ئەنجوومەنو گرڏی سووریاو دیموکراتیکی (مەسەدە) گلێرۆبییەو ئاسایی وێش جە شارو حەسەکەینە ئەنجام دا. جە گلێرۆبییەکەینە هامسەرۆکایەتی مەسەدەی، ئەندامێ ئەنجوومەنو گرڏی و سەرۆکو پارتەکا و هێزە سیاسییەکا تەرێ مەسەدەی ئامادێ بێنێ و پێشئامایەکێ سەرو ئاستو سووریای، فاڕییاو هەرێمییەکا و مییاننەتەوەیی و دەورو مەسەدەی چی قۆناغەنە و قۆناغەکا ئایندەینە، گفتوگۆش سەر کرای.

بە تایبەتی فاڕییاو ئیسەی و تێکشییەی هامسەنگی سیاسیی و کاریگەرییەکێش سەرو سووریای باسکریا.

پەیوەس بە بابەتەکەی هامسەرۆکو مەسەدەی مەحمود ئەل مسلەت ئاماژەش پانەیەدا "ئەرەیاوناو دەستوور" ی نوێنەرایەتی پێکئامایەکا سووریای و سروشتو فرەلایەنی گلیرگەو سووریای مکەرۆ و واتش: "گەلوو سووریای وەراوەرو پەشت گۆش وستەی و جیاوازی کەردەی ئەرەپڕا، مەبۆنە بەشێوە فرەو گەلوو سووریای دیسان پەشگۆش وسیۆوە."

هامسەرۆکەو مەسەدەی لەیلا قارەمانە ئاماژەش پانەیەدا چی قۆناغەنە پەنەوازی بە یۆگێرتەو ڕەنجی و ڕاگیری کەردەی و دووبەرەکی بەینو پێكئامایەکا هەن و واتش: "جە گرڏ کاتێ زیاتەر سووریا پەنەوازیش بە فاڕییای سیاسیی گرڏی و، دیالۆگو نیشتیمانی و ڕێکەوتەی هەن. حەر ڕێکەوتێوە بەینو سووریاییەکانە گنۆنە خزمەتو یۆبییەو پێکئامایەکا سووریای. پەی بنیادنیاو سووریێوە تازەی کە تەمامو پێکئامایەکا گێرۆ وێ، بنیاد نیاو سردەو متمانەی و بە هێزکەردەو شوناسو نیشتیمانیش پنەوازا."

لەیلا قارەمانە پی جۆرە بەردەوامە بێ: "مەسەدە چوارچێوە و هاوپەیمانیێ نیشتیمانییا، تاوۆنە دەورو وێش گێڵنۆنە، تاوۆنە چنی تەمامو هێزەکا پەی بنیادنیاو سووریای تازە پەیوەندی بکەرۆ."

بەشداربییەکێ جە گلێرۆبییەکانە قسێشا کەردێ و گرنگیشا بە جابەجێ کەردەو ئایێر بەستەی جە سەرانسەرو سووریاینە دا،

جە قسەکاشانە ئاماژەشا بە دۆڵەتو ئایندەو سووریای و، سروشتو سیستەمو سیاسی کە دلێشنە مافەکا تەمامو سووریای مسۆگەر مکەرۆ کریا. هەرپاسە جەختشا کەردۆ نەبییەو نوێنەرو ڕاستەقینەی تەمامو پێکئامایەکا دابەشبیێوە قوڵ وەش مکەرۆ.

هامسەرۆکایەتی مەسەدەی ئەنجامو سەردانییەکا دیمەشقی و چەمپنەکەوتەکێ چنی چنین هێزێ و سیاسیێ جە سووریانە ئەنجام دریا، هەرپاسە گلێرێ بیێوە چنی وەزیرو چبەرو ئەڵمانیای، شاندو دیلپۆماسی ئەوروپای، مسڕ، ئەمریکا ئەنجام دریا، پێشکەشکریا و بە ئەرێنی و بەرهەمدار ستایش کەرد.

جە ئیسەنە یۆ جە مێڏانەکانە کە سەرمەشقایەتی ئی مڏرامانە تاریخییەی مکەرۆ، مێڏانو  تەپو ئێف ئێم-مانە. مێڏانو کەش و ئێف ئێم/ سەنگەرەکێ گەشمەرڏە مونزوور ئینێ مێڏانەنە، مەرامو یوەمو هرووژمەکا خەریکا ماوەو یەرێ ساڵان بەبەردەوامی دلێ مڏرامانەنە بییەن. جە سەنگەرو گەشمەرڏە مونزوور و مێڏانو کەشو ئێف ئێم میلیتاتێ فیدایی و قارەمانێ سەرمەشقێ مێڏانو داستانی منویساوە کە بەشێوە شکۆداری تاریخو ئازادی گەلوو کوردین، هەمڕێما گابار بۆتان، خەبات تیرێژ و شەڕڤان گەریلا گەشمەرڏێ بیێ.

ئەندامو فەرماندەو ئەیالەتی گەشمەرڏە دەلیلو وەرنیشتوو زاپی و فەرماندەو مێڏانو تەپو ئێف ئێمی، گابار بۆتان سەرمەشقایەتی ئی مڏرامانەیشە کەرد و هەمڕێما خەبات و شەڕڤان بە ڕوحی فیدایی ئاپۆییۆ مڏرامانێ گۆرەشا تۆمار کەرد.

هەمڕا گابار بۆتان کە ئی مڏرامانە تاریخیە درێژ مەوداشە ئەنجام دا، فەرماندێوە بێ کە دڵ و یاواینەو وێش بەخشا دۆزو ئازادی گەلەکەیما، ئا ئەزموونێ ساڵانێوە جە بوارو تاکتیکی و تەکنیکیینە بەدەسشئارێ، بە داهێنانێوە گۆرە بەکارشا ئارێ. جە دۆکترینو جەنگی شۆڕشگێڵیمانە پرۆفایلیو نەخشێنریای و فەرماندێوە نموونەیی و سەرکۆتەش جە کەسێتی وێشەنە بنیادنیا. هەمڕا گابار فەزیڵەتو بەرزو شۆڕشگێڵیش جە وێشەنە بنیادنیا و بە رۆحو هەمڕایەتی بەهێزی، هەمڕێ دەوروبەریش هورچەرخنێ سەرو گرووپێوە بەهێز و وریا  و گرڏ جۆرە هەوڵدێوە دووژمنیش پوچەڵ کەردێوە، سەروازێوە و چاوەشێوە پسپۆرش سزادا، یەرێ چاوەشێ تەرێچش زامڏار کەردێ و بە بەردەوامی نزیکەو ١٢ سەعاتا جەنگش کەرد و دماتەر گەشمەرڏێ بیێ. هەمڕا فیداییەکێما جە مێدانو کەشو ئێف ئێم با دەرفەتە کەمەی ئینا وەردەسەنە، حەر چیشا دەسەنە ئاما بە زیاتەر ئەنجامشا دا. پراکتیکو هەمڕێیاما جە مێڏانو تەپو ئێف ئێمی جارێوە تەر نیشانەشا داوە؛ میلیتانا فیدایی ئاپۆیی بە قوڵبییەیۆ تاکتیکیشا و شارەزایشاوە متاوانە گرڏ هرووژمی پوچەڵ بکەراوە و جە گرڏ چێوێنە سەرکوتووێ بانە.

ئەرەیاونمێنەش بیمێ یا گە گیرو قەول و ئامانجو بەرزو هەمڕا گەشمەرڏەکاما. هەمڕێایا فیدایی ئاپۆییما؛ گابار، خەبات و شەڕڤان بە رێزداری، وەشەویسی و پنەزانای یاڏ مکەرمێوە. سەرسڵامەتی وێما جە بنەیانەو هەمڕێیاما و گرڏو گەلوو کوردی وڵاتپارێزیما مکەرمێنە. قەولمڏەیمێ ڕاپیمای ڕابەرایەتی ئازادی و کوردەسانی ئازادی یاونمێنە سەرکۆتەی کە گۆرەتەرین ئامانجو گەشمەرڏامانە.