلان کێڕنی بە پەیامێوە پاڵپشتیشا جە پرۆسەو چارەسەری کەرد کە بە بانگەوازییە تاریخییەکە و ٢٧ـو شوباتو ڕابەر ئاپۆی دەسش پنەکەردەن.
پەیامەکەو جێری ئادەمسی پی جۆرەنە:
"سڵام هەڤاڵا، گەلا وەرکەوتوو مییامینی ماوێوە درێژا جە مافە بنەڕەتییە ئینسانییەکا بێبەشێ بیێنێ و نەتەوەکێ مەتاوانە چارەنووسو وێشا دیاری بکەرا. بانگەوازو ئاشتی و گلێرگە و دیموکراتیکو سەرۆکو پەکەکەی عەبدوڵا ئۆجالان کە جە ٢٧ـو شوباتینە کەردش، خاڵێوە وەرچەرخانی گرنگ بێ. شین فین پاڵپشتیش مکەرۆ جە پرۆسەو ئاشتی بەینو تورک-کوردی سەر و بنەماو دیالۆگی، شکۆداری، دادپەروەری و یەکسانی."
پەیامەکەو دیکلان کێرنی پی جۆرەنە:
"من دیکلان کێرنی سەرۆکو نیشتیمانی شین فینی، ئەرەیاونێوە هامبەشم چنی سەرکردەکا تەری ئیمزا کەردەن کە پاڵپەشتی جە بانگەوازەکەو عەبدوڵا ئۆجالانی مکەرا پەی ئاشتی، پەی لواڕاوەو پرۆسەو ئاشتی بەینو حکومەتو تورکیای و نوێنەرا سیاسی تەرێ کوردی، پەنەوازا گرڏ و لایەنەکا تەری گێرۆ وێ، دیالۆگی بە بنەما گێرۆنە. ڕاو شین فین وەڵێ گرڏ چێوێ ئازادی عەبدوڵا ئۆجالانین جە زینانەنە؛ ئازادی ئاری پەی دەسپنەکەردە و پرۆسێوە هامبەش و کۆدەنگی سیاسی فرە گرنگا. هامکاتەنە درێژە بە پەشتیوانییەکاما مرانە پەی هەوڵدای ئاشتیانە جە وەرکەوتوو دلێڕاسەی. داوامکەرمێ دۆڵەتو ئیسرائیلی دمای بە ستەمەکاش سەر و گەلوو فەلەستینی بارۆنە."
