زانشتگەو شێفیڵدینە جە شتوتگارت چالاکیی "ئازاڎیی پۍ عەبدوڵا ئۆجالانی" گلێرۆبیەی گەلی لوواڕاوە. حەرپاسە نویسیاو"ئازاڎیی پێ ئۆجالانی" سەروو تاوەرو ئیفڵیۆ هورواسیان.
گروپە میان دەوڵەتییەکۍ جە زانشتگەو شێفیڵدینە جە بەریتانیا جە چوارچێوەو هەڵمەتەو "ئازاڎیی عەبدوڵا ئۆجالانی، چارەسەری سیاسی پۍ پرسوو کورد"ینە گلێرۆبیەیێشا ئەنجامدا و پۆسکارتێشا ئیمزاکەردێ و کیاستێشا پۍ ئیمرالی.
گلێرۆبیەکەی جەتەرەفوو گروپوو پەشتیوانی جە کوردسانی(گرووپوو کۆچی و پەنابەری پانیشتوو یۆرکشری)، گروپوو پەشتیوانی فەلەستینی، گروپوو دەسوەڵێوستەی کورداو شێفیڵدی، و گروپوو خۆنکارەکایچ بەهەمان شێوە بەشدارۍ گلێرۆبیەکەی بێنۍ.
چی گلێرۆبیەینە، پەیوەندییەکاو بەروو ئەنجومەنوو گەلوو بەریتانیای عەگید ئامارا و نوێنەرەو کۆنگرەو ستاری جە ئەوروپا ڕوخوش شێخۆ زانیاریشا سەبارەڎ بە وەڵێکۆتەیە سیاسییەکا کوردسانی پێشکەش کەرد.
ئایدۆلۆژیاو ڕابەروو گەلوو کوردی عەبدوڵا ئۆجالانی پۍ نەتەوەی دیموکراتیکی گەلا و ئازاڎیی ژەنا و چارەسەرکەردەی قۆرتەکا جە گرڎ بوارەکانە جە ۉەرکەوتوو دلێڕاسەی و کوردسانینە چنی بەشداربیا هامبەشیش پنە کریا.
جە گلێرۆبیەکەینە ئاماژە پانەی کریا کە کۆشیای کۆمەڵایەتی مشۆم جە دژوو لۆژیکوو دەوڵەت-نەتەوەی گەشە کەرۆ. جە گلێرۆبیەیەکەینە، پارادایموو ئازاڎیی ژەنا جە ڕەهەندە جیاوازەکاوە هۆرسەنگنایش پێ کریا. حەرپاسە سەرنج وزیا سەروو هەڵمەتەو ۱۰و تشرینوو یووەمی پۍ ئازاڎیی ڕابەروو گەلوو کوردی عەبدوڵا ئۆجالانی.
حەرپاس دەس نیشان کریا کە ئانا جامبەلە کە جە ڕیزەکاو یەپەگەینە گەشمەرڎۍ بیە، جە زانشتگەو شێفیڵدینە چنی فکرەکا عەبدوڵا ئۆجالانی ئاشنا بیە و گرنگی بە کۆشیای گەلوو کوردی دۍ. قەرار دریا کە کۆشیای چنی گەلوو کوردی ۋەرفراوانتەر کریۆ.
دماتەر بەشدارا کۆبیەیۆکەی پۆست کارتێشا ئیمزا کەردۍ بە مەبەسوو کیاستەیش پۍ ئیمرالیی.
شتوتگارت
جە ناوەنڎوو گلێرگەو دیموکراتیکی کوردینە جە شاروو شتوتگارت و ئەڵمانیای، کۆبیەیۆ گەلی سازکریا. مەسعود دەغان، ۋەرپەرسوو ناوەنڎوو گلێرگەو دیموکراتیکی کوردی جە شتۆتگارت ئەرەیاۋناش، ڕابەروو گەلوو کوردی عەبدوڵڵا ئۆجالان ئینا چێرو گۆشەگیریێوە قورسینە، و ئەرەیاۋناش، ئی گۆشەگیرییە کارییەگەریی سەروو کوردیچ منیۆرە.
داغان داواش کەردە جە ١٧و ئادارینە جە شاروو کۆڵنینە بەشدارۍ چالاکییەکەی با.
پاریس
ئەنداماو جمیەروو گەنجا شۆڕشگێڵنی (تەجەشە)ی و جمیەروو ژەنە گەنجا کۆششکاری جە ۋەران ۋەروو گۆشەگیریی ڕابەروو گەلوو کوردی عەبدوڵا ئۆجەلانینە سەروو تاوەروو ئیڤڵینە جە پاریسوو پایتەخت و فەرەنسای، چالاکیشا کەرد.
گەنجەکۍ سەروو تاوەروو ئیفڵیۆ نمایشگێوە گەورەشا بە نویستەی لافیتێ"ئازاڎیی پۍ ئۆجالانی" و "پۍ ئازاڎیی ڕابەر ئاپۆی پێوەرە مدرامان کەرمۍ"شا کەردۆ.
گەنجەکۍ وێنەکۍ ڕابەروو گەلوو کوردی عەبدوڵا ئۆجالانی و ئاڵاکۍ پەکەکەیشا هۆرواستۍ و دروشمەکۍ "بژیۋۆ سەرۆک ئاپۆ"، "بۍ سەرۆکی ژیۋای مەبۆ"، "بژیۋۆ مدرامانوو پەکەکەی"شا واتێوە.
حەرپاس گەنجەکۍ ئەرەیاۋناشا، تا ئازاڎیی عەبدوڵا ئۆجالانی بەدەس نۍ، بەردەوام جە گرڎ یاگێنە جە مێڎانەکانە درێژە بە چالاکییەکاشا مڎا.
