موراڎ قه‌ره‌یلان جواب و پېخامو زارۊڵېۋە عمر ٨ ساڵانۍ مڎۊۋە
دماو ئانەی زارۊڵېۋە عمر ٨ ساڵانە، به‌نامۍ فه‌ڕاشین ئاسمینۍ جە ۋڵاتو فه‌ڕه‌نسایۊ كارتێوە دیاری پۍ گه‌ریلای کیانۊ، فه‌رمانڎه‌و قەرارگەی ناوه‌نڎی پارېزناو گه‌لی به پېخامېوە جوابش داوە.
فه‌ڕاشین ئاسمینە، كه عمرش ٨ ساڵېن و فه‌ڕه‌نسانە جە خانەواڎېوە ۋڵاڎپارێزنە جە ئەڎۍ بیېنە، چنی كارتێوە دیاری كه ۋېش ۋێنه‌ش سەرۊ كێشان، گوڵێوە و بڕو ١٠٠ یۆرواش، كه جە خه‌رجی ڕۋانەو ۋېش کۊش کەرڎەنۊ پۍ گه‌ریلایش کیاستەن.
فه‌ڕاشینە سەرو كارته‌كەیۊ نۋیستەنش: "هامڕا من شمەم فرە وەش مسیەیدۍ، پی زەڕەو من، گۆره‌ۋۍ و ده‌سكێشۍ پۍ ۋېتا بساندۍ".
دماو ئانەی دیارییه ماناڎارەکەو فه‌ڕاشینۍ یاۋا ده‌سو گه‌ریلای، موراڎ قه‌ره‌یلان، فه‌رمانڎه‌و قەرارگەیی ناوه‌نڎو پارېزناو گه‌لی جە پېخامېوەنە جوابش داوە.
موراڎ قه‌ره‌یلان جە پېخامەکەشەنە نۋیستەنش: ۋێنه‌كه‌و فه‌ڕاشینۍ، په‌یام و زەڕەکەش كه کیاستەبېش یاۋان دەسما، ئا دیارییه وره‌ی زیاتەرش به گه‌ریلای به‌خشا و ۋاتش: پا زەڕەیە پۍ گه‌ریلاکا گۆره‌ۋۍ و ده‌سكێشۍ مسانمۍ، ۋێنه‌كه‌یچ وزمۍ دلۍ ئه‌رشیڤو هه‌په‌گه-یۊ.
قه‌ره‌یلان جە پېخامەکەشەنە پۍ فه‌ڕاشینۍ نۋیستەنش: "هامڕا به‌نرخه‌كېم، كناچۍ جوانە و كورڎی، ژەنه گه‌ریلا گه‌نجه‌كېما دیارییېۋەشا پۍ ئاماڎه کەرڎی و پېشا کیاستېنی"، حەرپاسە داواش جە فه‌ڕاشینۍ کەرڎەن، سڵام و گه‌ریلاكا ئازاڎیی كورڎسانی به گه‌نجا و زارۊڵا كورڎی جە فه‌ڕه‌نسانە بیاۋنۊ.
هـ . ش
