"ئۊپەراسیۊنی مرۊیی و ئەمنی" کە 27 کانوونوو دووەمیوە کەمپەکەنە بە سەرمەشقایەتیی یەپەژەی و هێزەکاو قەسەدەی و هێزەکاو ئاسایشوو دلۍدەسش پەنە کەرد، ڕۊو هەشتەمینە بەردەواما. سەردار جودی، یۊ جە فەرماندەکاو هێزەکاو قەسەدەی سەبارەت بە جەنگوو داعشی و ئۊپراسیۊنوو دلۍکەمپەکەی چەنی ئاژانسوو هەواڵوو فوراتی قسێش کەردێ.

سەردار جودی ئاماژەش پانەیە دا کە سیستموو ئیدارەی وێڕاوەبەری وەربەسا وەردەموو پلانە گڵیاوەکاو دەوڵەتوو تورکینە و واتش: "ئێمە جە سیستەمێوە دیموکراسیینە مژیومۍچەنی گردوو گەلاو سەرنیشت و وەرکەوتوو سوریای پێوە مژیومێ. وەلۍدەوڵەتوو تورکی، فرەو دەوڵەتان گەرەکشابۍجەنگ و ئاڵۊزی بەینوو عەرەبی و کوردینە وەش کەرا، وەلۍسەر نەکەوتێ. سەرنیشت و وەرکەوتوو سوریاینە عەرەبۍو ئاشووریۍو سریانیۍو کوردۍپێوە کۊشیێنۍو تا ئیساتێچ بەردەوامێنۍجە کۊشیای. مەبەس جە هجوومەکاو دەوڵەتوو تورکیای دلێنەبەردەی هێزەکاو (قەسەدە)ی و تێکدای ئارامیی هەرێمەکەین. چی ڕووەوە درێژە بە شێوازەکاو جەنگی تایبەتی مدۊ. هجوومەکۍپەی سەروو هەرێمەکەی بەردەوامێنێ، وەلۍدەوڵەتوو تورکیای مەتاوۊ قەسەدەی دلێنە بەرۊ. حکومەتوو تورکی بە هجوومکەردەی سەروو خەڵکی بێتاوانی گەرەکشا خەڵکی تەرسنۊ و مەنتێقەکەی چۊڵ کەرا. دەوڵەتوو تورکی هەوڵۍمدۊ هەقەو شکسەکاش جە هێزەکاو قەسەدەی و گەلی کەرۊوە.

سەردار جودی ئاماژەش پانەیچە دا، تەرسەو ئانەیە هەنە کە جارێوە تەر داعش زیندە بۊوە و درێژەو قسەکاشنە واتش: "دەوڵەتوو تورکی بە هجوومەکاش گەورەتەرین ئیسفادە بە داعشی میاونۊ، وەختۍقۊناغوو یەرەموو وەڵێما دەس پەنە کەرد، دەوڵەتوو تورکی هامڕایاو ئێمەش گەشمەردۍکەردێ، ٧ەم ڕۊو هەڵمەتەکێنە هامڕێما کە بەشداریی هەڵمەتەکۍکەرا پەی دابینکەرەی پەنەوازییەکاشا لوێرە قامیشلۊ، وەلۍفڕۊکەی بێفڕۊکەوانوو دەوڵەتوو تورکی کەردۍئامانج و ٤ هامڕێما گەشمەردۍبیێ. ئارۊ داعش بەتەمامی وێش بە دەوڵەتوو تورکی ئسپاران. هەرهجوومێوە پەی سەروو ئێمە مۊڕاڵێوە گەورەن پەی داعشی. داعش مەنتێقەکەنە نییا، ڕەنگا ئایندەنە داعش هجوومی گەورەتەر کەرۊ".

فەرماندە سەردار جودی واتش، وەختۍهجوومەکە پەی سەروو زیندانی خووێرانی ساڵەو ٢٠٢١ دەسش پەنە کەرد، ئادێچۍهجوومشا کەرد سەروو کەمپەکەی و واتش:"یۊ جە میرەکاشا عێراقنە ئی پەیامەشە پەی کیانێنێ، 'شمە واردە چی کەمپەنە وەردۍوێتا پەروەردە کەردۍچی ئەرەمەپڕدۍئێمه پێویسما پەنەتانە. بە مانێوە تەرە کەمپەکە پێسەن ئەکادیمیایێوە داعشی. من پێسە جەنگوانێوە جە چەتێوە ٢٠ساڵەو داعشی مەتەرسوو، وەلی خەڵک جە نەوێوە تەرسا، کە وەختێو پەیدا بۊ بە عەقڵیەتوو داعشی گەورە بۊ. ڕۊ بە ڕۊ کە ئی زارۊڵە گەورە بۊ، عەقڵیەتوو داعشیچ چەنیش گەورە بۊ. زارۊڵەکۍدلۍکەمپەکەینە گەورۍبا، سەروو بنەماو ئی ویرۊکەیە گەورۍبا.

 کەمپەکەنە ٥٠ هەزار داعشۍهەنێ، کۍوەرپەرسیی ئا تەرسۍگێرۊ گەردەن کۍوەشۍکەردێنێ؟ فرەو وەڵاتا ماچا کە ئا تەرسۍوەرەچەم مەگێرا، کە ئی بنەیانۍپەی سەروو گەلەکەیشا وەشش کەرا. بەریتانیا و فرەو وەڵاتایچ هەمان چێو ماچا. ئەگەر تەنانەت یەک بنەیانە پەیشە خۊفناک بۊ، ئایا ٥٠ هەزار داعشۍتەرسیشا سەرما نییەنە؟ وەختۍدەوڵەتوو تورکی جارێوە تەر بە تەکنیک هجوومش کەردۊ، جارێوە تەر هەڕەشێوە جیددییە وەشە بییە. یاردەیی جیددی زەروورا تا چارەنویسوو کەمپەکەی دیاری کەرمێ. من باسوو چەکی و یاردەی ماددیی مەکەروو. ئانەی کە ماچووش بنیاتنیای کۊشیاێوە هامبەشین چەنی ئیدارەو وێڕاوەبەری و مەسەدە و قەسەدەی. مشۊم ئی کەمپە بۊ بە پەرسەو ڕۊو گردوو دنییێ.

کەمپوو هۊڵی ئینا سەروو سنووروو عێراقی و سوریای. فرەو دەوروبەرەکەیش بیابانا. وەختۍبارودۊخوو کەشوهەوای خراپ بی، کاریگەریی تەکنیکییچ ئەوتۊ نییا. سەدان کەسۍمتاوا بەیا و بلا. کەمپوو هۊڵینە پەروەردەو داعشی ورگێرا. وەختوو ئۊپەراسیۊنەکەینە بڕۍبەڵگەنامێما وێستێوە. چەمکوو جیهادیشا دلێنە نویسیابۍکە بەتورکی نویسیابۍو ئەستەنبوڵنە چاپۍکریێبێنێ. زارۊڵۍسەروو ئی بەڵگەناما پەروەردۍکریا. پەی نموونەی 'جیهاد چێشا و چەنی گرد مسوڵمانێوە متاوۊ جیهاد دژوو کافرەکا کەرۊ'، پێسە یاسێکۍجە بەڵگەنامەکانە نویسیێنۍو پەروەردەشا سەر کەرا.

بێگومان دەوڵەتوو تورکی ئینەی موینۊ. ئا چەکدارۍداعشی کە ئەوروپاوە ئامیبێنۍگردشا عاسمناوو تورکیایۊ ئامێبێنێ، ڕوانە میدیا تورکەکۍباسوو ئانەیە کەرا کە تندوتیژی و فشار دلۍکەمپوو هۊڵینە هەن. دنیایچ وینۊش و بێدەنگەنە. قەسەدە بە تەنیا ئی قۊناغەش دەس پەنەکەردەن. هامپەیمانیی میاندەوڵەتی نزیکۊ ملۊ شۊنی هەڵمەتەکێرە و هەڕەشۍداعشیچ کەمپوو هۊڵینە وینا. ڕەنگە قۊناغوو ٤ و ٥ وو ئینەیە بەردەوام بۊ. ئا میرۍکە پلانەو چالاکییەکاشا عێراق و سوریانە نیێبێرە چی کەمپەوە لوێ. ئەبو عوبەیدە سەرکردەو داعشی ماوێوە کەم چی ئۊردوگانە کوشیا. وەلۍدماو مەردەی ئوبەیدەی، دەمودەس میرێوە تازە نریارە. چی کەمپەنە سەرمڕ وێشا ڕێک وزا. زارۊڵا فێروو سەرەبڕیەی پشیلا و زارۊڵا کەرا. بە شێوەو هێزی سەروازیی پەروەردۍکریا. ئەوەڵ پێویسا هامپەیمانیی میاندەوڵەتی پاڵپەشتیی زیاتەر کەرۊ و گردوو جیهانی ئینەیە گێرا گەردەن".

فەرماندە سەدار جودی واتش کە هجوومەکاو دەوڵەتوو تورکی کاریگەریی نەرێییشا سەروو ئی هەنگامۍبییەن و واتش: " پەی ماوەو یەری ڕوا یوەم ئۊپەراسیۊنێوە جە بەشوو کوچبەرانە کریا. تەماموو ئی بەشەیە ژەناو نەتەوە جیاوازەکانێ. تاومۍواچمۍخەتەرتەرین بەشا. هاموەڵاتاو دەیان وەڵاتا ئینۍچێ، وەلۍوەڵاتەکێشا وەنەشا مەپەرساوە. ئێمە ژەنی و زارۊڵۍمەکوشمۍئینە ڕوحێوە ئەخلاقیی قەسەدەین. پەی ئێمە لایەنی مرۊیی و ئەخلاقی چێوێوە جەوهەریین".

سەردار جودی ڕۊشنش کەردۊ، کۊمەڵێو گرووپۍتایبەتۍهەنێ، کە تەنیا سەروو ئی کەمپیوە هەرمانە کەرا و واتش: "ئانۍکە وەرپەرسێنۍچا گرووپا سەرێکانی و گیرۍسپی"ی لە تورکیایوە ئامێنێ. ٥٠٠٠-١٠٠٠٠ دۊلار مدریۊ بە ویەردەی کەسێوە. دەوڵەتوو تورکیای بەتایبەتی هەرمانە سەروو ئانەیە کەرۊ. بە پاو فرەو هەواڵەکا داعش فرەو یاگانە چەتەکاش کۊ کەرۊوە. ئیدلیبۊ تا شەهبا و عەفرین و گرۍسپی و سەرێکانی. دەوڵەتوو تورکیای گەرەکش نیا ئۊپەراسیۊنەکاما دژوو داعشی کەرمێ، موازا داعش مەنۊ. چی ڕووەوە داعش گەرەکشا وێش ڕێک وزۊوە و و هجوومەکاش زیاتەرۍکەرۊ. حەرچی پێویس بۊ پەی مردنای ئی هەرمانۍکەرمێش، پەشیمانۍنییەنمۍچانەیە کە ١١ هەزار گەشمەردێما پەی گەلا، دژوو داعشی بەخشێ. تا ئاخریچ بەردەوامۍبیمێ".

فەرماندە سەردار جودی ئاماژەش پانەیچە کەرد، وێڕاوەبەری ساڵانە داوا کەرۊ گرد وەڵاتێوە هاموەڵاتاش چۍجیا بازۊ و واتش: "ماوەو حەفتێوەن قەسەدە و ئەرەمەرزیا مەدەنییەکۍسەرەڕاو بارودۊخی زمسانەی دەسشا بە هەرمانۍو کۊشیای کەردەن. پرۊسەکە بەردەواما، وەلۍدیار نییا کەی ڕووەداێوە ڕووە مدۊ. چەمەڕێنۍئەمرەشا پەنە بکریۊ فرەو دەوڵەتا گەرەکشانە داعشی زیندە کەراوە. گەرەکشانە پلان و پڕۊژەی تازە پەی داعشی وەش کەرا. چونکوم زیاتەر جە ١٠ ساڵا ویەردەن و هەڵای قەیرانوو سوریای حەل نەکریان. گێرا جە ٢ ساڵی دماتەریچنە چارەسەر نەکریۊ. هەڵای کەس ئامادە نییا پەی چارەسەریش هەنگامە بنیۊ.وەلۍبە پڕۊژەو ئیرادەی سیاسیی ئێمە مەسەدە و قەسەدە ئامادێنمۍو ١٠ ساڵێن پەنەش هەرمانە کەرمێ. بارودۊخی گردینوو کەمپوو هۊڵی پێسنەن. بێگومان وەختۍهەنگامەکۍدماییش مێ، ئەنجامە گردینەکا وەڵا کەرمێوە".