هامسەرۆکایەتیی کۆنسەو ڕاوبەری کەجەکەی ساڵیادوو شۆڕشوو وەرنیشتیەنئەرەیاوناێوەش وەڵا کەردۆ، کەجەکە ئەرەیاوناش شۆڕش سەروو بنەماو فەلسەفەو ڕابەرو گەلو کوردی عەبدوڵا ئۆجالانیوە ئەرەمەرزیان. هەرپاسە کەجەکە داواش جە گرد لاییوە کەردە، خاوەنداریی جە شۆڕشی بکەرا و بە شێوێوی تند جوابوو هجوومەکاو دەوڵەتی ئەرەگیرکەروو تورکی بدانێوە.

ئەرەیاونای هامسەرۆکایەتیی کۆنسەو ڕاوەبەریی کەجەکەین:

"گەلوو وەرنیشتی و هێزە شۆڕشگێڵنەکاو وەرنیشتی ١٩و تەمموزو ٢٠١٢ بە بڕیارێو تارێخیی لە کۆبانێـوە دەسشا بە پرۆسەو ئازادیی وەرنیشتی کەرد. ئی هەنگامە تارێخییە ماوێوی کوڵنە فاڕیا پەی شۆڕشو وەرنیشتی و ئەنجامنە سیستمی دیموکراتیک سەرنیشتنە و وەرکەوتوو سوریاینە پەرەش سانا. ئێمە ئیسە ئینایمێ ١٢ەمین ساڵەو ئی وەڵێکەوتە تارێخییەینە. ئی وەڵێکەوتە تارێخییە سەرەتا جە گەلوو وەرنیشتی و سەرنیشتی و وەرکەوتو سوریای، گەلوو عەرەب، ئەرمەن، سوریانی، تورکمانی و گردوو گەلاو سوریای و وەرکەوتو دلێڕاسەی، گەلە ستەموەنەکریایاو جیهانی، ژەنا، گەنجا و گردوو هێزە شۆڕشگێڵن و دیموکرات و ئازادیوازەکا مەبارەک مکەرمێ. جە١٢ەمین ساڵوەگێڵیشەنە بە ڕێزدارییوە سڵام مکیانمێ پەی پارێزوانا و گەلوو ئی شۆڕشەیە و بە ڕێزۆ یادوو ئا گیانبەختکەردا ئی شۆڕشەیە مکەرمێوە کە ئینێ گەشەپپەنەدای و پارێزنای ئی شۆڕشینە گەشمەردێ بیێ، جە کەسایەتیی گەشمەرداو شۆڕشوو وەرنیشتینە سەرەو وێما وەرەموو گردوو گەشمەرداو شۆڕشی و دیموکراسیینە کۆممنمێرە و وەعدشا پەی ئەوەخوای مکەرمێوە.

سڵام وەنەو کەسایەتییە شۆڕشگێڵنە ئینتەرناسیۆنالیستەکا کریا

وەختێو باسوو شۆڕشو وەرنیشتی مکریۆ پێویسا هەمیشە ئا ئینتەرناسیۆنالیستێ هۆشێ نەشاوە، کە گەورەتەرین و مانادارتەرین پەشتیوانیی تارێخییشا جە شۆڕشو وەرنیشتی نیشانە دا. گەل گردوو جیهانیوە پەی پارێزنای شۆڕشو وەرنیشتی بەرەکاو جەنگینە کۆشیێ و جەنگشا کەرد. فرە جە دۆسە ئینتەرناسیۆنالیستەکا چا کۆشیایەنە گەشمەردێ بیێ. هەرپاسە ئێمە بە ڕێزداری و حورمەتۆ یادیشا بەرز مرمانمێ. ئێمە پێسەو گەلو کوردی و گەلوو وەرکەوتو دلێڕاسەی، فرە قەرزدارێشانمێ. ئێمە جارێوی تەر حورمەت و ڕێزی بێکۆتاییما ئاراستەشا مکەرمێ. هەرپاسە جارێوی تەر ڕێز و سوپاسوو وێما ئاراستەو دۆسە میاننەتەوەییاما مکەرمێ کە بەبێ مدرای و سەرەمڕ شۆڕشو وەرنیشتی و ئازادیی گەلو کوردینە و گردوو گەلاو وەرکەوتو دلێڕاسەینە کۆشیێ.

شۆڕشو وەرنیشتی پەشتی بە فەلسەفەو ڕابەر ئاپۆی مبەسۆنە

شۆڕشو وەرنیشتی بە تایبەتمەندییەکاش بەهای تازێش بە ئینسانی بەخشێنێ. پێسەو وەڵێکەوتەێوی تازەی ڕاپیمای ئازادیی جیهانیی گەلا، ژەنا و چینە چەوسیاوەکا یاگێ وێش تارێخەنە دا گێرتە. شۆڕشو وەرنیشتی دژوو ستەم، نایەکسانی و دڕندەیی سەروو میراتوو کۆشیای تارێخیی پەی ئازادیی ستەموەنەکریایا پەرەش سانا. چی ڕووەوە ڕێخەو وێش تارێخەنە چەقنان. بە پەشتیبەستەی بە فەلسەفە و پارادایموو ڕابەر ئاپۆی، ڕاش پەی وەڵیکەوتەیە تازە تارێخییەکاو شۆڕشی کەردۆ. ڕابەر ئاپۆ بە تیۆروو مۆدێرنیتەی دیموکراتیکی و پارادایموو گلێرگەی دیموکراتیکی و ئیکۆلۆژی سەروو بنەماو ئازادیی ژەنێ، چارەسەرێوی گرنگش پەی کێشەو ئازادیی سەردەموو ئێمە خوڵقنان. ڕابەر ئاپۆ بە مەبەسوو زاڵبییەی سەروو سیستەموو چەوسنایوەی پەنج هەزار ساڵەی و مۆدێرنیتەی سەرمایەداریی، کە گلێرگە و سروشتش بە بەرهەمئاردەی بێوێنە وڕووەو  دلێنەشییەی کەردەنۆ، وەڵیکەوتەتەرین هۆشیاری و ڕێکوستەیش پێشکەش بە ئینسانی کەردەن. پەوکای شۆڕشو وەرنیشتی بییەن بە گرنگتەرین و وەڵێکەوتەتەرین فاڕیای سەدەی ٢١.

"گرنگتەرین و مانادارتەرین فاڕیای سەردەموو ئێمەن"

شۆڕشو وەرنیشتی بە پێشکەشکەردەی سیستموو وێڕاوەبەری بە نامێ ڕاوەبەریی گەلی دیموکراتیکوو سەرنیشت و وەرکەوتو سوریایوە، چارەسەرش پەی ئا ئاستەنگییا ئاردۆ، کە شۆڕشەکا بە درێژایی تارێخی ڕووبەڕوو بییەنۆ و بییەن بایسوو شکستئاردەیشا. پەشتیبەستەی بە ئازادیی ژەنێ، بییەن بایسوو ئانەیە بتاویۆ سەروو ئا عەقڵیەتە پیاسالارییەیوە زاڵ بۆ، کە هۆکاروو گردوو چەوسنایۆێوەن و پەرە بە هۆشیاریێوی ئازادی بدۆ. ئی تایبەتمەندییە بنەڕەتیێ شۆڕشوو ١٩و تەمووزیش کەردەن بە گرنگتەرین و مانادارتەرین فاڕیای ئی  سەردەمەینە.

بەردەوامیدای بە پارێزنای شۆڕشی فرە گرنگا

لایێوی تەریچۆ شۆڕشو وەرنیشتی و وێڕاوەبەریی دیموکراتیکوو سەرنیشتی و وەرکەوتو سوریای جە ئەوەڵۆ تا ئارۆ وەرگێریی گرد جۆرە هجوومێوە بییەنۆ، بە مدرامان مەنەنۆ وە پی شێوە وێش سەلەمنان. بێگوما ئی ئی سەرکەوتەیە به کۆشیای گەل و هێزه شۆڕشگێڵنەکا و هامپەیمانیی میاندەوڵەتی به دی ئامان. فرە گرنگا ئی کۆشیایە جە قۆناغێوی چانەنە، کە تەرسەکاو سەروو شۆڕشی زیاتەر و زیاتەر بییەن، زیاتەر پەرە بسانۆ. چی بارەوە داوا جە گردوو گەلاو سەرنیشت و وەرکەوتو سوریای و هێزە شۆڕشگێڵنەکاو وەرنیشتی و وەرکەوتو دلێراسەی و هێزەکاو هامپەیمانیی میاندەوڵەتیی مکەرمێ، کە بەردەوامێ با و پەرە بە کۆشیای پارێزنای شۆڕشو وەرنیشتی بدانە.

دەوڵەتوو تورکی کێشە و ملەملەکا قووڵتەر مکەرۆوە

دەوڵەتوو تورکی و ڕژێمی فاشیستی ئاکەپە-مەهەپەی کە دەسبەرداروو عەقڵییەتی ئەرەگیرکەری و کۆکوشیی نەبییەن، سەرەتاوە تا ئارۆ بە مەبەسوو شکسپنەئارسەی شۆڕشو وەرنیشتی هجووم مکەرۆ سەروو شۆڕشو وەرنیشتی و دەسش دان بە گردوو جۆرە پەیوەندیێوی گەندەڵیوە. گردوو چەتە کۆنەپەرەس و فاشیستەکا بەتایبەت داعشش ڕێک وستەن و هجووم مکەرانە سەروو سەرنیشتی و وەرکەوتو سوریای. پاسە بە چەتەکاشەوە ئا ئەنجامەی کە گەرەکش بێ بەدەسش نارد، هجوومی ڕاستەوخۆش دەس پەنە کەرد و وەرنیشت و خاکی سوریاش ئەرەگیر کەردێنێ، چا یاگانە کە ئەرەگیرییش کەردەن ڕژێمێوی تاڵانکەر و دڕندەش ئەرەمەرزنان و دیمۆگرافیاو مەنتێقەکەیش فاڕان و ئینەیچ بییەن بایسوو سەرەوردای گرد جۆرە کردەوێوی  نائینسانانەی. پەی ڕاگێریکەردەی ج ەپەرەسانای چارەسەریی دیموکراتیکینە و پێوەژیواینە سوریانە گرد جۆریوەش بەکارئاردەن. بە ئەنقەست ملوێنان سووریێش پەی تورکیای کێشتێ و تا جەنگەکەی قووڵتەر بکەرۆوە، چەتەکێش ڕێکێ وستێ. هەوڵێش دێ گەلاو هەرێمەکەی دژوو یۆی بەکارێ بارۆ، تەیب ئەردۆغان، سەرکەردەی فاشیست، بە عەقڵیەتی کۆنوو عوسمانیی تازەیوە ڕژێمێوی فرە خۆفناکش بنیات نیان. ئی ڕژێمە هۆکاری سەرەکیی قووڵکەردەیەوەی کێشە و ملەملەکاو سوریاین.

ئێمە واتەواچ و دایوسانای سوریانە بە گرنگ مزانمی

ئێمە بە گرنگش مزانمێ کێشەکاو سوریای ڕاو دیالۆگی و دایوسانایوە بە دیموکراتیک و یەکسان چارەسەرێ بکریا. چارەسەرکەردەی کێشەکاو سوریای پی چەمک و ڕێبازەوە مکریۆ. ئێمە پێسەو تەڤگەروو ئازادی ئینە فرە بە گرنگ مزانمێ و پەشتیوانییش وەنە مکەرمێ. هەرکەسێوە گرنگیی بە ئایندەو سوریای و گەلاو سوریا بدۆ، مشۆم نزیکبییەیوە و هەوڵێوی پاسنێ بدۆ. لای سەری ئی بنەمێوە داوا جە گرد لاییوە مکەرمێ پی ڕێبازەوە مامەڵە بکەرا و ڕاو دیالۆگیوە کێشەکا چارەسەر بکەران. داوا جە دەوڵەتوو سوریای و گردوو ئا کەسا مکەرمێ کە ئینێ چەنی  چارەسەروو کێشەکا، چوارچوە یۆبییەی سوریاینە ڕاو  دایوسانایوە کێشەکا چارەسەرێ بکەرا. ئەگەر ئینە ڕووە بدۆ، پلانەکاو تەیب ئەردۆغانی، سەرکردەی فاشیست پەی دلێنەبەردەی سوریای و جەنگوو دلێ گەلاو سوریای بەتەمامی پووچەڵ مکریۆوە.  

جارێوی تەر بە دڵ و گیان ١٢ەمین ساڵوەگێڵوو شۆڕشو وەرنیشتی مەبارەک مکەرمێ. شۆڕشو وەرنیشتی کە بەهایێوی هامبەشەو ئینسانینە، جە گردوو گەلاو وەرکەوتو دلێڕاسەی و جیهانی مەبارەک مکەرمێ. داوا جە گرد لێوە مکەرمێ خاوەنداریی وەنەو شۆڕشو وەرنیشتی بکەرا. هەرپاسە داوا جە گرد کەسێوە مکەرمێ وەراوەروو هجوومی ئەرەگیرکاری و لکنای پانیشتوو کوردستانی بە تورکیایور هەڵوێستێوی قەوەت نیشانە بدانە و پاڵپەشتی وەنەو گەلو کوردستانی بکەرا.