ئەنجومەنو ژەنا زنوبیای ئەرەیاۋناش، ٣ ئەندامێشا بە نامەکا قەمەر ئەل سۆدۍ، ئایشە عەبدولقادرۍ و ئیمانۍ جە هرووژمو سوپاو تورکی ئەرەگیری و چەتەکاشەنە گەشمەرڎۍ بیۍ و ئەرەیاۋناش، "هەر یەرە هەمڕێکێما نمونەو گیانبازی بێنۍ و جە ۋەرا ۋەرو مەردەینە بە قارەمانی پاگیریشا کەرد".

جە ئەرەیاۋناکەینە ئامان:

"گەشمەرڎەبیەو ئا هەمڕایاما مەبۆ بە سەرەتێوە تازەو پەیمان تازەکەردەیۆ، بەدەسئاردەی ئازادی و سەربەخۆیی. قەمەرە، ئایشە و ئیمانە جە دژو هێزە تاریکپەرسەکا و دژمنا جەنگێوە قورسشا کەرد و پەی پارێزنای منبجی گیانبازی گۊرەشا ئەرمانا".

جە دما دمایی ئەرەیاۋناکەینە بانگەواز ۋنەو گلېرگەی مېیاننەتەوەیی کریان کە دەمودەس هرووژمەکا دۆڵەتو تورکی پەی سەرو منبجی مردنا و مەدەنیەکا جە تاوانەکا جەنگی پارێزنا.