ئەنداماو شاندوو مافشناسە میاننەتەوەییا دژوو گۆشەگیری، پەی چەمپەنەکەوتەیشا پێوەس بە گۆشەگیریی سەروو ڕابەروو گەلوو کوردی عەبدوڵا ئۆجالانیوە ئینۍ ئامەدنە. مافشناسۍ جە ئیسپانیا، ئیتالیا، سوید، نەرویج، ئەفریقاو پانیشتی سەرۍ کۆمەڵەو مافشناسا بۆ ئازادی (ئۆهەدە)یشا دا. شاندەکە لاو هامسەرۆکوو ئۆهەدەی ئەکین یەتەر و ڕاوەبەراو کۆمەڵەی، هەرپاسە پارێزنەراو عەبدوڵا ئۆجالانی مەزلوم دینجیوە خێرامایشا کریا.  

ئەکین یەتەر وەختوو سەرداییەکەینە قسێش کەردۍ و سەروو هەرماناو کۆمەڵەکەیشا زانیارییشا دا بە شاندەکەی.

هەرپاسە یەتیر و ڕاوەبەراو ئۆهەدەی، سەروو پاشێلکەردەی مافەکاو ئینسانی، گۆشەگیریی ئیمراڵی و دۆخوو زیندانەکاو تورکیای زانیارییشا دا بە شاندەکەی.

مافشناسۍ سەرەنجەشا وستە سەروو گرنگیی پەشتیوانیکەردەی پیشەیی. ئەنداماو شاندەکەی ئاماژەشا پانەیە کرد  نزیکۆ ملا شۆنەو گۆشەگیریی سەروو عەبدوڵا ئۆجالانیرە و پلاتفۆڕمی میاننەتەوەیینە باسش کەرا.

دماتەر ئەنداماو شاندەکەی سەرۍ کۆمەڵەو ژەنۍ ڕۆزایشا دا، سەرۆکوو کۆمەڵەو ژەنەو رۆزا، سۆزان یشبیلەنە بە شاندەکەیش وات، دماو ئانەیە ڕێکوزیایەکاو ژەنا قەیومەکا گێرتێ، هەرمانەشا زەحمەتە بییە. هەرپاسە  سۆزانە سەروو هەرمانە و خەباتوو کۆمەڵەکەیشا زانیاریییسا بە شاندەکەی دا. ئەنداماو شاندەکەیچ پەشتگیریی وێشا پەی کۆمەڵەو رۆزای بەروست.

سەردای ئەنداماو شاندەکەی بەردەوام بۆ.