کۊمیتەو پەیوەنڎییەکا جبەرو کەجەکەی، بەتنی سەرزەنشتو ھجومەکەو دۊڵەتو تورکیای فاشیستی مکەرۊ پۍ سەرو تەیارەخانەو سلێمانی و ۋاتش:" گەلوو پانیشتوو کورڎسانی کارۋەدایۍ خاسش بۊ ۋەران ۋەرو دۊڵەتو ئەرەگیری و تۊڕەو سیخوڕاو نۆکەرا و سەر بە ئەرەگیرینە.
جە ئەرەیاۋناو کۊمیتەو پەیوەنڎییەکا جبەرو کۊما جڤاکێن کورڎسان (کەجەکە)ینە ئامان:
"جە ئەرەکۊشای ئازاڎیی کورڎسانینە، بە قۊناغێۋە تاریخی گرنگەرە ۋیەرمۍ، فاشیزمی ئاکەپە و مەهەپەی جە جەنگ و قڕکەرڎەینە دژوو تەڤگەری و هێزی وڵاڎپارێز و گەلەکەیمانە یاۋان د ما پەلە قاژۍ ۋێش، بە مەڵامەتو هەڵۋێسو ڕابەر ئاپۊی کە مدرامانۍ گۊرە جە ئیمراڵینە نیشانە مڎۊ، چنی فیداکارییەکا گەریلای کە جە کەشەکا کورڎسانینە ۋەرەن ڕوو گرڎ جۊرە چەکێۋە مرڎێنێۋە، دۊڵەتو تورکیای کەوتەن دلۍ شکس و نا ھومێڎیێۋە گۊرەیۊ، ئینەیچ بۊ بە مەڵامەتۊئانەی، ڕەنگە ڕژێمو ئەردۊگانی پەنا بەرۊ ۋەرو گرڎ جۊرە تەنگ پنە ھورچنیێۋە، ئەردۊگانی فاشیست ئارەزوو مکەرۊ فاشیزم گرڎ یاگێۋە گێرۊۋە و سەرتاپاو گلېرگەی تەسلیم بۊنە، جە نەورۊز و ۋەختو مدرامانو ژەنا و جوۋانا ۋڵاتینە، حساباتو ئەردۊگانی تێکدریا و مراڎەکەش حاصڵ نەبی و شکسش ئارڎ، ئی ڕژێمە تا مۍ ڕوۋە جە وڕای کەرۊ، گەلەکەما جە ١٤ و ئایارینە دماین بزمارەو ۋێش مڎۊ تابوتو فاشیزمی.
بە مەڵامەتو نا ھومېڎی و شكس ئاڕڎەو پیلانەکاشۊ، ڕەنگە ڕژێمو ئەردۊگانی پەنا بەرۊنە ۋەرو گرڎ جۊرەکا تەنگ پنە ھورچنیەی، بێجگە چانەی، مەتاۋۊ کەسی جە دەورو ۋێش کۊکەرۊۋە.
بێگومان مەتاۋۊ کەسی جە دەورو ۋێش کۊکەرۊۋە. تەڤگەرەکەما مزانۊ ئەردۊگانی فاشیست پەی مەنەیۊ ۋێش جە دەسەڵاتەنە پەنا پۍ گرڎ تاوانێۋە بەرۊ. جمیەرەکەما بە مەڵامەتو بومەلەرزەکەیۊ تا ھورچنیاو ١٤ و ئایاری قەرارو مرڎناو چالاکییە سەروازیەکاش دابۍ، کەچی سوپاو ئەرەگیرو ترکی دەسش نەپارێزنان جە ھجومکەرڎەی پۍ سەرو مەنتیقەکا ۋەرگېری ڕەوای جە ۋەرنیشت و پانیشتوو کورڎسانی و شەنگالی و تەمامو خاکو کورڎسانی".
ھ . ش
