مافناسی سویسری ئورس ماتسینگەری تەمەن ٧٨ ساڵان کە جە چوارچێوەو هەڵمەتەو ئازاڎیی مېیاننەتەوەیینە وەرگرینامەکاو ڕابەرو گەلو کورڎی عەبدوڵا ئۆجالانیش ۋەنێنێوە و فکرو ئاڎیش وەڵا کەردەنۆ، دەربارەو گۆشەگیری ئیمراڵی، کاریگەری وەرگرینامەکاش جە مېڎانی مېیاننەتەوەیینە پەی ئاژانسوو هەواڵوو فوراتی ( ANF)ی قسێش کەرڎۍ.

ئورس ماتسینگەر ئاماژەش پانەی کەرد کە هێزەکاو سەرمایەداری بەردەوامێنۍ جە مېیانو کۆنترۆڵکەردەی و چەمڎاری بە شێوەو پانۆپیتکۆنی کە جە لایەنو جیرمی بینتهامیوە ئاماڎەکریان و جابەجێکریا و واتش: "ئی ڕێبازە کۆنترۆڵکارییە جە ئەساسەنە گۆشەگیریێوە سەختا. دەسەڵاتدای بە پاو کارەکتەری ۋێش ئا کەس و گلێرگا کە بە مەتەرسیشا موینۆ موزۆنە چێرو فشاری و گۆشەگیرییوە. هەر پۊکەی گۆشەگیری بە تەنیا نیا ئیمراڵینە، هامکات سەرو ئا گلێرگایچەرە مسەپیۆ کە مڎرامان مکەرا. تورکیا جە گۆشەگیری ئیمراڵینە تەنیا پاسەوانێوەن، هێزە هەژمونوازە هەرێمی و مېیاننەتەوەییەکۍ ۋەرپەرسۍ سەرەکیێنۍ. بێگومان بەڕێز ئۆجالان ڕامانگەرێوە زانستی و کۆمەڵایەتییا، گۆشەگیریچش پەی ئاستەنگکەردەی ئانەینە."

'پەنەوازا کورڎ زیاتەر خاوەنداری جە ڕابەرەکەیش بکەرۆ'

ئورس ماتسینگەر ئانەش ئارڎۊ وە یاڎ کە ڕابەر ئۆجالان ماوەو ٤٢ مانگان ئینا چێرو گۆشەگیریێوە سەختینە و واتش: " جە حەقەتینەنە ئا کاتەی زیڼانو ئیمراڵیشا کەردۆ هەر ئا کاتە گۆشەگیریشا دەسپنەکەرڎ. دورگەو ئیمراڵی وەڵۍ ئانەینە بەڕێز ئۆجالان جە نایرۆبیۆ بە سەرمەشقی هێزە مېیاننەتەوەییەکا ڕادەسو تورکیای بکریۆوە پېسە میکانیزمێوە کۆنترۆڵی ئاماڎەکریا. جارناجارێوەیچ تەنیا بە شەرمەزارکەردەی گۆشەگیریچ ناڕەزۍ بێنۍ کە نیشانە مڎریۆ، بە پەیلواو من پەنەوازا کورد فرە زیاتەر خاوەنداری جە ڕابەرەکەیش بکەرۆ. چونکی بەڕیز ئۆجالان تاکە چانسو کوردین. گەر ڕام پنەبڎریۆ گەرەکما پېسە پارێزنەرێوە سەرش ۋنە بڎەو."

ئورس ماتسینگەر دەربارەو فکرەکا ڕابەرو گەلو کورڎی عەبدوڵا ئۆجالانی و پراکتیزەکەردەیش جە ۋەرنیشتوو کورڎەسانینە پی جۆرە هۆرسەنگنایش کەرد.

"چڼە چنەش یاوانانە ئانەی نمەزانو، بەڵام بەڕێز ئۆجالان بیەو دۆڵەتی پەی گلێرگێوە ئەخلاقی و سیاسی پېسە هەڕەشێوە موینۆ، دۆڵەت بۆ یا نا، ئا چێوە ئەساسیەی کە دەسنیشانش مکەرۆ سنورو گلێرگێوە سیاسی و ئەخلاقییا. پەنەوازا عال چی سنورا بیاومێنە. هیچ عیلاقێوەش بە سیستەمێوە هامشێوەو دەوڵەت-نەتەوەیۆ نیا. ئەرەکۊشای کۆمەڵایەتی مرۆڤی جە جەوهەرو ۋێشەنە ئەرەکۊشایۍ سۆسیالیزمییا. پۊکەی کرۆکو سۆسیالیزمی ئڼەو مرۆڤایەتی قەڎیمین. بەڕێز ئۆجالان کۆمەڵایەتیبیەو سۆسیالیزمیش تا نەواخنی بنەڕەتی جە ڕوو زانستییوە شیکەردەنۆ و ئەوەکۊڵیایش پەی کەرڎەن. بەڕێز ئۆجالان جە شۊنېنە جە نزیک دەگاکۍ ۋێشۆ دەسشپنەکەرڎ. بە پەیلواو من ئینەیچ تەنیا ڕێکۊتۍ نیا. ڕحا هەم ناوەندو شارستانییا و هەمیچ ناوەندو بە گلێرگەبیەیا. چاوە گەرەکش بۍ بیاوۆ بە ڕێخەو ۋێش.  بەپەیلواو من  بەڕێز ئۆجالان چێوۍ تازەش گەرەک نیا، هەوڵ مڎۆ ئا نەریتە کۆمەڵگەییە زیڼە بکەرۆوە کە جە لایەنو مۆدێرنێتەی سەرمایەدارییوە دلێنەبریان.

سیستەمی تازەو جەهانیش چڵاکنارە

نەتەوەی دیموکراتیک دیالێکتێوە تن نیا، قەرارێوە نیا کە سەرۆ سەپیۆ. جە ڕوو هەرێمیۆ ۋێش مسپارۆ بە بەکارئاوردەی سیاسی. ماوێوە گفتوگۆ سەرو کانتۆنی و ئەیالاتی کریۍ. چێشش سەر ئامان ئانەی نمەزانو. بڕۍ دۆسۍ بێنۍ کە نامەکا  ئێژا ئۆجالانی هۆرگێڵنێنۍ، من چاوە ۋەنێناشاوە. جە کەشەکا کورڎەسانینە مرۆڤانێ هەنۍ کە جە مەڕەکا جەنگینە ئینۍ مڎرامانەنە . سیستەمو کاپیتاڵیستی ئی شۊنۍ پېسە بانقێوە ناوەندی بەکاربەرۆ. هەرپاسە دۆڵەتا کۆڵۆنیالی ئا شۆنۍ پېسە مێڎانی دیبلۆماسی بەکاربەرۆ. دیما سەڎۍ چێوەڵی جە لۆزانەنە بە پەیماننامێوە کورڎەسان بەش بەش کریا. پۊکەی ئێژا ئۆجالان ۋەردەم و هێزەکاو مۆدێرنێتەینە مردانۆ، سەرکۆتە مبۆ یان نا ئانەیشا نمەزانو. بەڵام جە ڕوو زانستو کۆمەڵایەتییوە چڼین هەرمانۍ جدیێش کەردێنۍ. سیستەمی تازەو جیهانیش چڵاکنارە. مەڵامەتوو گۆشەگیریچش ئینەنە.

بەڵێ جە ۋەرنیشتەنە هەرێمێوە دیموکراتیکی سەرو سیستەمو کانتۆنی بنیاڎ نریا. ئینەیچ ئاسان نەبۍ. بەتایبەت جەنگو کۆبانێ. کورد گەلێوە جەنگکەرا. خەڵک جیای ئانەی باس جە جەنگکەردەی کوردی بکەرا، با ویر چانەی بکەراوە کە پەی چێشی ئیسلامییە تنڕەوەکۍ ڕووەشا کەرڎە ۋەرنیشتی. گرڎ قەیرانێوە جە ۋەرکۊتوو مېیامینینە کۆنفرانسو قاهیرەیم ویر وزۆوە دماو جەنگی جیهانی یوەمی. پېسە مزاندۍ چا کۆنفرانسەنە قەرار دریا کە پەرسو کورڎی بە زیڼەیی مەنۆوە، پەی بنیاڎنیای سەرمایەی پەی وەشکەرڎەو قەیرانۍ تازۍ. ئینە فرە گرنگا. واتە ئەگەر خەڵک واچۆ داعش جە ۋێشۆ جە ۋەرکۊتوو مېیامینینە وەش بیەن، ئینە ملۆنە بابو گەمژەییۆ. بە تایبەت ئەگەر وەڵتەر یاوابۆ بە خاکو کوردا، ئانە ئینە ئانەی بەروزۆ کە مۆدێرنیتە چنڎە بە بیەو کورڎی ناڕەحەت بیەن. کۆمکوژیێوە پېسە پۆگرۆمی تاقی بکەراوە. خەڵک بە زۆر دەربەدەرۍ بیۍ. جولەکەکۍ پرۆسێوە هامشێوەو ئی ئیسفاڎە جە فاڕیایشا هەن. ئایا موینمۍ بەبێ کوردی متاوا ئا کاریە بکەرا؟ ئینە پرسیارێوەنە، بەڵام تا ڕادێوە هومێڎم هەن، چونکی سەرکردێوە پېسە ئێژا ئۆجالانیشا هەن. تەنانەت ئەگەر چێرو گۆشەگیریچەن بۆ، چەمپنەکۊتەیێش متاوۆ گرڎ چێوۍ فاڕۆ."

پەنەوازش بە کۊششۍ جدی لۆبیی کەرڎەی هەن

ئینە پێوەسا بە هونەرو کوردا جە تاراوگەنە. ڕێژەو کوردا جە ئۆروپانە زیاڎش کەردەن. هامشێوەو گلێرگەو یەهودی کە جە تاریخەنە چنی سەرو زەمینیرە وەڵۍ بیێوە، کورڎیچ دماو قڕکارییەکاوە جە شۊنەماو ۋێشەنە کۆچبەرۍ بیۍ. پەنەوازا جە ئۆروپانە هەوڵێوە جدی لۆبیی کەردەی بۆ. سەرو دیبلۆماسیەتو ئۆروپای کارت وەڵابکەرۆوە. گەر دیبلۆماسیەتو کوردا قەوەت بۆ، پەیش هەن قۆناغو دووەمو لۆزانی هۊرشێونۆوە."