خانەۋاڎەو شەنیاشاری ۋەرو خزمەکاشا کە جە "رحان"ە گەشمەرڎۍ بیۍ، ئینۍ ئێشکگیریی داڎپەروەرینەو ئەرەیاۋناشا، کە ئاواتە وازۍ ئامای سەرو حوکمو دەسەڵاتێۋەنۍ کە جە پێناوو ژیای و داڎپەروەرینە ھەرمانە کەرۊ.
خزم و حەرەسەکۍ پەرلەمانتارو ئاکەپەو "رحا"ی ئیبراهیم خەلیل یەڵدز جە ١٤و حوزەیرانو ٢٠١٨ینە جە مەبتیقەو پرسوسو رحاینە ھجومشا کەرڎ سەرو خانەۋاڎەو شەنیاشارۍ. جە ئاکامو ھجومەکەینە هامسەرو دوۋۍ کوڕۍ ئەمینە شەنیاشاری گەشمەرڎۍ بیۍ. پا مەڵامەتۊ ئەمینە شەنیاشارەو کوڕەکەش بەنامۍ فەرید شەنیاشاری جە ٩و ئادارو ٢٠٢١ی ۋەرو بەرەو داڎگاو رحای دەسشا بە چالاکی ئێشکگیریی و داڎپەروەری کەرڎەن.
چالاکی خانەۋاڎەو شەنیاشاری جە ڕۊۋ ٧٣٧ەمینیەنە ۋەردەواما. خانەۋاڎەکە جە سەعاتەکا سەر سەعبیەنە جە پرسوسۊ بەرەو داڎگاو رحای کەوتێنۍ ڕا. خانەۋاڎەکە لافیتەو "داڎپەروەری پۍ خانەۋاڎەو شەنیاشار"ێشا بەرزکەرڎۊ و دەسشا بە ئێشکگیریی کەرڎ.
خانەۋاڎەکە سەبارەڎ بە مژارەکەی سەرو هەژمارو ۋێشاۋە جە تۆڕەکۆمەڵایەتیەکانە ئی پەیامشە ۋەڵا کەرڎۊ:" جە پاو ژیایۍ مرۆڤانەی کۊشیەیمۍ. پۍ ژیایۍ داڎپەروەرانەی، پۍ داڎپەروەری داواو دەسەڵاتۍ و ۋێڕاۋەبەریۍ داڎپەروەرانەی مکەرمۍ. ئیتر بێزارۍ بیەیمۍ!".
ھ.ش
