دۊڵەتو تورکی ئەرەگیری گرڎو یاسا مېیاننەتەوەییەکا پاشێلۍ مکەرۆ و جە دژو گەلا مەدەنی کۆمکووژی ڕاوەبەر مکەرۆ. کارەوانەکۍ گەلی سەرەڕاو هرووژمەکا دۆڵەتو تورکی ئەرەگیری و چەتەکاش یاوۍ بەنداوو تشرینی و ئێشکگیری گەلی پەی پارێزنای بەنداوەکەی بەردەواما.

دۊڵەتو تورکی بە فرۆکە بۊمبوارانو بەنداوو تشرینیش کەرد. کاتێ کارەوانو گەلی جە کانتۆنەکا جزیرەی و کۆبانێنە کۊتۍ ڕا پەی بەنداوو تشرینی، نوقتۍ وشکنای سەرو ڕاو کارەوانەکا گەلی بۊمبواران کریا، بەڵام کارەوانەکۍ گەلی سەرەڕاو بۆردوومان کەردەی یاوۍ بەنداوو تشرینی. جە بۊمبوارانی یووەمەنە هاموڵاتیێوە گەشمەرڎە بی و ٤ هاموڵاتیێچ زامڎارۍ بیۍ.

دۊڵەتو تورکی ئەرەگیری و چەتەکێش جاری دووەم هاموڵاتیەکێش بە چەکی قورس  بۊمبواران کەردۍ. جە ئاکامو هرووژمەکەینە ٣ هاموڵاتیۍ گەشمەرڎۍ بیۍ و ١٩هاموڵاتیێچ زامڎارۍ بیۍ.

گەل سەرۆک کۆمارو تورکیای ئەردۆگانشا بە نەفرەت کەرد و پەیامو پەشتیوانی کەردەی قەسەدەی دریا.