گلێرگەو ژەنا ئازادی ۋەرکۊتو کوردەسانی (کژار) ئەوروپا، دەربارەو هرووژمەکا دۆڵەتو ئەرەگیرو تورکی و چەتەکاش بە نامۍ سوپاو نەتەوەیی سوریا (NSA)ی پەی سەرو سەرنیشتوو ۋەرکۊتوو سوریای ئەرەیاۋنێوەش وەڵا کەردۆ.

جە ئەرەیاۋناکەینە تەئکید کریاوە، دەسوەردای حکومەتو فاشیستی تورکیای جە سەرنیشتوو ۋەرکۊتوو سوریای و بێدەنگی و هێزە هەرێمی و جەهانییەکۍ بەرش وزا، هرووژمەکە پەی دلێنەبەردەی دەسکەوتەکا شۆڕشو ژەنا و شۆڕشو دیموکراتیکی گەلان.

کژار_ئەوروپا ئەرەیاۋناش هرووژم پەی سەرو ۋەرنیشتی هرووژما پەی سەرو شۆڕشو "ژەنۍ ژیۋای ئازادی" و فەلسەفەو فاڕیای و ماچۆ: "پۊکەی پېسە گلێرگەو ژەنا ئازادی ۋەرکۊتو کوردەسانی جە ئەوروپا، سڵام جە مڎرامانو ژەنا سەرمەشقی و گەلا ئازادیوازو ۋەرنیشتی و سوریای مکەرمۍ. پەی هێقم کەردەی دەسکەوتەکا واڵەکاما جە ۋەرنیشت و سوریانە، پاڵپەشتی ۋێما ئەرەیاۋنمۍ".

داوا جە پارت و ڕێکوزیا ئازادیوازەکا گلێرگەی و فێمێنیستی و مەردمی مەدەنی ئۆروپای کریان، چی قۆناغە چارەنوویسسازەنە پەی یاڎکەردەیۆ هەزاران گەشمەرڎا ئازادی، پاڵپەشتی جە دەسکەوتەکا شۆڕشو ژەنا ۋەرنیشتی و سوریای بکەرا پەی بنیاڎ نیای بەرێوە یۆگێرتەی.