هامسەرۆکوو کۆنگرەو گەلی  ڕەمزی کارتاڵ پەیامێوە ڤیدیۆییش وەڵا کەردۆ  پەی چالاکاو ڕاپیمای ٢٥ ڕوەی  پاریسۆ تا ستراسبۆرگ پەی ئازادیی ڕابەروو گەلوو کوردی عەبدوڵا ئۆجالانی. کارتاڵ داواش کەردە، ڕاپیمایەکەو کۆڵنداینە جوابوو پیلانگێڵنا بدریۆوە.  

 پەیامەکەنە ئاماژە پانەیە کریان پێسە تەڤگەروو ئازادی و گەلوو کوردستانی و دۆسەکاشا جە ٢٥ ساڵەو پیلانگێڵنیی میاننەتەوەیینە، بەروو وەڵاتیوە هەڵمەتێوە گەورێ پەی ئازادیی ڕابەروو گەلوو کوردی عەبدوڵا ئۆجالانی و چارەسەروو پەرسەو کوردی کریۆ. ئەوەخوای گردوو پلانسازییەکاش پەی ئازادیی ڕابەروو گەلوو کوردی عەبدوڵا ئۆجالانی کەردێ و سڵامش وەنەو چالاکا کەرد.  

کارتاڵ واتش: " ١٧ شوباتینە شاروو کۆڵنوو ئەڵمانیاینە کۆبییەیۆیێ گەورە کەرمێ، پێسە چەنی گەلوو کوردی و دۆستەکێشا وەختوو پیلانگێڵیی میاننەتەوەیینە ڕووەشا کەردە مەیدانەکا. پێویسا ئی جاریچە گردوو ئەوروپایۆ بە سەدان هەزار کەسێوە ڕووە کەرا کۆڵن. با پەی ئازادیی ڕابەر ئاپۆی یەکدەنگێ بیمێ. پەوکای چالاکییەکەو ١٧ شوباتی پەی ئازادیی ڕابەر ئاپۆی فرە گرنگا.

پێویسا پەیامێوە بدەیمێ بە هێزە پیلانگێڵنەکا، چی چوارچوەنە بە گردوو گەلی و دۆسەکاما ماچمێ: پێویسا گردلێوە چێششا هەن جیاش بازا  و ١٧ شوباتینە بیاوا کۆڵن و پەی ئازادیی ڕابەر ئاپۆی دەنگ بەرز کەراوە و پەیاموو وێشا بیاونا".