جەنگەوانا یەکینەکاو مدرامانوو شەنگالی (یەبەشە)ی جە پێکئامای عەرەبی، بۆنەو ساڵوەگەڕوو پیلانگێڵنی میان نەتەوەیۆ جە دژوو ڕابەروو گەلوو کوردی عەبدوڵا ئۆجالانی پۍ ئاژانسوو هەواڵوو فوراتی (ANF)ی قسێشا کەردە.

جەنگەوانوو یەبەشەی مەروان عەرەب جە دەگاو مەدیبانی شەنگالی، باسش چانەی کەرد پیلانگێڵنیی ١٥و شوباتی جە دژوو تەماموو گەلا ۋەرکەوتوو دلێڕاسەی ئەنجام دریان. ویستوو پیلانگێڵنیی دلێنەبەردەی گەلاو ۋەرکەوتوو دلێڕاسەیا.

'ڕابەرایەتی ڕاو ئازاڎیی گەلان'

مەروان جە درێژەو قسەکاشەنە واتش : "پی پیلانگێڵنایە گەرەکشابۍ ڕا جە هامژیۋای ئازاڎیی گێرا. ۋەروو ئانەی فکروو ڕابەر ئاپۆی سەروو بنەماو ڕاو ئازاڎیی گەلا بۍ. پۊکاتی دەوڵەتا سەرمایەداری پیلانگێڵنیشا جە دژوو ڕابەرایەتی ئەنجامدا. سەرۆک زانۍ ۋەرکەوتوو دلېڕاسەی چنی فاڕۆ، ۋەروو ئانەی دلۍ خەباتینە بۍ".

'فکروو ڕابەر ئاپۆی گرڎ کەسۍ گێرۆنە ۋێش'

مەروان عەرەب باسش چانەی کەرڎ، دەبێت مشۆم سەروو خەتەو نەتەوەی دیموکراتی هەنگامە بنیەیمۍ و واتش: "فکر و فەلسەفەو ڕابەر ئاپۆی نوێنەرایەتی گرڎوو گلېرگەی کەرۆ. جیاوازی مەوزۆ بەینوو گلێرگەی، ئاین و باوەڕمەنڎییەکا. مشۊم گرڎما سەروو ئی بنەمایۍ جمێوە و فکروو ڕابەر ئاپۆی بە ئەساس پۍ ۋێش گێرۆ".

'١٥و شوباتی جە وەڵینگەو مرۆڤایەتینە ڕووێوە سیاوا'

جەنگەوانوو یەبەشەی دەروێش سنجاری باسش جە پیلانگێڵنای ١٥و شوباتی کەرد و واتش: "پۍ چی ڕووێوە سیاوا؟ پۍ چی پېسە ڕووێوە سیاوی نامێش مارمۍ؟ چونکی گرڎ کەس مزانۆ ئی پیلانگێڵنایە دژوو سەرۆکۍ نەتەوەیی بۍ. گەرەکشا بۍ گەلاو ۋەرکەوتوو دلێڕاسەی جە تاریکینە جیابازا. دەوڵەتا سەرمایەداری گەرەکشا نیا گەلا دنیۍ ئیسفاڎە جە پارادایمی نەتەوەی دیموکراتیکی هۊرگێرا. پۊکەی پیلانگێڵنایشا ئەنجامدا".

'لابەردەی گۆشەگیری ئەرکوو گرڎ کەسێوەن'

دەروێش واتش: "فکروو سەرۆکی ڕاو ئازاڎیی ژیۋای گەلین، جیاوازی جە بەینوو ژەن و پیاینە نیا، ۋۍ بە ۋۍ ژیۋای ۋێشا بە شێوێوە ئازاڎیی ڕاوەبەر کەرا. ۋەروو ئی مەڵامەتینە گەلا دنیۍ سەروو فکرو سەرۆکی ۋێشا پەرەوەردە کەرا. گەر فکروو سەرۆکی نەبیۍ، چنی ژیۋایما کەردۍ؟ لابەردەی و ماڕای گۆشەگیری ئەرکوو گرڎیمانە. مشۆم ئی ئەرکەیە بە ئەنجام بیاونمۍ"