هامسەرۆکایەتی دەسەی ۋېڕاوەبەری کەجەکەی جە ساڵیاڎو چالاکی گیانبازی زیلانېنە ئەرەیاۋنېوەش ۋەڵاکەرڎۊ و ئاماژەش پانەی کەرڎ، "چالاکی هەڤاڵ زیلانۍ گۊرەتەرین نیشانۍ خۊتانکەرڎەیا جە راسیی رابەرایەتی ".
هامسەرۆکایەتی دەسەی ۋېڕاوەبەری کەجەکەی بۊنەو ساڵیاڎو چالاکیی گیانبازیی زیلانۍ کە ٣٠ حوزەیرانو ١٩٩٦ی جە دێرسیم ئەنجامدریا ئەرەیاۋنېوەش ۋەڵاکەرڎۊ.
ئەرەیاۋناکەو کەجەکەی پی جۊرەنە:
"ئێمە هەڤاڵ زیلانە کە جە٣٠ حوزەیرانو ١٩٩٦ی چالاکی گۊرەش ساز کەرڎ و نامۍ ۋېش جە تاریخەنە نۋیستۊ جە کەسایەتی ئاڎیچېنە گەشمەرڎا ئاخېزی و دیموکراسی بە رێز و پنەزانایۊ ۋیرمارمېوە، ئا وەعدەی پایشاما دان واوەیش کەرمېوە. هامڕا زیلانە بە ژیای و هەڵوێس و ڕاپیما و چالاکی ۋېش جە کورڎسانەنە بیە بە ڕەمزو، تێکەڵ بە قافڵەو نەمرا بیە. نەک هەر جە کورڎسان و پۍ گەلوو کورڎی بەڵکم جەهەمان وەختەنە پۍ کۊشیای ئازاڎیی ژەنۍ و کۊشیای ئازاڎیی گەردوونی مرۆڤایەتی یاگۍ گرنگەش هەنە.
یاڎکەرڎەیۊ زیلانۍ بە ڕاکەرڎەی سەرو خەتەو ئاڎۍ دەسەبەر کریۊ
فرە دژوارا کە تەنیا بە ۋاتەی راسی زیلانۍ بە گرڎ جۆرێوە ماناو ئاڎۍ گېڵیۊوە. ۋېش جە ۋېشەنە زیلانە نەک بە قسۍ بەڵکم بە چالاکی ۋېش سەلەمنا. بە چالاکی گوزارشتش جە ۋېش کەرڎ و پی جۆرە بیە بە خۊتان ژیای و حەقیقەتێوە راسەقینە. ئا وەختەی چالاکییە تاریخیەکەش ئەنجامدا، ئەرەیاۋناش کە ئاڎە فەرە ژیۋایش وەش گەرەکا، پەیۋەسەنە بە ژیای و و چالاکییەکەیچش پەی ئانەی ئەنجام دا. ئا هەڵۋېس و قووڵبیەیۊ تەنیا بە ڕاکەرڎەی سەرو خەتەو ئازاڎیی تاۋیۊ ئەنەیاۋایش سەر سازکریۊ و جابەجۍ کریۊ. حەرپۊکەی یاۋاینە جە زیلانۍ، تەنیا بە ڕاکەرڎەی سەرو خەتەو ئاڎیۍ بۊ.
رابەر ئاپۆ ۋاتش، زیلانە فەرمانڎېنە، ئێمەیچ جەنگاوەرۍ خەتەو ئاڎېنمۍ و گرڎ جارێوە دەسنیشانش کەرڎ کە مشۊ بە عالی جە هەڤاڵ زیلانۍ و چالاکیەکەیش بیاۋمېنە، ئاڎە ۋېچش حۊل دۍ عالتەر چانەی بیاۋۊنە و شایەنش بۊ. جە مەرحەلۍ پېسە ئیسەینە کەئێمەش ئینایمۍ چنە، دەسەڵاڎداری ئاکەپە-مەهەپەی حۊڵ مڎۊ کورڎی جینۆساید کەرۊ، مۆدێرنیتەی سەرمایەداری جە ڕاو دژوارکەرڎەو کۊکوشکەرڎەی ژەنا، گلېرگەی و ژیۋگەیۊ حۊڵ مڎۊ درېژە بە باڵادەسی ۋېش بڎۊ. پۍ ئانەیچ بە قووڵکەرڎەیۊ کۊکوشی ژەنا حۊڵ مڎۊ باڵادەسی ۋېش درێژە پنەبڎۊ، دژوو ئینەیچە جە کورڎسان، ۋەرکەوتوو میامینی و تەمامو جەهانی گەل، ژەنی و چەوەسیېکۍ گرڎ ئینۍ دلۍ مدرامانیەنە. جە گرڎ وەختۍ زیاتەر پەنەوازش پانەی هەن کە پی جۆرە یاۋاینە سەرو راسی زیلانۍ سازکریۊ و چا راسیەنە قووڵبیەیۊ بێنە ئاراوە. وەرو ئانەی گرڎ جەنگاوەرێوە، گرڎ کورڎۍ، گرڎ ژەنۍ، جە گرڎ یاگۍ جەهانی ئانۍ گرڎ جە پەیجوری و ئەرەکۊشای ئازاڎینە بۊ جە راسی زیلانۍ بیاۋانە و ۋېشا چا راسیەنە قووڵ کەراوە.
زیلانە یاۋا بە رێبازی ئاپۆیی جە بەرزتەرین ئاستەنە
چالاکی هەڤاڵ زیلانۍ گەورەتەرین نیشانۍ خۊتانکەرڎەینە جە راسی رابەرایەتی کە پیمەرەکۍ ئازاڎیش خوڵقنان و پارېزنۊش. ۋېش جە ۋېشەنە ئانەی راسی زیلانېش ئارڎەن ئاراوە ئا هەڵۋێس و فکرەنە. جە وەختېنە کە دەوڵەتو تورکی کۆلۆنیالیستی کۊکوشکاری پۍ ئەشریەیۊ رابەر ئاپۆی کۊت جموجوڵ و هجومو دلېنەبەرڎةیش ئەنجامدا، هامڕا زیلانە چالاکی گەورەی تاریخیش ئەنجامدا و ئانەش وست ڕووە کە دڵسۆزەو ئارڎەینەرە و پارێزنای جە پێودانگە مرۆڤایەتیەکا، دڵسۆزی پۍ رابەر ئاپۆی مشۊم چنین بۊ. زیلانە پا چالاکیەو ۋېش گورزۍ گۊرېش ئۊو سیستم و مەژگ و دوژمنو مرۆڤایەتی، کۊکوشکاری، کۆلۆنیالیستی و پاکتاوکەری ئەشا، ئازاڎیش بەقوەتکەرڎ و بیە بە نمونەو رەسەنو هامڕایی. رێباز و چالاکی هامڕا زیلانۍ جە هەمان وەختەنە نیشانۍ ئاست و رێبازی تازەینە سەرو خەتەو گیانبازی کە کۊشیایما پۍ ۋېش بە بنەماش گېرۊ. ئینە جە رێبازی گیانبازی ئاپۆیینە میاۋۊ بە بەرزتەرین ئاست. بێگومان گەریلاکۍ ئازاڎیی کورڎسانی ئا رێبازیە پۍ ۋېشا بە بنەما گېرا، پا رێبازە گیانبازییۊ جە دژوو دوژمنی فاشیستی ۋېڕاگری مکەرا و پۍ پارېزنا و ئازاڎیی کورڎسانی جەنگ کەرا. گەریلا ئارۊ جە زاپ، ئاڤاشین، مەتینا، خواکورک، بۆتان، ئامەد، دێرسیم، سەرحەد و جە گرڎ یاگەکا تەرینە کە چنەشەنە بە رێبازو زیلانۍ ۋېڕاگری مکەرا، مژیۋاو جەنگ مکەرا.
زیلانە هامڕاین چنی رابەر ئاپۆی
بە دڵنیاییوە پۍ ئانەی جە زیلانۍ بیاۋمېنە، هەستەکاش بە زینڎەی ڕاگېرمۍ مشۊم ئاواتەکاش بارمۍ دی و سەرو خەتەو ئاڎۍ ڕاکەرمۍ. زیلانە ۋەڵۍ گرڎ چېۋېنە یاۋاینەن جە راسی رابەر ئاپۆی کە پۍ گەلوو کورڎی خوڵقنەرو گرڎو بەهاکان، گوزارشتا جە دڵسۆزی پۍ ڕابەر ئاپۆی و هامڕاین چنیش. حەرپۊکەی پۍ ئێمە یاۋاینە جە راسی زیلانۍ و ڕاکەرڎەی سەرو خەتەو ئاڎۍ بە ماناو قووڵبیەیۊ زیاتەریا سەرو راسی رابەر ئاپۆی. جە ٢٧ەمین گەشمەرڎەبیەیشەنە ئێمە هامڕا زیلانۍ و جە کەسایەتی ئاڎېنە گەشمەرڎا ئاخېزی و دیموکراسی گرڎیشا جارێوەتەر بە رێز و پنەزانایۊ ۋیرمارمېوە. سەرەتا گەلەکەما، ئێمە خوڵقە جە گرڎ کەسی کەرمۍ کە قەناعەتشا بە بەهاکا ئازاڎیی هەن، با جە دژوو گۆشەگیرکەرڎەی رابەر ئاپۆی هەڵۋێسی بەقوەت بەربڕا".
هـ . ش
