کەمپوو هۊلینە جە ٢٤ سەعاتی ویەردەنە٢٩ داعشۍ گیریێنۍ
ئۊپەراسیۊنوو هێزەکاو ئاسایشوو دلۍ سەرنیشت و وەرکەوتوو سوریاینە بە پەشتگیریی قەسەدەی و یەپەژەی کامپوو هۊلینە، ڕۊو یەرەمینە ٨ چەتۍ داعشی گیریێ.
چوارچوەو قۊناغوو یەرەموو ئۊپەراسیۊنەکەینە بە نامۍ "ئۊپەراسیۊنی مرۊیی و ئەمنی"، بەشوو موهاجیراتینە، کە خۊفناکتەرین بەشوو کەمپەکەین، وشکنیا.
ئۊپەراسیۊنەکەنە ژمارێو چەتۍ داعشی دەسبەسەرۍ کریێنۍ و چندین کەرەسۍ بریندارکەرۍ گیریێنێ.
ئەرەیاونیا، ئۊپەراسیۊنەکەنە ٨ لایەنگیرۍ گیریێنۍ و تونێلەکاو وێشارتەیوە چەتەکا وێزیێنێوە.
هێزەکاو ئاسایشوو دلۍ سەرنیشت و وەرکەوتوو سوریای واتش جە ٢٤ سەعاتی ویەردەنە ژمارەو گیریایا یاوان ٢٩ کەسێ.
وشکنایەکانە بۊمبێوە دەسی و کەرەسۍ بریندارکەردەی و جلۍ سەروازیۍ و زەڕ و ئامێروو چەتەکا گیریێنێ.
