کارەوانێوە تەر جە کۆبانێوە بەرەو تشرین کۆتێ ڕا
کارەوانێوە تەرو گەلو کانتۆنی فوراتی جە کۆبانێوە بەرەو بەنداو تشرینی کۆتێ ڕا. ژمارێوە فرە جوانێ و هاموڵاتیێ بەتەمەنێ ئینێ دلێ کارەوانەکەینە.
کارەوانێوە تەرو بە هەزاران کەسێ جە خەڵکو کانتۆنو فوراتی پەی پارێزناو بەنداو تشرینی جە وەراوەرو هرووژمەکا دۆڵەتو تورکی، بەرەو بەنداوەکە کۆتێ ڕا.
جەماوەرەکە بە دروشمو 'مڏرامان ژیواین'، 'بژیو مڏرامانو قەسەدەی و یەپەژە'ی کۆتێ ڕا.
کاروانەکە کە جە سەڏان تڕۆمبێلێ پێکئامێ بێنێ، بە سرودێ و گۆرانیێ و جۆش و خروشێوە شۆڕشگێڵانەوە کۆتێ ڕا.
