خالیدە تورکۆغڵووە پەرلەمانتارو دەم پارتی بە بۆنەو ١٢ەمین ساڵوەگەرو تیرۆرکەردەو ساکینە جانسزێ، فیدان دۆغانە و لەیلا شایلەمزە کە جە ٩و کانوونو دووەمی ٢٠١٣ ینە پاریسەنە گەشمەرڏي کریێ، قسێش کەردێ و پەشت پەردەو کۆمکوژییەکەیش هۆرسەنگنا.

خالیدە تورکۆغڵووە جە چەمپنەکەوتەکەینە چنی ئاژانسو هەواڵو فوراتی ئەرەیاوناش کە کۆمکوژی پاریسی تەنیا دژو گەلو کوردی ئەنجام نەدریان، بەڵکوم دژو ئەرەکۆشای ئازادی ژەنان و ئاماژەش پانەیەدا کە ئینە کۆمکوژییێ وەربڵاوە.

دژو ئەرەکۆشای ئازادی هرووژمێوە هەمەلایانەن

خالیدە تورکئۆغڵووە ئەرەیاوناش کە ئی کۆمکوژیێ جە ئەنجامو هرووژمێوە شەخسی نەبییەن، بەڵکوم تیرۆرکەردێوە پلان پەی مچیایرەی بییەن، سەرو ئاستو مییاننەتەوەیی و جە درێژەو قسەکاشەنە واتش: "کۆمکوژی پاریسی هێرشێکیهرووژمێوە فرەلایانا جە دژو ئەرەکۆشای ئازادیوازا گەلو کوردی.  ساڵەو 1999نە بەدماوە پرۆسەو گفتگۆی ئینا ئارانە و ئینەیچ پەیوەندیدار بێ بە پرۆسەکەیۆ و هرووژمێوە پلان پەی مچیایرەی بێ، پۆکەی کاتو هۆرسەنگناو کۆمکوژی پاریسینە، پەنەوازا زیاتەر سەرنج وسمێ سەر  و مەڵامەتە کۆمکوژییەکا . سەکینە جانسزە هێماو ئەرەکۆشای و ئازادیی ژەنا کورد بێ. پێسەو یۆ جە جمیەرەو ئازادی کوردی چنین ساڵێن سەرمەشقایەتی مڏرامانیش کەرد. هەرپاسە چنین ساڵێن فیدان دۆغان جە بوارو دیپلۆماسینە دەوری گرنگش گێڵنان، لەیلا شایلەمزیچ دەورش +جە خەباتو جوانانە گرنگ بییەن، پۆکەی هرووژمێوە ڕاسەوخۆ بێ پەی سەرو مییانو ئەرەمەزیاکا تەڤگەرو ئازادیی کوردی.

خالیدە تورکئۆغڵووە ئەرەیاوناش کە ئامانجو کۆمکوژییەکەی لاوازکەردەو ورە و جۆشو ئەرەکۆشای گەلو کوردی بێ و واتش: "ئەرەکۆشای ئازادیی ژەنا کوردی نەک تەنیا پەی گەلو کوردی خاوەن پێگێوە تایبەتا، بەڵکووم پەی جمیەرەو ژەنا جە سەرانسەرو جەهانینە گرنگی وێش هەن. پۆکەی نەک هەر ژەنا کوردی بەڵکووم مشۆم گرڏو جمییەرەکا ژەنا ونەپەرسایۆ چی کۆمکەوژییە بکەرا.

"کۆمکوژییەکە بەشێوەن جە پلانێوە مییاننەتەوەیی"

خالیدە تورکئۆغڵووە یاڏش وستیمێ کە گەلو کوردی ساڵانە پەی ئانەی دۆسیەکەی ڕۆشن بکەراوە ئەرەکۆشای مکەرا و ئاماژەش  پانەیەدا کە ئا کۆمکوژییە نەک تەنیا جەلا٦ەن دۆڵەتو تورکیۆ ئەنجامدریان، بەڵکوم هێزە جەهانییەکێس بەشدارێنێ چی تیرۆرکەردەینە. بەڵام ئینە تەنیا بی شێوە ڕۆشن نمەکریۆوە هێزەکا مۆدێرنیتو سەرمایەداری دلیشەنە دەورێ گرنگشا بییەن. حکومەتو فەرەنسای جیای ئانەی وەرپرساو و تاوانبارا ئاشکرا بکەرا، هەوڵشادا بە دەستگیرکەردەو کەسێ ڕووەداکەی پەردەپۆش بکەرا و حەقەت٦نەکا کۆمکوژییەکەی بشاراوە."

خالیدە تورکئۆغڵووە واتش: "ژەنا بەردەوام سەرمەشقێ ئەرەکۆشای ئازادی بییەنێ. پۆکەی سیستمە باڵادەسەکێ گەرەکشانە بە ئامانجگێرتەی ژەنا  مڏرامانو کۆمەڵایەتی دلێنە بەرا. پۆکەی کوشتەو ژەنا کۆششکەرێ ئازادی و یەکسانی گرڏو جەهانینە بە ڕێکەوت نییا. بە بێ سزا ئاستەیۆ تاوانبارا هەوڵێوەن پەی شەرعیەتدای پا کردەوا. ئێمە مزانمێ ئی کۆمکوژییێ جەنگی تایبەتا و لە گرڏ شەرت و مەرجێنە درێژە بە ئەرەکۆشای وێما مرەیمێ.

'دووەم کۆمکوژی دێرسیما'

خالیدە تورکئۆغڵووە ئاماژەش پانەیەدا کە کۆمکوژییەکە کاتو پڕۆسەو یەکلایکەردەیۆ ڕووەشدا و سەبارەت پا قۆناغەی واتش: "کۆمکوژی پاریسی سەردەمو یاگەگیربییەی سیاسەتو دیموکراتیکینە ڕووەشدا. چا کاتەنە ئێژا ئۆجالان ئی کۆمکوژییەیش بە "کۆمکوژی دووەمو دێرسیم" ی نامێ بەر چی ماوەنە  دۆلەت سیاسەتو کۆمکوژی پەیڕەو کەرێ پەی ئانەی گورزێ جە پڕۆسەو گفتەگۆی دۆنە. ویناما کە دۆڵەت بە تەمامی بیی بە دۆڵەتو جەنگی."

خالیدە تورکئۆغڵووە جە درێژەو قسەکاشەنە واتش: "کۆمکوژییەکە تەنیا بە تورکیایۆ سنووردار نییا بەڵكووم ئا وڵاتا جە سەرانسەرو جەهانینە کە نمەتاوا ئاشتی چنی گەلەکەیشا بنیات بنیا، سیاسەتی هامشێوە پەیڕەو مکەرا، چی جۆرە پرۆسانە هرووژمەکێ تەنیا تنتیژی جەسەیی نیەنێ، جە هەمان کاتەنە جە ڕاو دەسدرێژی، تۆقنای و ستراتیژو دابەشکەردەو گلێرگەی ئەنجام دریۆ پۆکەی مشۆم جە پرۆسەو ئاشتینە فرە ئاگادارو ئا جۆرە مەترسیا بیمێ و ڕا نەدریۆ بە حیچ جۆرێ ئا جۆرە هرووژمێ بە ڕەوا تەماشە کریا."

'ئەرەکۆشای وەرنیشتەنە گەشە مکەرۆ'

خالیدە تورکئۆغڵوە سەبارەت بە وەرنیشتی ئەرەیاوناش کە کۆمکوژی پاریسی هرووژمێوە بییەن پەی سەرو مییانکەو ئەرەمەزیرەکا تەڤگەرو ئازادی کوردی و ئاماژەش پانەیەدا کە ئەرەکۆشای جمیەرەو ژەنا کوردی سنوورەکێش بەزنێنێ و جە درێژەو قسەکاشنە واتش: "کۆمکوژی پاریسی بەشێ بییەن جە پلانەو حکومەتیوئاکەپە-مەهەپەی.

ئاڏێ بە زانابییەی پەی تەرسناو گەلی و ژەنا کوردی، ژەنیشا کەردە ئامانج، ئی ئی ئەرەکۆشایە جە وەرنیشتەنە گەشەش کەردەن و بییەن بە ئەرەکۆشیا ئازادی جەهانی. ئی شۆڕشە یاوۆنە سەرکەوتەی و بە دڵنیاییۆ ونەپەرسایۆ چی کۆمکوژیا مکەرمێ."