گەنجاو کوردسانی و دۆسەکاشا بە سەرمەشقایەتی گەنجاو کوردسانی فەرەنسانە (جەکەفە) و مەجلیسوو گەشمەردە تیژدا ئەکەجیک جە چوارچێوەو هەڵمەتەو "ئازادیی پەی عەبدوڵا ئۆجالانی، چارەسەری سیاسی پەی پرسوو کوردی" کوێ بیێوە.

جەماوەر بە بەرزکەردەیۆ درووشمەکا ڕاپیمایشا کەرد و لافیتێ بە زوانی فەرەنسی دەربارەو گۆشەگیری ڕەهاو سەروو ڕابەروو گەلو کوردی عەبدوڵا ئۆجالانی و کۆشیای ئایی ونیاوە و کارتەکێ پەی بانگەوازی جە کۆمیتەو ڕاگێرتەی جە ئەشکەنجەی (سی پی تی) بەرزێ کریێوە.

دماو دەیەقێوە ڕێزگێرتەی جە گەشمەردا واتەواچوو جەکەفەو مارسیلیای سەرهەڵذان ڤارتۆ سەرنجش وست سەروو گۆشەگیری ڕەهاو سەروو ڕابەروو گەلوو کوردی عەبدوڵا ئۆجالانی و دەوروو دەوڵەتا ناتۆی جە گۆشەگیرینە، تەئکیدش کەردۆ پێسە گەنجا گۆشەگیری شەرمەزار مکەرا، بەبێ ئازادیی ڕابەروو گەلو کوردی عەبدوڵا ئۆجالانی کەس ئازاد مەبۆ، واتش: "ڕابەر ئاپۆ خەتەو سوروو ئێمەنە، ڕابەر ئاپۆ خەتەو ئازادیی ژەنێن، ڕابەر ئاپۆ خەتەو گەریلای ئازادییا".

سەرهەڵدان سەرنجش وست سەروو مدرامانوو گەریلای جە ماوەو ٢ ساڵی ویەردەینە جە زاپ و مەتینا و ئاڤاشینەنە و شکسئاردەی بە دوژمنی، جە حەقەو ئی شکسەینە دوژمن گرد جۆرە هجوومێوە ئەنجام مڎۆ، حەرپاسە ئاماژەش کەرد بە هجوومەکا سەروو کوردا جە فەرەنسا و بەلژیکا و سەراپاو ئەوروپاینە و هامکاریکەردەیی دەوڵەتوو تورکی جە تەرەفوو دەوڵەتا ئەوروپایۆ، واتش: "پېسە گەنجا واوەیش مکەرمێوە، تا کوردێوە مەنەبۆ ئێمە سەروو شۆڕشی بیمێ، شۆنکەوتێ ڕابەرایەتی بیمێ و پەشتگیریش ونە مکەرمێ. هەرچێوێ بکەرا، جە دماینە ئێمە سەرێ گنمێ".

سەرهەڵدان ئەرەیاوناش جە کەسایەتی ڕابەروو گەلو کوردی عەبدوڵا ئۆجالانینە پێسە گەنجا ئینایمێ چێروو گۆشەگیرینە، واتش: "نەک هەر بە درووشمە، بەڵکم بەشێوەی بەکۆمەڵ فیداییێ ڕابەر ئاپۆینمێ".

چالاکییەکە بە درووشمەکا "بژیۆ سەرۆک ئاپۆ" و "بژیۆ مدرامانوو گەریلا"ی و "بژیۆ مدرامانوو زیندانیا" دمایش ئاما.