کۊمەڵەو ڕۊنامەنویساو کورڎسانی وەرتەسککەرڎەیۊ ئازاڎیی ڕابەروستەی و پاشێلکارییەکاو وەرڎەموو ئازاڎیی هەرمانەو ئەرەیاونای تورکیانە و پانیشتوو کورڎسانینە سەرکۊنە کەرڎۍ.
جە ئەرەیاوناێوە کۊمەڵەکەدینە ئامان، "ئێمە ڕوودایەکاو ئی دماییەو پێوەس بە پاشێلکرڎەی ئازاڎیی ڕابەروستەی و ئازاڎیی هەرمانۍ ڕۊنامەوانیۍ تورکیانە و پانیشتوو کورڎسانینە بەتندی شەرمەزار کەرمێ".
دلێشنە ئامان کە گێرتەی ڕۊنامەوانا فرات جان ئارسلان، دەلال ئایکوز و سیبەل یوکلەری تورکیانە ئانەیە بەروزۊ، کە تورکیا بییەن بە زینڎان پەی ڕۊنامەوانا.
هەرپاسە سەپنای و بڕیەیۊ چوارساڵا سزاو زینڎانی ملوو ڕۊنامەوان شێروان شێروانییرە پانیشتوو کورڎسانینە پێسە خراپبییەی دۊخوو ئازاڎیی ئەرەیاونای پانیشتوو کورڎسانینە ئشناسیان.
کۊمەڵەکە داواش کەرڎە، کە ڕۊنامەواناو زینڎانی دەمودەس ئازاڎۍ کریا و ئازاڎیی هەرمانەو ڕۊنامەوانی گەرنتی کریۊ.
جە ئەرەیاوناکەینە ئامان: "ڕۊنامەوانی تاوان نییا، مافێوەن و ئا مافە مشۊم گرڎ هەلومەرجێوەنە دەسەبەر کریۊ و پارێزیا بۊ".
س.ز
