مەراسیموو ساڵیاڎوو ئەرەمەرزنای کەنەکەی سلێمانینە لوواڕاوە
کۆنگرەو نەتەوەیی کوردی (کەنەکە) شارو سلێمانی پانیشتوو کوردسانینە یاڎوو ٢٥ ساڵەو ئەرەمەرزناو ۋێش کەردۆ.
بە بەشداری ئەنداما و هامسەرۆکا کەنەکەی، نوێنەراو لایەنە سیاسیەکا و وڵاتپارێزنا و ژمارێوە فرە جە مێمانا کەنەکە ٢٥ەمین ساڵیاڎوو ئەرەمەرزناو ۋێش پیرۆزکەرد.
مەراسیمەکە بە دەیەقێوە ڕێزگێرتەی جە گەشمەرڎا ڕاو ڕزگاری و ئازاڎیی کوردسانی دەسشپنەکەرد.
دماتەر واچەو سەرەتاو ساڵیادەکەی جە تەرەفوو زەینەب مورادۍ هامسەرۆکەو کەنەکەیۆ ۋنیاوە و چنەشەنە سەرەڕاو پیرۆزکەردەی ئی ڕووەیە جە گەلو کوردی ئاماژەش بە گرنگی یۆگێرتەیی و یەکدەنگی گرڎوو کوردا کەرد و واتش: "ئارۆنە ئەرەگیری و پلانگێڵنیێوە فرە سەروو گرڎوو گەلو کوردی و کوردسانی هەن، پۊکای جە ئیساتێنە جە گرڎ وەختۍ زیاتەر یەکدەنگی و یەک هەڵوێسی پەی گەلو کوردی گرنگا."
هەر جە درێژەو قسەکاشەنە مورادە ئاماژەش پانەی کەرد کە پێویسا هۊرچنیەکۍ جە پانیشتوو کوردسانینە چینەی زیاتەر دما نەگنا و ئەنجام بڎریا.
هەر جە درێژەو پیرۆزکەردەکەیەنە بەڵگە فیلمێوە سەروو تاریخوو ئەرەمەرزنای و بەشێوە جە کار و چالاکیەکا کەنەکەی نمایشکریا. دماتەر جە تەرەفوو کۆمیتەیی ئامادەکارییۆ مبارەکبایی و بروسکۍ لایەنە سیاسیەکا کوردستانی ۋنیێوە.
دماتەر چالاکیێوە هونەری گۆرانیۍ و مۆسیقای کوردی پێشکەشکریا.
