ئەنڎاموو کۆمیتەو ڕاوەبەری پەکەکەی دوڕان کاڵکان ئەرەیاۋناش، چەتە فاشیستەکۍ حکومەتوو ئاکەپە-مەهەپەی ئیتر مەتاوا گەریلای مردنا و واتش، "گەریلا ئاڎیشا ورد و خاش کەرۆ ... دەسوەڵێوستەی ئینا لاو گەریلایۆ".
ئەنڎاموو کۆمیتەو ڕاوەبەری پەکەکەی دوڕان کاڵکان جە میانوو بەرنامێوە تایبەتی کەناڵوو میدیا خەبەرینە قسێش کەردۍ و ئەرەیاۋناش، مەرحەلەو جەنگوو بەینوو سوپاو تورکی ئەرەگیری و گەریلاکا ئازاڎیی کوردسانی فاڕیان. کاڵکان باسش چانەی کەرد، ئا چەتۍ کە جە تەرەفوو حکومەتوو ئاکەپە-مەهەپەیۆ پێکئامێنۍ، ئیتر مەتاوا جە ۋەران ۋەروو گەریلاین وەرگە گێرا و پی جۆرە بەردەوام بۍ: " گەریلا مەرحەلەو وردکەردەی و ماڕای چەتەکاش دەسپنەکەردەن.. گەریلا سەرمەشقیش گێرتەن دەس. ئیسە ڕووەو سەرکۊتەی هەنگامە هۊرگێرۊو بازی مڎۆ".
کاڵکان ئانەیچش وست ڕووە کە ئاژەی تازە کاریگەری گەورە کەرۆ سەروو سیاسەتی و ژیۋای کۆمەڵایەتی و پی جۆرە بەردەوام بۍ، "گەریلا ئیسە بە شەو و ڕۆ، هامن و زمسان ۋێڕاگری کەرۆ. ئیسە جە کەشەکانە جەنگ کەرا، جە دەشتەکانە جەنگ کەرا، شارەکایچەنە تا ئاستێوە ئینا جەنگەنە. وەختۍ جەنگ جە شارەکانە جە دەشتەکانە کاریگەرتەر بۆ ئا وەختە سەرکۊتەی گۊرەو جەنگوو گەریلای مۍ ئاراوە ".
هۊرسەنگنایەکۍ دوڕان کاڵکانی جە دیڎارەکەنە پی جۊرەنۍ:
"وەڵۍ گرڎ چێوێنە من گەرەکما سڵام جە مدرامانی تاریخی رابەر ئاپۆی جە ئیمراڵینە کەروو. حیچ فاڕیایۍ سەروو فشاری، ئەشکەنجە و گۆشەگیری ئیمراڵیرە نامان. پێویسا گرڎ جارۍ ئەنەی واچوو. فرەو جاری واتەبێما مشۊم ئێمە دەس جە واتەی ئانەی هۊرنەگێرمۍ. ئانەی تازەن وەڵێکۊتەی مدرامانیا. ئا هەڵمەتۍ کە ئازاڎیی جەستەیی رابەر ئاپۆی و چارەسەری سیاسی پرسوو کوردیش بە بنەما گرتەن، جە کوردسان و جەهانەنە یۊ دماو یۊی بە چالاکی جیاجیا بەرەو وەڵۍ ملۆ. پېسە ئانەی قۆناغەکۍ بەرەو دمایی ملۆ. جە ١٠/١٠/٢٠٢٣ ێوە پەرەسانای ئینا ئارانە. قسۍ و هۊرسەنگنای ئانەی هەن کە قۆناغی یووەم بەرەو دمایی ملۆ. چالاکی تازە مۍ وەروو باسی. جە ماوەکا ویەردەینە ئاماڎەکاری پۍ چالاکی تازەی کریا. کریۆ ئا ئاماڎەکاریۍ جە مانگەو دووێنە، جە ساڵیاڎوو پیلانگێڵنی میان نەتەوەیینە بەیانە وەروو باسی. ئێمە موینمۍ و پۊرەشەرە ویەرمۍ.
چالاکی گەنجا، ژەنا و گەلی جە جاڎەکانە بەردەواما. جە گرڎ یاگێنە ۋێنیشاندای و گلێرۊبیەی هەن. قسۍ و ئەرەیاۋیۍ جە بارەو ئازاڎیی جەستەیی ڕابەر ئاپۆیۆ مڎریا. چا ڕێوە ئەرەیاۋنا و قسۍ فرەو کەسایەتیە نامیەکا بیەیشا هەن . پۍ نمونەی ئەنداما پەرلەمانوو ئەوروپای قسێشا کەردۍ. هێزە چەپەکۍ، سۆسیالیستەکۍ و ئەکادیمیەکۍ جە چوار لاو جەهانیوە قسێشا کەردێنۍ. بەنامۍ سەندیکا و هونەرمەنڎاوە ئەرەیاۋنۍ دریێنۍ. ئەرەیاۋنای جە گرڎ یاگەکاوە هەن. داواو ئازاڎیی جەستەیی رابەر ئاپۆی کریۆ. هەر چی بەینەنە ئەرەیاۋناو مافناسا بۍ. نوسینگەو یاسایی سەڎەی ئامارەو ٢٠٢٣ێش وەڵاکەردۆ. پۍ ئانەی بلا ئیمراڵی چن داواکاریێشا وستێنۍ ڕووە. پارێزنەرا ١١٠ جارۍ داواکارییشا بەرزکەردۆ. واتە حەفتۍ دووۍ جارۍ داواکاریشا وستەن ڕووە و بنەیانەکێچ ٥٩ جارۍ داواکاریشا وستێنۍ ڕووە. بە گرڎیی ١٦٩ جارۍ داواکاریشا پێشکەش کەردەن بەڵام حیچ ئەنجامێوەش نەبیەن.
بڕۍ لایەنۍ موینا کە تورکیا بەرەو چ کارەساتێوە ملۆ
بڕۍ چانیشا ڕەڎکریێوە، جە بارەو بڕێچشاوە زانیاری ۋەردەس نییا. ئاژەکە ئینەن. مامەڵەی یاسایی ئانۍ کە سیستموو ئەشکەنجە، گۆشەگیری و قڕکەردەی ئیمراڵی پێکمارا پی جۆرەنە. هەڵوێسوو ئاڎیشا جە ۋەران ۋەروو ئا مافانە کە جە یاسانە دەسنیشان کریېنۍ، پېسە دیڎاروو پارێزنەری و بنەیانەکا پی جۆرەنە. ئینە جارێوەتەر بەشێوێوە بەرجەسە مۍ ئاراوە و موینیۆ. چی دماییەنە پارێزنەرا و رێکوزیاکا بواروو مافی و یاسۍ داواکاریشا وست ڕووە. جە میدیانە وەڵاکریاوە. فرەو رێکوزیایا بواروو یاسای ئەرەیاۋناشا، کە پۍ ئانەی بلا ئیمراڵی سەردای وەزارەتوو داڎیی کەرا و پۍ ماڕای ئی گۆشەگیرییە گنا حۊڵۆ. ئا جوڵەی چی بوار و بەرەنە هەن.
پارێزنەراو رابەرایەتی سەبارەت بە گۆشەگیری هۊرسەنگنایشا کەرد و قسێشا کەردۍ. ١٠ ڕۊی ویەردە کریۍ پۍ تورکیای گرنگ بۆ، وەختۍ ٥٦٤ رۆشنۋیرۍ جە ئیستەنبوڵ و ئامەدەنە بە نامۍ 'بیمۍ بە سەڎاو ئاشتی'، داواکاری ڕۊشن و دیارشا پێشکەش کەرد. داواو دیموکراتیکبیەو تورکیایشا کەردفرە بە ڕۊشنی واتشا کە ئانە جە ڕاو ئازاڎیی جەستەیی رابەر ئاپۆی و نیشتەیرەی چنی رابەر ئاپۆی دەسەبەر بۆ. ئانۍ کەمۍ ۋیر جە تورکیای کەراوە، ئانۍ تورکیاشا ۋەش مسیۆ ، ئانۍ کە گەرەکشانە جە قۊناغەکەی بیاوانە، موینا کە چێش ڕووە مڎۆ و چێش کریۆ. موینا کە ئانە چ کارەساتێوەن وردە وردە بەرەو تورکیا مۍ. سەروو ئا بنەمایۍ پێشنیاز کەرا. بە رەنج و وەشەسیایۍ فرۆ ئانەی کەرا. جەهەمان وەختەنە ئاڎێچ نا ئارامۍ و ناڕەحەتێنۍ.. ناڕەحەتۍ ئاینڎەینۍ. ۋەروو ئانەی چەمۍ و گۆشێشا هەنۍ و متاوا مەترسییەکا قۆناغەکەی بوینا. میاوانەو موینا کە حکومەتوو تەیب ئەردۆغانی تورکیاش یاونان بە هوروێڵنای. بە جۊرێوەتەر دیار نییا کە جە هوروێڵناکەینە کۊتەنەرە وار یاخوڎ هەڵای نەبیەن. رووبەڕوو کارەساتینۍ. ئیتر گرڎ کەسۍ زیاتەر ئانەی وینا ، هورش سەنگنا، میاوانە و گفتوگۆش جە بارۆ کەرا.
سیاسەتوو قڕکەردەی کوردا بی بە مایۍ پەراوێزوستەی تورکیای
زیاڎ جە گرڎ لایۍ ئەرەیاۋنا تەرەفڎارەکۍ ئاکەپەی ئا گفتوگۆیا کەرا. پۍ شۊرتەیۆ مەژگی و بەرهەمئاردەی رۆژەڤی ئینەی کەرا. پۍ ئانەی مرۆڤەکۍ راسیەکا نەوینا و ویرنەکەراوە ئینەی کەرا. پېسە ئانەی گرڎ بیێنۍ بە فەیلەسوف، بڕێشا بیێنۍ بە بیرمەندۍ، تیۆریستیانۍ، بڕۍ فەرماندۍ و جەنگ کەرۍ. ئاڎۍ ستراتیج مجارە و تاکتیک دیاری کەرا. دروۍ کەرا و ئا یاگۍ کە حەجگیز نەدیێنێشا پېسە ئانەی دیێباشا نیشانەش مڎا. پۍ ئانەی مەژکتا شۊراوە ، دەمدرێژی و فرەڕێسی کەرا. پۍ ئانەی مرۆڤەکا تورکیانە بیاونا بە ئاژێوە کە نەتاوا ویر کەراوە و بیاوانە، ئینەی کەرا.
پۍ چی؟ پۍ ئانەی ئی کارەساتە نە وینیۆ. پۍ ئانەی ئی بڕیەیرەی کە حکومەت و ئیدارەو تەیب ئەردۆغانی سەروو تورکیایشەرە ئاردەن، نەوینیۆ. ۋەروو ئانەی پۍ چی؟ جیهان تورکیای جە سیستموو ۋێش دوور وزۊوە. ئا هێزەی ماچۆ چەقوو سیستمەکەیا. ئا هێزەی ١٠٠ ساڵێن سیستمەکەش سەر مەرزیانەرە، ئا هێزەی ماچۆ سردەو بەینوو ئاسیای و ئەوروپاین، ئیسە سردە نییەنە، ڕایچ نییەنە. ئاڎ یاوناش پی ئاژەیە. پۍ چی؟ بە سیاسەتی دوژمنکارانەش ۋەران ۋەر بە کوردا، بەمەڵامەتوو ئا جەنگەی جە کوردسان بەردش ڕاوە و ئا هجومە ئەرەگیریۍ پۍ سەروو ۋەرنیشت و پانیشتوو کوردسانی وەڵێش وستۍ. حەر یاگۍ جەنگش چنەبۊ، ئاشکران سەرمایەگوزاری چنەشەنە بیەیش نییا. سەرمایەیچ پەنەوازش بە ئارامی و سەقامگیری هەن. ۋەروو ئانەی ساحێبۍ ئا هەرمانۍ فرێنۍ. گرڎ چێوۍ پانەیۆ بەسیانۆ. بێگومان پۍ ئانەی هەرمانە کەرۆ پەنەوازش بە ئارامی هەن. ئیسە تەیب ئەردۆغان ماچۆ 'شمە مزاندۍ قیمەتوو دیشەکێوە چنڎا؟"، ماچۆ "من پیشەسازی دلێینەی، پیشەسازی جەنگی وەڵۍ وزوو"، ماچۆ "تاتە و بابێما بەردەوام جەنگشا کەردەن، سەروو ئەسپیۆ نە وەستێنێرە"، ماچۆ، "با کەش و گەشمەرڎا چۆڵ نەبۆ". جە ڕاو رێکوستەی چەتەکاوە هجوم کەرۆ سەروو سەرنیشتوو ، پانیشت و ۋەرنیشت و کوردسانی. بازنەی تاریخی ڕاو ئاوریشمی، جە ۋەرکۊتۆ تا ۋەرنیشت و جە سەرنیشت تا پانیشت دوو ریانێوەن کە ڕاو بازرگانیا کەردەنش بە مېڎانێوە دوور جە بازرگانی. گرڎ کەسۍ ئینەی وینۆ. ئیسە موینا کە ئانە پۍ ئاینڎەو تورکیای بە چ مەعنێوەن. سەردەموو قەوارەی، سیستمێوە کە سەڎ ساڵۍ چێوەڵتەر ئەرەمەرزیان دمایش پنە ئامان. ئانۍ واچێنۍ سەڎ ساڵەو لۆزانی دمایش ئامان، پایۍ وزمۍ ساڵەو سەڎ و یوەمیوە و زەماۋنە گێڵنێنۍ بیەیشا بۍ. ساڵەو سەڎ و یووەمینی پا جۆرە دیارا کە ئا ساڵۍ کە بە سیستموو لۆزانیوە ئامان ئاراوە بەرەو ئاخری ملۆ. ۋەروو ئانەی ئا تاریخە و گرڎوو ئا یاگا پنەشا واچێنۍ ستراتیژیک جە دەسشا دێنۍ. نە یۊبیەی سۆڤیەتی مەنەن تا پېسە جەندرمەو ئەوروپای مامەڵە کەرا، نە کەس متمانەش پنەش مەنەن. دەوروو جەندرمەو ۋەرکەوتوو دلېڕاسەیش پنە مەڎا. ۋەروو ئانەی مەتاۆ پەنەوازی ئا دەورەیە جابەجێ کەرۆ. سیستم ڕای تازێش وەشەکەردێنە جیهانی تازەش پۍ ۋێش وەشکەردەن. جە ۋەرکەوتوو دلېڕاسەینە پرۆژەی تازەش خوڵقنان. تەیب ئەردۆغان کە سەردەمانێوە واچۍ ئاڎ هامسەرۆکوو پڕۆژەو ۋەرکەوتوو دلېڕاسەی گۊرەیا، ئیسە جە ۋەرکەوتوو دلېڕاسەینە دووروزیانۆ. ئا سەرۆککۆمارێوەن کە دەوڵەتەکەش جە ۋەرکەوتوو دلېڕاسەینە دووروزیانۆ. ئا گلېرگە چێش بە سەرۆککۆمارێوە پی جۆرەیە کەرۆ؟ حیچ یاگێوەش پۍ تورکیای ناستەنۆ. تورکیا ئیتر بە راسی جە بەروو مۆدێرنیتەی سەرمایەداریوە جە پێگێوەنە بۆ. ئەگەر ئایندێوە بۆ، یان بۆ بە نۆکەروو سیستمی، یان بۆ بە هەڕێمێوە کە جە تەرەفوو سیستمیوە تاڵان کریۆ و چەوەسیۊوە. حیچ بەهایۍ تەرش نییا. ئیسە گرڎ ئانەی وینا و هورش سەنگنا.
گۆشەگیری ئیمرالی کاریگەری سەروو ئازاڎیی گەلا ۋەرکەوتوو دلېڕاسەی کەرۆ
ئانۍ تورکیاشا وەش مسیۆ، ئانۍ دیموکراسیانە ویر کەراوە، ئانۍ تامەزرۆو ژیۋایۍ ئازاڎینۍ، گەرەکشانە چی کارەساتەیە نەجاتشا بۆ، شۊنەو ڕزگاریرە گێڵا. ئاڎۍ مزانا کە ئا ڕۍ بە ئازاڎیی جەستەیی ڕابەر ئاپۆیرە ویەرۆ ، بەهۊرگێرتەی سیستموو ئەشکەنجە و گۆشەگیری ئیمرالی و ماچا کێشەو کوردی سەروو بنەماو دیموکراتیزەکەردەی تورکیای و ئازاڎیی گەلوو کوردی بەدی مۍ.
ئی جۆرە هوشیارییە جە تورکیانە تا ڕادێوە وەڵۍ گنۆ. بەڵام فشاروو و چەوەسیایۍ پاسە هەن کە کەس مەتاوۆ باسش کەرۆ. چێگەنە ٥٦٤ ڕۆشنۋیرۍ ئازایانە بەرۍ کۊتۍ. ئەگەر پی جۆرە بەردەوام بۆ، متاوۆ ئی بێدەنگییە مارۆ.
ئی کارەساتە تەنیا بە تورکیایۆ سنووردار مەمەنۆ. ئی ئاژەی ئامان ئاراوە کاریگەری خراپش سەروو ژیۋای ئازاڎی و دیموکراتیکی گەلا ۋەرکەوتوو دلېڕاسەی و کاریگەری خراپ سەروو رەوتوو ئازاڎیی مرۆڤایەتی کەرۆ. پۊکەی گرڎ چی مژارەنە بێزار و نیگەرانێنۍ. جە لېوەتەرۆ چا یاگانە کە فکروو ئاپۆیش پنە میاوۆ، گەل عالتەر ڕاسییەکا موینا و میاوانە. پۊکەی ئا هەنگامۍ کە ئێمە پېسە هەڵمەتەو ئازاڎیی جەهانی پێناسەش کەرمۍ، پەرەسانای و فراوانبیەین بە ئامانجوو ئازاڎکەردەی جەستەیی ڕابەر ئاپۆی و چارەسەرکەردەی پرسوو کوردی. جە ۋەرنیشتۆ پۍ سەرنیشتی گلېرگە هەمیشە ئینا سەروو پەیاوا. گەنجا و ژەنا و گلېرگەو ئێمەیچ جە بەروو وڵاتیچ هەر پا جۊرەنۍ.
٢٦ مین ساڵ، بۊ بە ساڵەو سەرکۊتەی هەڵمەتەو ئازاڎیی
پێویسا چێش کریۆ؟ بێگومان پێویسا هەڵمەتەکۍ گۊرەتەرە کریۆ. پێویسا زیاتەر پەرەش پنە بڎریۆ. فکرەکۍ رابەر ئاپۆی مشۊم بیاوا گرڎ یاگۍ. ڕابەر ئاپۆ واتش: "جە هەر یاگێنە پارێزنامەکۍ من با منیچ ئینانی چا. هەر وەروو ئینەیچا کە مشۊم پارێزنامەکۍ جە گرڎ یاگۍ و جە گرڎ بەشەکا جەهانی و پۍ گرڎ لایۍ وەردەس بۆ. ئشیۍ هەرمانۍ پا جۊریە کریۍ. کەمپینەکە جە بنەڕەتەنە پی جۊرەنە. پۍ پارێزناو ئازاڎیی و پۍ ئازاڎیی چالاکییەکۍ ئەنجام مڎریا، ئانەیچ وەڵۍ گنۆ.
ئێمە پېسە جمیەری و گەلی و مرۆڤایەتی لوایمۍ دلۍ ئی ڕاو هەڵمەتۍ و پی جۆرە لوایمۍ دلۍ ساڵەو ٢٠٢٤یوە. ئێمە گەرەکمانە جە ساڵەو ٢٠٢٤ینە بە هەڵمەتێوە گەورەتەرۆ ئەنجام و سەرکۊتەی بەدەس بارا. ئامانجما ناستەی تەمامەتی سیستموو ئەشکەنجەی و گۆشەگیری و قڕکەردەین جە ئیمرالی و جە پرۆسەکا تەریچەنە ئا هەڵمەتۍ تەرۍ گەشەسانا مەیانە ئاراوە ، بەردەوامۍ با . بە تایبەتی ٢٦ەمین ساڵەو پیلانگێڵنیی میان نەتەوەیی بۆ بە ساڵەو سەرکۊتەی هەڵمەتەو ئازاڎیچ.
ئیمراڵی چەقوو ڕاوەبەردەی قڕکەردەی کوردان
وەختۍ باس جە سیستموو ئەشکەنجە و گۆشەگیری ئیمرالی کەرمۍ، باسی وەرەنگاربیەیۆ ئانەی کەرمۍ ، وەختۍ ڕاسییەکا ڕابەر ئاپۆی مارانۍ ئاراوە، مشۊم تەماشەو قۆناغەو ئی ٢٥ ساڵەو ئیمراڵی کەرمۍ. سیستموو ئیمرالی سیستمێوە ئاسایی نییا. پېسە زینڎانی منویسیۆ بەڵام پاسە نیا. پېسە ناوەندێوە ئاسایی گێرتەی نییا. ناوەنڎوو ڕاوەبەردەی قڕکەردەو گەلوو کوردییا. ئیمرالی ئا یاگێنە کە قڕکەردەو کوردا چنەشەنە شکڵوو شێوەش پنە مڎریۆ. گەورەتەرین هجومی قڕکەری ئینا ئیمراڵینە. سیستموو ئیمراڵی سیستمێوە پی جۆرەنە کە چاوە کۊکوشی سەروو گرڎوو گلېرگەو کوردیرە جابەجێ کریۆ. ئینە سیستموو ڕاوەبەردەی کۊکوشی گەلوو کوردین و جە هەمان وەختەنە ئا سیستمەنە تورکیا بەرۊش ڕاوە.
جیهان سەروو ویرکەردەیۆ و سیاسەتوو کۆماری تورکیای کە گەرەکشا کوردی دلېنەبەرۆ ئەرەمەرزیان. پی جۊرە ئی هەژموونە سەرمایەدارییە جیهانییە ماوەو سەڎێوەن سەرش هۊردان، سەرمایەداری جیهانی و پێکئاما هەژموونگەریەکەش ڕێک سەروو ئی بنەمایێنۍ. پۊکەی ئیمرالی پەیوەندیش بە گرڎ کەسێوە هەن، پۍ گرڎوو مرۆڤایەتی گرنگیش هەن. ئا مرۆڤۍ چی دنیێنە مژیوا بە مەڵامەتوو سیستموو ئەشکەنجە و گۆشەگیری و قڕکەردەی ئیمرالیوە زەرەرشا پنە میاوۆ. ئیسفاڎە جە کۊشیای ئازاڎیی هۊرگێرۆ. ئینە جەنگوو گرڎ کەسێوەن. پێویسا گرڎ کەسۍ ئینەی بویناو چنەش بیاوانە. بێگومان ئینە پەیوەندیش بە کۆکوشی کورداوە هەن. عەقڵیەت و سیاسەتوو قڕکەردەی چارەکە سەڎێوەن پېسە سیستموو ئەشکەنجەی، گۆشەگیری و قڕکەردەی ئیمراڵی بەردەواما.
پیلانگێڵنیی میان نەتەوەیی دژوو ئی سیستمەیە هجومېوە پاکتاوکەرانە بۍ. ئاڎۍ جە ٩/١٠/ ١٩٩٨ دەسشا بە هەڵمەتێوە چانەی کەرد. جە ١٥و شوباتینە ئینە فاڕیا پۍ سیستموو ئیمرالی.
هجوموو قڕکەردەی سەروو گەلوو کوردی، ئەشکەنجەدای جە ئیمرالیی و گۆشەگیری پېسە سیستمێوە قڕکەری بەردەوامیش هەن. ئی سیستمە چارەکە سەڎێوەن ڕاوەبەرکریۆ. گرنگا مرۆڤەکۍ ئینەی ویناو چنەش بیاوانە. کۆکوشی دژوو کوردا مشۊم بە عالی چنەش بیاومېنە. پەنەوازەن بزانیۆ کە ئینە هجومېوە جەهانییا. مشۊم مرۆڤایەتی ڕووبەڕووش باوە، ئی هجومە پېسە پیلانێوە میان دەوڵەتی پلان پەی مجیایرەی جابەجێ کریان. ٢٥ ساڵېن سیستموو ئەشکەنجە، گۆشەگیری و کۆکوشی ئیمرالیی بەردەواما. ئی سیستمە هجومېوە پیلانگێڵنانەی میان نەتەوەییا.
کورد ماوەو ٢٥ ساڵان دژوو هجومی وەحشیانەی وێڕاگری کەرۆ
پیلانگێڵنیی ١٥و شوباتی هجومېوە سەرتاسەری بۍ پۍ قڕکەردەو کوردا. ئینە هجومېوە پاکتاوکارییا. ئا هجومەی کە جە کەسایەتی رابەر ئاپۆینە ئەنجامدریا، یۊن چا هجوما. ئی هجومە ئامانجش دلېنەبەردەو ڕابەر ئاپۊی بۍ. سەروو بنەماو دلېنەبەردەو سەرۆک ئاپۆی، پەکەکەیچ نازا و سەروو بنەماو دلېنەبەردەو پەکەکەیچ کوردا کۆکوش کەرا. حۊڵدایێوەن ٩و تشرینی یووەمی بە دایوەنەیوە کتوپڕی جە ماوەو ڕووێنە بیاوناش ئەنجام، وەختۍ شکسشا ئارد، جە قەنارەدایشا پېسە پیلانێوە جە ١٥و شوباتینە ئارد ئاراوە. چانەیچەنە ئەنجامشا نەگێرت. هجوموو ئیمڕاڵی وزیا ڕۆژەڤۆ. ٢٥ ساڵێن سەروو ئا سیستمەی پنەش ماچا سیاسەتوو دیلگێرتەی و ڕێزنایرەی بە پلانەی جیاوازە هجوم بەردەواما. بە سەرمەشقایەتی ڕابەر ئاپۆی گەلوو کوردی و دۆساش ماوەو ٢٥ ساڵان جە دژوو هجومېوە پا جۆرە وەحشیانەینە، هجوم جە دژوو مرۆڤایەتی ۋێڕاگری کەرا. کۊشیای جە دژوو سیستموو ئەشکەنجە، گۆشەگیری و قڕکەردەی ئیمراڵی پی جۆرەنە. کۊشیای ئازاڎیی کوردی کۊشیایۍ پی جۆرەنە. جە ئیسەنە ٢٥ ساڵۍ پەڕ کەرۊوە. ڕێک بۊ بە چارەکە سەڎێوە. قسێوە ئاسانە نییەنە. هجومېوە وەحشیانەی پی جۆرە کریۆ.
ئانۍ ئیمراڵیشا مەرزنانەرە، چا بارۆ واچێنۍ "ڕووانە ١٠ جار چۍ مرا". وەختۍ باس جە سزاو جە قەنارەدای کریۆ، "جە قەنارەدای تەنیا یەکجار کوشیش". " جە ئیمرالینە گرڎ ڕووۍ دە جارۍ مری". رابەر ئاپۆ ماچۆ: 'چۍ مەردەی نیا ، تەنیا کوشتەی هەن "ئینە ئا مەنتیقەنە کە هجوموو دلېنەبەردەیش چنە ئەنجام مڎریۆ"، ئی جۆرە هجومۍ ٢٥ ساڵېن بەردەوامێنۍ و ڕابەر ئاپۆ چا مدرامان کەرۆ. ئینە چ جۆرە مدرامانێوەن؟ ئیراڎە چێشا، بڕوا چێشا، ئازایەتی چێشا، پاگیری چێشا، ئا هێزە چێشا کە درێژە پی مدرامانەیە مڎۆ؟ مشۊ چی مژارەیە عال بیاومېنە.
ئەگەر ئینۍ نەبیێنۍ مەڵامەتەکێش ساڎۍ بیێنۍ، مرۆڤ نەتاوۍ نەک پۍ ماوەو ٢٥ ساڵا، تەنانەڎ ٢٥ سانیێچ وەرگە گێرۊ و وێڕاگری کەرۆ. بەڵام ئەنجامدریا. مدرامانی پا جۊرە کریا.
گرڎ کەسێوە هێزە پیلانگێڵنەکا مشناسۆ
ئینسان متاوۆ واچۆ کە ٢٥ ساڵۍ ماوێوە فرەن. ڕاسا. جە ئەنەیاوایما پۍ پیلانگێڵنی و سیستموو ئیمراڵی کەموکوڕی هەن. بڕۍ خاڵۍ لاوازێما هەنۍ جە ڕێبازوو پەرەپنەداو خەباتێوە کاریگەری و سەرکەوتووی. ویەرنای ٢٥ ساڵا و درێژکەردەیۆ ئی وەختیە، سەرچەمەکەش چی خەباتیۆ هۊرگێرۆ. بەڵام ئانەما هۊش نەشۆ کە هێزە پیلانگێڵنەکۍ ، گەرەکشا بۍ نەک جە ماوەو ٢٥ ساڵانە، بەڵکوم جە یەک ڕۊنە ئەنجام بەدەس بارا.
بەڵام چینەینە سەرکۊتۍ نەبیۍ بی بە ڕووۍ، بی بە مانگێ، بی بە ساڵێ، بی بە ویس ساڵێ و بی بە ٢٥ ساڵێ، گرڎ ساتێ و گرڎ ڕووۍ هجوم کەرا. گرڎیچ پوچۍ بیێوە و شکسشا ئارد. بە شێوێوە ڕۊشن ئانە وینیۆ کە پیلانگێڵنیی میان نەتەوەیی چنی پوچ بیەنۆ و هجومی پیلانگێڵنی چن لاواز و هاڵی بیەنۆ. بەڵام سیستموو ئیمراڵی بەردەوامیش هەن. هجومی پیلانگێڵنی بەردەوامیش هەن. سەروو ئی بنەمایێچە مدرامان دژ بە پیلانگێڵنیی بەردەواما. پۊکەی ئی قۆناغۍ دمایش نامان. ۋەروو ئانەی پێویس مەکەرۆ مرۆڤ واچۆ پیلانگێڵنیی لاواز نەبیەن، کۊشیایەکا دژ پی پیلانگێڵییە ئەنجامش بەدەس ناردەن. گرڎوو ئا چێوا کە وەڵتەر ڕووەشادان و دمایشا ئامان ئیسە ڕۊشنا. هەردووە چێوەکە پی جۊرە نیەنۍ. هجوم هەن و بەردەوام بانگەشەو ۋێش کەرۆ، گەرەکشا سەرکۊتەی بەدەس بارۆ، کۊشیای ۋەران ۋەر پا هجوما چنڎین جارۍ شکسش ئاردەن، بەڵام کۊشیای هەر بەردەواما. هجومە قڕکارییەکۍ سەروو گەلوو کوردی بەردەوامێنۍ. ساڵوەگەڕوو ٢٥ەمین ساڵێوە گرنگەنە. جە ساڵوەگەڕوو ٢٥ەمینینە ئشیایۍ جە ڕوانگەو یاساییوە ئازاڎیی جەستەیی ڕابەر ئاپۆی کریۍ بە رۆژەڤ. چی چوارچێوەنە جە تەرەفوو دادگاو مافەکا مرۆڤوو ئەوروپای و ئەرەمەرزیاکا بواروو یاسێوە قەراری پی جۊرە دریا، بەڵام جابەجێ مەکریا. سیاسەت ئانیشا جابەجێ مەکەرۆ. ۋەروو ئانەیچ سزاو دیسپلینی ساختەی سەپنانە. ۋێش جە ۋێشەنە یاساکاو ۋێچش جابەجێ مەکەرۆ. تورکیا جابەجێشا مەکەرۆ، ئەوروپایچ حیچ پابەندکەردەیۍ سەروو تورکیایرە مەسەپنۆ، ۋەروو ئانەیچ هامکار و هامبەشوو تاوانێنۍ، گردیچ درێژە پا هامکارییە مڎا.
بەردەوامیش هەن.....
