دەسەو ڕاوەبەری گلێرگەو ئێزیدی ئەورووپانە (کەجەئێ-ئە) بە بۊنەو ساڵیاڎوو ڕزگارکەرڎەی شەنگالیوە ئەرەیاوناێوەش وەڵا کەرڎۊ دلێشنە ئامان: "سەرەتا ٨ەمین ساڵیاڎوو ڕزگارکەرڎەی شەنگالی جە گیانبەختکەرڎا، گلێرگەی ئێزدی و سەرجەموو گەلوو کوردی و کورڎسانی مەبارەک بۊ، شەنگال ڕوێوە پێسە ئارۊینە جە ١٣و تشرینوو دووەموو ٢٠١٥ سەرجەنۊ  ژیڵۍ وێش درووس بییۊ و سەیەو مدرامانوو کۊشەرا و گیانبەختکەرڎانە دەسوو تیرۊریستە فرەنەتەوەییاو داعشیوە ڕزگار کریا. چا پرۊسەو ڕزگارکەرڎەینە فرە جە کۊشەرا و وێگیرا گیانشا بەخت کەرد و هەریۊ چانیشا بە ونیش نامێشا بە حەرفی ئاڵتوونەین تاریخەنە نویستۊ.

داعش و هامکارەکێش پێسە دەوڵەتوو تورکی ئەرەگیری و هامکارە هەرێمییەکاش یانۍ پەدەکە و گرووپە دماکەوتەکاش بەرەو سوننەی تاوانێوە دژەئینسانیشا کەرد، کە دژوو گەلوو ئێزدی و ئایینوو ئێزدایەتی، قڕکەرڎەی و  ئەمرەشا کەرڎە".

حەر ئەرەیاوناکەینە ئامان، کە "گرد کورڎێوە شکۊمەند، دیموکراتیک و کەسۍ ئینساندۊسۍ وەرپەرسێنۍ جە وێڕاوەبەریی شەنگالی بپارێزنا و قەوەتش کەرا. ئایندەو گلێرگەی ئێزدی چی جیهانەنە بە پارێزگاریکەرڎەی جە ئیدارەو وێڕاوەبەریی شەنگالی و دداننیایپۊرەی بە قەوارەو شەنگالیوە بەسیانۊ".

ئاخریچۊ دەسەو ڕاوەبەریی گلێرگەو ئێزیدی ئەورووپانە (کەجەئێ-ئە) واتەنش، "ئێمە جارێوە تەر ٨ەمین ساڵیاڎوو ڕزگارکەرڎەی شەنگالی وەنەو گەلوو کوردی و کورڎسانی و ئێزدییەکا مەبارەک کەرمۍ و سەرەیما حاسوو گیانبەختکەرڎانە کۊمنمێرە و کە بیۍ بە هەسارە و و بە حەرفی ئاڵتوونەین نامیسا پەی خاکوو شەنگالی و ئێزدخانی نویستۊ. ڕاشا ڕامانە، فەلسەفە، هەڵوێست و مدرامانشا جە شەنگالی وێڕاوەبەرنە زیاتەر مارمۍ دی و بەزینڎەیی مازمیشۊ.