رابەرو ئایینی ئێرانی عەلی خامنەیی رووەدایەکۍ سوریایش هۊرسەنگنۍ و باسش چانەی کەرڎ کە ئا رووەدایۍ پلانەی هامبەشەو ئەمریکا و ئیسرائیلی بیەن. خامنەیی بە بێ ئانەی راسەوخۆ نامێش بەرۆ ئاماژەش بە دەورو دۆڵەتو تورکی کەرد.
دماو وڕای رژێمو ئەسەدی جە سوریا، رابەرو ئایینی ئێرانی عەلی خامنەیی مژارەکەش هۆرسەنگنا. خامنەیی سەرنجش وست سەرو رژێمو ئەسەدی و ئانەش وست ڕووە کە رووەدایەکۍ سوریای جە لایەنو ئەمریکا و ئیسرائیلیوە پلانەش پەی مجېیانەرە.
بە بێ نامبەردەی راسەوخۆی ئاماژەش بە تورکیای کەرد
خامنەیی بە بێ ئانەی نامێش بەرۆ، ئاماژەش بە تورکیای کەرد و واتش، "بەڵێ وڵاتێوە هامساو سوریایچ چا بوارەنە دەورێوە ئاشکراش گێڵنا. گرڎ کەسۍ متاوۆ ئانەی بوینۆ، بەڵام فاکتەری سەرەکی و ژوورو کۆنتڕۆڵو پیلانگێڵنیەکەی ئینا ئەمریکا".
خامنەیی بانگەشەو ئانەیش کەرڎ، کە بەڵگە ئینا ۋەردەسەنە کە رووەدایەکۍ سوریای بە پلانەو هامبەشەو ئەمریکای و ئیسرائیلی ئەنجامدریێنۍ.
هەر جە قسەکاشەنە خامنەیی جەختش کەردۆ کە بەردەوامۍ با جە ۋێڕاگری و واتش، "چڼەیچ فشار وزا سەرو موقاوەمەی، موقاوەمە زیاتەر قەوەت بۆنە. ئانۍ جە ماناو مڎرامان و موقاوەمەی نەیاوێنێنە، ئەجۊشانە ئێران لاواز بیەن".
