مەڕاسیموو پیرشالیاری ئێساڵ بە ئاماڎەبیەی ژمارێوە فرە جە باوەڕدارا ئا ئایینەیە و ئەرەنیشتا مەنتیقەکەی و مەنتیقەکا تەروو ئێرانی لوواڕاوە. حزووروو دەروێشەکا و زەریفی هۊرپڕا عیرفانییەکەیشا سەرنجوو گرڎ کەسۍ لاو وێشەرە کێشۆ.
مەراسیموو پیرشالیاری جە دەگا زەریفەکۍ "هۆرامان و تەخت"ینە، بە ئاماڎەبیەی باوەڕدارا ئی مەراسیمیە دەسش پنەکەرد. ئی مەراسیمە کە بە یۆ جە قەڎیمیتەرین مەراسیمە دینیەکا کوردی منریۊرە، پاشخانێوە قەڎیمیش هەن کە وەڵینگەش گێڵۊوە پۍ وەڵۆ دین و ئیسلامی کە چنەشەنە بەشدارا ئی مەراسیمیە خەریکۍ تەپڵ دایونەی و گۆرانیۍ و هۊرپڕای عیرفانینۍ.
ئی مەراسیمە کە ساڵانە دووۍ کەڕەتۍ جە فەسڵوو وەهاری و زمسانینە ملۊڕاوە ، دلۍ مەردموو مەنتیقەکەیچەنە بە "مەراسیموو زەماونەو پیر شالیار"ی ئشناسیان. دەروێشەکۍ پەیڕەوکەردەی ئی تەریقەتەیە، چنی هۊرپڕای تایبەتی عیرفانیی و مەراسیموو دەف ژەنای، هۊنیۍ وەناوە و نما کەرا و واردەی ئاماڎە کەرا، کە بەشداربیا مەراسیمەکەی پېسە "نیعمەت"ی بەکارش مارا.
یۆ جە زەریفیەکا تەروو ئی مەراسیمیە زارۆڵێنۍ کە ڕەنگێوە تایبەت بە مەراسیمەکەی بەخشانۍ بە کۆکەردەیۆ هەنارا و وەزا و هەچکوچا و هەنجیرا و بەرهەمەکا تەری کە چا مەنتیقەنە هەنۍ.
بەپاو بەرنامەکا ئی مەراسیمە ماوەو ٣ ڕووا خواینۆ.
