لەندەنوو پایتەختوو بەریتانیاینە سەرو داوای هامبەشوو پلاتفۆرموو دەنگوو زیڼانیا (تەسەپە) و (NADEK) و (UPOTUDAK) ۋەردەموو کتێبخانەو وودگرینینە چالاکی کریا.

جە چالاکییەکەنە بەدرووشمەو "ئازاڎیی پەی زیڼانیا نەوەشی، ئەرەکۊشای دژوو گۆشەگیری" وچیا: "جە زیڼانەکانە ئەشکەنجە و هەوڵوو کوشتەی و دەسدرێژی ڕەگەزی و هەڕەشۍ بەردەوامېنۍ. گۆشەگیری ڕەهاو سەرو ڕابەروو گەلوو کوردی عەبدوڵا ئۆجالانی ٣ ساڵېن بێ مردای بەردەواما".

جە چالاکییەکەنە سەرنج وزیا سەرو زیڼانیا نەوەشی و داواکریا پەی خاوەنداریەتی جە داواو زیڼانیا.

جە چالاکییەکەنە لافیتەکۍ بە زۋانی ئینگلیزی و تورکی بەرزۍ کریێوە، وەڵاکریاوۍ بەشکریۍ و سیاسەتوو قڕکەری دەسەڵاتی فاشیستی جە زیڼانەنە ڕسوا کریا.

حەرپاسە داواو دەمودەس ئازاڎکەردەی ئەجەوید پیرئۆغلوی کریا کە ٣ ساڵېن بە داواو ڕادەسکەردەی بە دەوڵەتو تورکی جە زیڼانوو سڕبیاینە ڕاگیریان.