بۆنەو ٨و مارسی ڕۊو جەهانی ژەنا زەحمەتکێشیۆ بە دروشمەو "بە ژەنی، ژیۋای، ئازاڎیی بەرەو ئاخێزوو ژەنا جە یانەو هونەری و کولتوری کوردانە جە مۆسکۆ بە بەشداری دەیان ژەنا بە جۆش و خرۆشۆ مەراسیمێوە مبارەک بایی سازکریا.

بەنامۍ ڕێکوزیاو ڤیانێوە پەیامێوە مبارەک بایی پێشکەش کریا. جە پەیامەکەنە باس جە گرنگی ئەندێشەو رابەروو گەلوو کوردی عەبدوڵا ئۆجالانی جە بارەو ژەنێوە کریا.

هامسەرۆکەو ئۆتۆنۆمی فیدڕاڵی کوردا جە روسیانە لینا ئیسلامیش-ە بە تایبەتی سەرنجش وست سەروو گرنگی ئا ڕووەیە و دەوروو ژەنا کوردی کە جە ڕاو ئازاڎیینە گیانشا بەخشان. حەرپاسە باسش جە گرنگی ئایدۆلۆجیاو ئازاڎیی عەبدوڵا ئۆجالانی کەرد.

ژەنا نەتەوە جیاجیاکایچ بەشداریشا جە مەراسیمەکەنە کەرد و بەنامۍ ژەنا ئەفغانیۆ پەیامێوە مبارەک بایی ۋنیاوە.

جە مەراسیمەکەنە گروپوو هونەری دلێینەی و گۊرانی واچا سارێ، ئیبۆ، گوهارا حەسەن، مگێر ئاژۆیان، ئیلیچ ئالادیان و پیانیست ئۆلگا هونەروو ۋێشا پێشکەش کەرد.