(جەمال ئاندۊک) جیهان نازلیئەر گەریلاو هەپەگەی جە ٢١وو ئازاروو ٢٠١٩ینە، جە هەرێموو حەفتەنینوو سەر بە هەرێمەکاو پارێزنای میدیاینە گەشمەرڎە بی. جە دەگاو سپێنوو سەر بە مەنتێقەو لیجەو ئامەدینە پەرسەش پەی نریارە.

ڕاوەبەر و ئەنداماو کۊمەڵەو یۊبییەی کولتووری، پەشتگیری و هامکاریکەرڎەی بنەیانەو ئا کەسا بێشکۍ شارستانینە کەسوکارەکێشا بێسەروشۊنۍ بیۍ (مەبیا – دەر)، کۊمەڵەو هامکاریکەرڎەی بنەیانەو زیندانییا (توئای –دەر )وو ئامەدی، زیات جەیلان و گوڵستان ئاتاسوی هامسەرۊکاو پارتی دیموکراتوو گەلا (هەدەپە)و ئامەد، پنار ساکک تەکین هامقسەکەروو پارتوو چەپی سەوزی، خەیرەدین ئالتون هامسەرۊکوو پارتوو هەرێمەکاو دیموکراتی و بڕۍ هاموەڵاتیۍ تەرۍ، بەشدارییشا جە پەرسەکەینە کەرد، کە دوو ڕوۍ درێژەش بۍ.

خەڵک سەروو یانەو گەشمەرڎەیشا دا و سەرەوەشییشا جە بنەیانەکەیشا کەرد.

س.ز