فەرمانڎەو گرڎی هێزەکا سوریای دیموکراتیک (قەسەدە)ی "مەزڵوم عەبدی" سەرەڕاو شەرمەسارکەرڎەو ھجومەکەو سەرو تەیارەخانەو سلێمانی ئەرەیاۋناش، پەشتیوانی یۊبیەی نیشتمانیی کورڎسانی بیەن بە مەڵامەتو نارەحەتی و بێزاری دۊڵەتو ترکی.
سەبارەڎ بە ھجومەکەو ۋێرەگاو ڕۊو جومعەی پۍ سەرو تەیارەخانەو سلێمانی جە تویتێۋەنە فەرمانڎەو گرڎی قەسەدەی ئەرەیاۋناش: "بە تنی سەرکۊنەو بەئامانجگېرتەی تەیارەخانەو سلێمانی مکەرمۍ جە لایەنو توركیایۊ، ئی پاشێلكاریۍ جە عێراق و سوریانە ۋەردەوامېنۍ و ڕەهەندۍ مەترسیدارشا دژوو مەنتیقەکەی هەن".
حەر جە درێژەو ئەرەیاۋناکەینە ئامان: "هەڵۋێسو نەتەوەییانەو یۊبیەی نیشتمانی پۍ پەشتگیری جە براكاش جە سوریانە، توركیاش نارەحەت کەرڎەن".
مەزڵوم عەبدی جە ئاخرو تویتەکەیشەنە تەئکیدش کەرڎەنۊ، جە " پەیوەنڎییەكاما چنی براكاما و هامپەیمانەكاما جە سلێمانی ۋەردەوامۍ بیمۍ، ئێمە ئینایمۍ بەرێۋەنە دژوو ئی پاشێلكارییا".
هـ . ش
