کۆنسەو گرڎی کەبەدەھەی، یاڎوو شۆڕشگێڵنە ئینتەرناسیۆنالیستەکا 'جەرەن گونەشۍ' و 'ئاینور ئادا'یێش کەرڎۊ کە جە سەرێکانۍ جە ئاکاموو هجومەکا دەوڵەتوو تورکی ئەرەگیری و کرېگرتەکاشەنە جە مانگەو تشرینوو دووەموو ٢٠١٩ینە گەشمەرڎۍ بیۍ بېنۍ.
جە ئەرەیاۋناکەو کۆنسەو گرڎی کەبەهەدەینە ئامان: "دووۍ شۆڕشگێڵنۍ ئینتەرناسیۆنالیستۍ، دووۍ ژەنۍ کۆمیناڵۍ بە بەنامەکا ئاینورۍ و جەرەنۍ، جە دژوو سوپاو فاشیستی، ستەمکاری، ئەرەگیری دەوڵەتوو تورکی و بە کرېگرتاو جیهادی دژوو لەشکرکێشی پۍ سەروو ئاخېزوو ۋەرنیشتی جەنگشا کەرڎەن". جە ٣ۍ تشرینوو دووەموو ٢٠١٩ ی هەڤاڵە جەرەن گونەشە و جە ٦و تشرینی دووەموو ٢٠١٩ ینە هەڤاڵە ئاینورە ئادا جە بەرەکا جەنگینە، بەشڎاارۍ قافڵەو گەشمەرڎا بیۍ.
"پېسە تەڤگەروو یۊگېرتەی شۆڕشگێڵنی ژەنا (کەبەدەهە)ی جارێوە تەر وەعد مڎەیمۍ کە ڕاو پیرۆزەو هەڤالاما وەر نەڎەیمۍ و سەروو ئا ڕیبازیە هەنگامە بنیەیمۍ کە هەڤالا شۆڕشگێڵنیما ئاینورە و جەرەنە پۊرەشەرە لوېنۍ، وە هەمیشە خۊتانکەرڎەی کەرمۍ جە ڕێبازەکەیشا".
