عەلی حەمە ساڵەح: کەردەیۆ دەروازەو فیشخابووری، وەرپرسیارەتیێ نیشتیمانیین
سەرۆکو ڕەوتو هەڵوێسی، عەلی حەمە ساڵەح واتش: "ئەر ئەزموونو وەرنیشتی دمایش بێ، ئانە پانیشتوو کوردەسانیچ گێرۆوە". جەختش کەردۆ، پەنەوازا دەروازەو فیشخابووری کریۆوە.
ئارۆ سەرۆکو ڕەوتو هەڵوێسی، عەلی حەمە ساڵەح بارەگاو ڕەوتەکەیشەنە سلێمانینە کۆنگرێوە ڕۆنامەوانیش ئەنجامدا، سەرنجش وست سەرو پێشئامایەکا جە سوریا و وەرنیشتوو کوردەسانینە، واتش: "جە ئیسەنە وەرنیشتوو کوردەسانی ئینا وەردەمو تەرسێنە، مەزڵووم عەبدی دەسوەڵوستەی گۆرەش کەرد کە پەنەوازا گردو کوردی پەشتگیرییش کەرۆ بەڵام گردوو هێزە کوردییەکا پانیشتی بێدەنگیشا هۆرجنییەن".
هەرپاسە قەرارو پەرلەمانو هەرێمو کوردەسانی پەی بە ئیدارەو وێڕاوەبەری وەرنیشتی ویرش ئاردۆ و واتش: "پەنەوازا دەروازەو فیشخابووری کریۆوە ڕووەو گرد هامکارییێ مرۆیی، پەنەوازا وەرپەسا پانیشتی بە تایبەتی پەدەکە خاس زانا کە ئەزموونو وەرنیشتوو کوردەسانی دمایش پنە بێ، ئانە پانیشتوو کوردەسانیچ گێرۆوە، پۆکەی کەردەیۆ دەروازەو فیشخابووری وەرپرسیارەتیێ نیشتیمانیین".
