سەرووبەنڎوو ساڵیاڎوو ڕزگارکەرڎەی شەنگالینە کۆنفڕانسوو "ژەنۍ و پارېزنایش"و ژەنا ئێزدی و عەرەبی لوواڕاوە، چنەشەنە داواکریا گرڎوو پێکئاماکا پێوەرە ۋەران ۋەر بە پیلانگێڵیەکا داعشی، دەوڵەتوو تورکی و پەدەکەی مرڎاوە.
کۆنفڕانسوو "ژەنۍ و پارېزنایش"و ژەنا ئێزدی و عەرەبی شەنگالنە، پۍ ساڵیاڎوو ڕزگارکەرڎەی شەنگالی بە چنڎین دروشمۍ لوواڕاوە، کە چنەشەنە چنڎین پەیامۍ ئەرەیاۋیۍ چانیشا، “فکروو نەتەوەی دیموکراتیکی ڕابەر ئۆجالانی ئیسە ژەناو ئێزدی و عەرەبیش کوۍ کەرڎېنۍ، پەنەوازەن ئێمە پېوەرە دژوو گرڎ جۆرە پلانێوە مرڎمېوە”.
۳ۍ ئابو ٢٠١٤ ینە شەنگال جە تەرەف و چەتەکا داعشیوە ئەرەگیرکریا، هەزاران ئێزدییۍ کۊکوش کریۍ، هەزاران ژەنۍ و زارۊڵۍ جە تەرەف و داعشیوە گیریۍ و ئەڕفیۍ، حەتا ئیسەیچ چارەنۋیس و هەزاران ژەنا و زارۊڵا ئێزدی دیارنیا.
گەریلاکاو هەپەگە- یەژا ستاری، چنی گەنجا ۋېبەخشی ئێزدی و بە هامکاری یەپەگە- یەپەژەی جە ۱۳و تشرینوو دووەم و ٢٠١٥ ینە شەنگالشا جە چەتەکا داعشی پاککەرڎۊ، جە ساڵەو ٢٠١٥ بە دمایوە هەرمانەو بنیاڎنیایۊ، ۋۍ بەڕېکوستەکەرڎەی گلېرگەو ئێزدی و بەتایبەتی ژەنا ئێزدی دەسشپنەکەرڎ، جە ئیسەنە ژەناو ئێزدی هەم خۊتان هێزوو پارېزنای سەربەخۆینۍ هەمیچ ڕێکوزیېوەشا بە نامۍ تاژی هەن.
پۍ ئانەی واوەی ژناو ئێزدی نەبا بە قۊچەو قوربانی جەنگی و کۆکووشییەکا، تاژێ بە هەماهەنگی چنی یەژەشەی کۆنفرانسێوەش سەبارەڎ بە “ژەنا و پارېزنای” ئەنجامدا.
جە کۆنفرانسەکەنە پەیامی گرنگ دریۍ پېسە، “فکروو نەتەوەی دیموکراتیکی ڕابەر ئۆجالانی ئیسە ژەناو ئێزدی و عەرەبیش کوۍ کەرڎېنۍ، پەنەوازەن ئێمە پېوەرە دژوو گرڎ جۆرە پلانێوە مرڎمېوە ، ئیسەیچ مەتەرسی سەروو ژەنا و گلېرگەی هەن، پۊکەی پەنەوازەن ۋېما بە فکروو ڕابەر ئۆجالانی چەکڎار کەرمۍ و کۊشیایما دژوو هجومەکا داعشی و دەوڵەتوو تورکی و پەدەکەی گەورەتەر کەرمۍ، حەرپاسە پەنەوازەن ژەنا جە ۋەران ۋەروو تنووتیژی پیایانە ۋېشا زانا کەرا و بتاوا ۋېشا پارېزنا”.
