مەراسیمێوەنە ٥ گەشمەرڎۍ قەسەدەی بەخاکی ئسپاریۍ
بە بەشداریی هەزاران کەسا، جەنازەو ٥ جەنگەواناو قەسەدەی، کە دێرەزورنە گەشمەرڎۍ بیۍ، حەسەکەنە بەخاکی ئسپاریۍ.
مەراسیمەکەنە هەزاران کەسۍ جە خەڵکوو حەسەکەی، بەشدارۍ مەراسیموو بەخاکئسپارای ٥ گەشمەرڎەکاو قەسەدەی بێنۍ.
مەراسیمەکەنە بەنامۍ بنەیانەو گەشمەرڎاوە فاتیمە عەلییە قسێش کەرڎۍ و واتش: "سایۍ فیداکاریی گەشمەرڎاوە، هەرێمەکە ساعیبوو چندین دەستکەوتان. گەشمەرڎۍ پەی پارێزنای ئارامیی هەرێمەکەی گیانوو وێشا بەخت کەرد".
یۊ جە فەرماندەکاو ئەنجوومەنوو سوپاو کانتۊنوو جزیرەی سەرحەد تربەسپی، بە نامۍ (قەسەدە)یۊ قسێش کەرڎۍ و سەرەوەشییش وەنەو بنەیانەو گەشمەرڎا کەرد و وەعدش ئەوەخوای کەردۊ سەروو ڕاو گەشمەرڎاو ئازادیی کوردستانیوە ەرڎەوامۍ با.
جە بەرڎەوامیی قسەکاشنە سەرحەد، ئاماژەش پانەیە کەرد، گەشمەرڎۍ حەقیقەتوو پڕۊژەی نەتەوەی دیموکراتیکی و برایەتیی خەڵکیشا ئەوەخوای کەردۊ. بە خەبات و کۊشیایشا، هەوڵەکاو دەوڵەتوو تورکیشا دلێنە بەرڎۍ، کە داواو وەڵاکەرڎەیۊ فیتنەی و دووبەرەکی بۍ، بەینوو گەلاو هەرێمەکەین.
سەرحەد وەعدش بە بنەیانەو گەشمەرڎا دا هەقەو گەشمەرڎا کەراوە و هەرێمەکەی پارێزنا.
دماتەر شناسنامەو گەشمەرڎا لاو گولجین ئەحمێوە ونیاوە و دریا دەسوو بنەیانەکاوە.
دماتەر جەنازەو گەشمەرڎەکا دلۍ هەلهەلەو ئەدایانە بەخاکی ئسپارییا.
