دیوانو هامسەرۆکایەتی کۆنگرەو گەلی جە نۆیەم ساڵوەگېڵو هجومە کۆکوژکاریەکەو سەرو شەنگالینە یاڎو گەشمەرڎا ئا کۆکوژییەیشە ۋیرئارڎۊ و داواش جە ڕای گرڎی میان نەتەوەیی کەرڎ کە ۋېڕاوەبەری شەنگالی بە ڕەسمی بشناسا.
هامسەرۆکایەتی کۆنگرەو گەلی جە نۆیەم ساڵوەگېلو هجومە کۆکوژکاریەکا چەتەکا داعشینە کە جە ٣ۍ ئابینە کەرڎشا سەرو شەنگالی، ئەرەیاۋنېوەش ۋەڵاکەرڎۊ.
جە ئەرەیاۋناکەو کۆنگرەو گەلینە ئامان:
"جە نۆیەم ساڵوەگېڵو کۆکوژی شەنگالینە گرڎو گەلەکەیما کە سەربە ئایینی ئێزدینۍ و چا جینۆسایدەنە ژیایشا جە دەسدان، بە پەژارەو رێزۊ یاڎ کەرمېوە و جە ناخۊ هامبەشو ئێش و ڕېشو ئاڎیشانمۍ. ئێمە گرڎو گەشمەرڎاما کە ڕاگیریشا جە جینۆسایدو ئێزدییەکا کەرڎ و شەنگالشا پارېزنا بە رێز و پنەزانایۊ یاڎ کەرمېوە.
رزگارکەرڎەی هەزاران ژەنۍ و زارۊڵا کە ئینۍ چېرو دەسو داعشینە، ۋەرپرسیاریۍ ویژدانی و ئەخلاقیی گرڎ کەسېن. چا بوارەنە ئێمە داوا جە رێکوزیا پەیوەنڎیدارە میان نەتەوەییەکا بە تایبەتی نەتەوە یۊگېرتەکا کەرمۍ ئەرکو ۋېشا جابەجۍ کەرا.
ئا هێزۍ پشتەو جینۊسایدکەو ٣ ئابوو ٢٠١٤ بێنۍ، کە پێسە فەرمانەو ٧٤ەمینی ئشناسیێنە، جگە بکوشاو سەر پادیشا یاخود چەتەکاو داعشی بەنەفرەتەوە شەرمەزارۍ کەرمۍ. چەتەکاو داعشی ئا سزۍ قابلەشانە هەڵای ورش گێرا و سزای زیاتەرەیچ دریا. بابەتی سەرەکیی ئاشکراکەرڎەی و شەرمەزارکەرڎەی ئا هێزانە، کە پەشتیوانیی ئا چەتاشا کەرڎەن. چێش با بۊ، تاوانبارۍ مەتاوا جە تووڕەیی گەلەکەیمان و ئینسانیەتی نەجاتشا بۊ و بەدڵنیاییوە باجوو ئانەیە مدا.
وەرپرسی یوەم جە کۊکوشی و ئا دڕندەییەینە لە شەنگالنە ڕووەش دا پەدەکەن، کە گوایە ئاسایش و پارێزنای ئێزدییەکاش شەنگالنە دەسۊ بۍ. پلانەو هامبەشەو کۊماروو تورکی و پەدەکەی ئانۍ بۍ، کە پێشمەرگەکاو پەدەکەی بەزووی شەنگالنە بلا بەرۊ و ئێزدییەکۍ وەراوەروو هجوومەکاو چەتەکاوە بە بۍ چەک و وەرگێری بازاوە. بە پاو ئا پلانۍ سەرەتا شەنگال خاپوور کریۍ، دماتەر شۊڕشوو وەرنیشتی دماییش پەنە ئۍ و شۊڕش پاکتاو کریۍ.
وەلۍ سەرنەکەوتۍ. ئەوەڵ ١٢ هامڕۍ هەپەگەی و دماتەریچ هێزەکاو یەپەگە خزرئاسا وێشا یاونا، بیۍ بە قۊرت وەرڎەموو ئا پلانە ناپاکانێنە و ڕاشا نەدا ئەمرەی ٧٤ەمین سەرە گێر. ئادۍ تاریخێوە تازەشا پەی ئێزدییەکا نویستۊ.
گەلوو شەنگالی بە وێپارێزنای وێڕاوەبەریی جەوهەروو وێش مەرزناشرە. ئادۍ بێمتمانەیی سەدان ساڵەیشا ویەرنا و بڕوابەوێشا بۍ. بە 'پاڕادیگماو ئازادی'ی رابەر ئاپۊی سەروو بنەماو ئازادیی ژەنا، جە بواروو ئەرەمەرزنای گلێرگەی دیموکراتیکینە ئەرەمەرزیۍ و گەشەسانای گرنگشا خوڵقنا.
بۊنەو ئانەیۊ دەوڵەتوو تورک-پەدەکەی گردوو ئا پەرەسانای و پەیوەڵێوایە پەی وێشا بە تەرسی منیارە، هەڵای درێژە بە هێرشەکاشا مدا پەی سەروو شناسنامەو کوردی ئازادی بەتایبەتی دژوو شەنگالینە. هەرمانەو گرد کەسێوە ساعیب ویژدانی و ئەخلاقی و ڕێکوزیایە سیاسی و مەدەنییەکان و بەتایبەتیچ گردوو ئانیشا، کە بە وێشا ماچا کورد، کە مشۊم وەراوەروو ئا هجوومانە هەڵوێستشا بۊ.
تا سیاسەتو نکۆڵی و دلېنەبەرڎەی دەوڵەتو تورکی فاشیستی هۊرنەشېۋیۊوە، جە حیچ یاگۍ کورڎسانینە گەلەکەما ئیسراحەت و ئارامی بەۋېشۊ مەۋینۊ. پۍ ئانەیچ مشۊم گرڎ جە دژوو هجومەکا دەوڵەتو تورکی ئەرەگیری سەرو بنەماو یۊبیەی نەتەوەیی خۊتان هەڵۋێسێبا. سەرەکیتەرین مەرجو پارېزنای یۊبیەی نەتەوەیی، ۋڵاڎپارێزی، گەل و بەهاکا کورڎسانی ئانەن کە دژ بە سیاسەتە کۆکوژکارەکا دەوڵەتو تورکی ئەرەگیری با. هامکاری چنی کۆمارو تورکی بە ماناو خیانەتیا و چا ئاستەنە مشۊم ئیتر گەلوو کورڎی ئا ئاژەیە قبوڵ نەکەرۊ.
پۍ ئانەی گەلەکەما کە خۊتان ئایین و باوەڕی ئێزدینۍ جە ئەمرۍ نەجاتشا بۊ و بە پارێزیای بژیۋا، مشۊم ۋېڕاوەبەری شەنگالی جەڵایەنو نەتەوەیۊگېرتەکاوە بە ڕەسمی بشناسیۊ. پەرلەمانۍ فرەو وڵاتا کۆکوژی شەنگالیشا بە جینۆساید ئشناسان.
جە نۆیەم ساڵوەگېڵو کۆکوژی شەنگالینە داوا جە نەتەوەیۊگېرتەکا کەرمۍ کە جینۆسایدو شەنگالی بە ڕەسمی بشناسا و پۍ ئانەی گەل پارێزیا بۊ دڎان بە قەوارەو ۋېڕاوەبەریرە بنیا. ئا قەرارە، بۊ بە دەسکۊتۍ یەکجاری گرنگو ویژدانی و ئەخلاقی پۍ تەمامو مرۆڤایەتی.
جە سۊماو دڵیماوە مبارەک بایی جە ۋېڕاوەبەری شەنگالی و هێزەکا ۋۍ پارېزنایش کەرمۍ بەمەڵامەتو ئانەی جە دژوو گرڎو هجومەکا بە ئیراڎەو ۋېشاوە، ۋېشا و گەلەکەیشا پارېزنا. داوا جە گەلەکەیما و گرڎو دۆساما کەرمۍ کە بە بەقوەتی بەشڎاری جە چالاکییەکانە پۍ پەشتیوانی جە گەلوو شەنگالی کەرا".
هـ . ش / س . ز
