هەڵمەتۆو "یەرەشەمەکا نا پەی جەقەنارەدای" کە بە سەرمەشقایەتی زینانیا ئێرانی ٧٧ هەفتێن بەردەواما، بە بەشداربییە و زینانو یەزدی جە ٤٨ زینانیا وەڵابییۆ. زینانیێ جە چوارچێوەو کەمپەینەکەینە ئەرەیاونایشا وەڵاکەردۆ و سەرنجشا وست سەر و جەقەناردای سیستەماتیکو ڕژێمو ئێرانی و بانگەوازشا کەرد پەی گۆرەکەردە و مڏرامانی.

زینانیێ ئەرەیاونانشا جە دماین سزاکا ئێرانی، جە لایەنو لقو یوەم دادگاو شۆڕشو ئەهوازی سزاو جەقەنارەدای پەی یەرێ زینانیا سیاسیی بە نامەکا فەرشاد ئیعتمادی فەر، مەسعوود جامەعی و عەلیڕەزا مورادسی بەرشییەن، هەرپاسە یەرێ هاموڵاتیی عەرەبێ بە نامەکا عەلی موجەدەم، موعین خونفەری و محەمەد ڕەزا موقەدەم کە سزاو جەقەنارەدایشا سەرەرە سەپیان جە زینانو ئەهوازی پەی ژوورو تاکەکەسی فاڕییانۆ کە تەرسە و جابەجێ کەردە و سزاو جەقەناردایش ئینا سەر.

ئاماژە پانەیش کریان، پەی جاری چوارەمی داواکاری پەی واوەی دادگایی کەردەی مەهدی حەسەنی و بێهروز ئیحسانی دووێ زینانیێ سیاسی کە سزاو جەقەنارەدایشا سەرەرە سەپیان، ڕەتکریاوە. ئینە جە کاتێنە کە کەیسەکێ ناڕوونی یاسایشا ئیناچنە و وەڵتەر بە بەهانێ نهێنی بییەی کەیسەکەی ڕاگیریشا جە پارێزنەرەکەی کەردەن جە دەس یاوای بە وردەکارییەکا، کە پێچەوانەو یاساین.

جە ئەرەیاوناکە و هەڵمەتە و "یەرەشەمەکا نا پەی جەقەنارەداگ"ینە ئامان، ماوەو ئی مانگێنە ٤٤ کەسێ جە وەرکەوتوو کوردەسانینە و ئێرانەنە جەقەنارەدریێنێ کە یۆشا ژەنی بییەنە، ئانەی بەر وزۆنە جە ڕوێنە دووێ کەسێ جەقەنارەدریانە. داوا جە گلێرگە و مییاندۆڵەتی، ئەرەمەزییەکا مافو مرۆڤی و ئازادیوازا و چالاکوانا مکەرا دژو سزاو جەقەنارەدای مرداوە .

یاگێ ئاماژەینە، هەڵمەتە و "یەرەشەمەکا نا پەی جەقەنارەداکا" جە ٩ـو کانوونو دووەمی ٢٠٢٣ پێسە و ناڕەزایەتیێ دژو جەقەنارەدای دەس سەرەرە گیریایا وەرکەوتوو کوردەسانی و ئێران مەزیارە، کە گرڏ و ڕووەکا یەرەشەمێوە ئەنداما هەڵمەتەکەی دەست بە مانگێرتەی جە واردەی مکەرا.