سەرنۋیسەرە و بنیاتی ئەڤریم کەپەنەکە ئارۊ جە میانو هۊرکوای سەرو یانەکەیشەنە جە ئیستەنبوڵەنە گیریا. پۆلیسەکۍ گەرەکشابۍ یانەکەیش وشکنا، بەڵام بە مەڵامەتو ناڕەزایی کەپەنەکۍ و هامڕاکاش، پۍ ئەنجامدای وشکنای داواو ئاماڎەبیەو پارێزنەر و ئەنجومەنو گەڕەکۍ کریا. پۆلیسەکۍ کە پۍ وشکناو یانەکەی چەمەڕاو ئامای پارێزنەریشا نەکەرڎ، چنی یاۋای ئەنجومەنو گەڕەکەکۍ دەسشا بە وشکنای کەرڎ. جە وشکناکەینە کە نزیک بە سەعاتېش خواینا تەمامو کەلوپەلە ئەلیکترۆنی و پەیوەنڎییەکا کەپەنەکۍ دەسشا سەرەرە گیریا.

ئەڤریم کەپەنەکە بە شێۋۍ کەلەپچەکریا گیریا. ئەرەیاۋیا کە دماو وشکنای تەندروستی ئەڤریمە فاڕیاوە پۍ بنکەو پۆلیسو تەقسیمی جە ئیستەنبوڵ.

هـ . ش