'کۊشیای ئێمە تا ئازاڎیی ڕابەر ئۊجالانی بەرڎەوام بۊ'
ئامینە خدرۊ ئاماژەش بە هەڵمەتەی میاننەتەوەییە'و ئازاڎیی پەی عەبدوڵڵا ئۊجالانی و چارەسەر پەی پەرسەو کورد'ی کەرد و واتش، کە تا ئازاڎیی ڕابەروو گەلوو کوردی عەبدوڵڵا ئۊجالانی درێژە بە کۊشیای مدا.
قسەکەرەو دەسوەڵێوستەی سوری پەی ئازاڎیی عەبدوڵڵا ئۊجالانی حەڵەبنە ئەمینە خدرۊ بارەو هەڵمەتەو ئازاڎیی پەی عەبدوڵڵا ئۊجالانی، چارەسەری سیاسی پەی پورسەو کورد'ی، کە سەروو ئاستی میاننەتەوەیی و لاو دۊساو کوردیوە دەس شپەنە کریان، قسێش پەی ئاژانسەکەیما کەرڎۍ.
ئامینە خدرۊ سەرنجەش پەی سەروو بێدەنگیی ڕێکوزیایە میاننەتەوەییەکا و رێکوزیایەکاو بواروو یاسۍ و هەرمانوکاری مرۊیی وەراوەروو گۊشەگیریی دژواریوە سەروو ڕابەروو گەلوو کوردی عەبدوڵڵا ئۊجالانی کێشتە و واتش، کە هەڵمەتەکۍ وەراوەروو ئا بێدەنگیینە و پەی دماییئارڎەینە بە گۊشەگیری و مسۊگەرکەرڎەی ئازاڎیی جەستەیی ڕابەروو گەلوو کوردی دەسش پەنە کریان.
ئامینە خدرۊ واتش: " وەروو بێدەنگیی میاننەتەوەیی، حکومەتوو تورکیای پلانەکاو وێش میاونۊ یاگۍ. وەلۍ سەرباروو قەیرانی و جەنگیچ ئیمراڵییوە ئەندێشەکاو مدرامانی و کۊشیا وەڵۍ باوە. عەبدوڵڵا ئۊجالان سەرەڕاو گرد نۊعە ئەشکەنجە و کرڎەوێوە نایاسایی دەوڵەتوو تورکی، بە ئەندێشە و ویرۊکەکاوە ڕانیشاندەرمانە. بە ویەرڎەی وەختی ئیمراڵییش کەرد بە ئەکادیمیاێوە زانستی و ئازاڎی".
ئامینە خدرۊ هەڵمەتەو ئازاڎی پەی ئۊجالانی و چارەسەری سیاسی پەی پەرسەو کوردییش پێسە هەڵمەتێوە تارێخیۍ ئشناسا و واتش، "ئامانج و داواکاریی ئێمە چی هەڵمەتێنە دماییئارڎەین بە گۊشەگیری و چارەسەرکەرڎەی دۊزوو کوردی".
قسەکەرەو دەسوەڵێوستەی سوری پەی ئازاڎیی ئۊجالانی حەڵەبنە ئامینە خدرۊ سەبارەت بە هەڵمەتەکۍ واتش، ئێمە وەرەتاوو هومێدیما ٧٤ وڵاتاوە دییەن. جوانیی زیاتەرش بە مدرامانی تارێخیی ئێمەی ژنا بەخشان، کە سەرنیشت و وەرکەوتوو سوریای و کەشەکاوە هەن. سڵام جە گردوو گەلا، بەتایبەتی فیمینیستەکا کەرمۍ، کە سەرمەشقۍ هەڵمەتەکێنی.
ئامینە خدرۊ یادش وستۊ، کە تەماموو سەرنیشت و وەرکەوتوو سوریاینە بەتایبەتی شەهبانە و حەڵەبنە چوارچوەو هەڵمەتەکێنە چالاکی ملۊ ڕاوە و واتش، "مدرامان و کۊشیایما تا مسۊگەرکەرڎەی ئازاڎیی ڕابەر عەبدوڵڵا ئۊجالانی بەرڎەوام بۊ".
