ئایا مرۆڤ متاوۆ ڕۆنامەوانۍ دەنگو ڕاسی و ئەرەیاۋنای و شۆڕشگێڵنێوە کە پەی خاوەنداریکەردەی جە زاوڵا دماڕۊی قەسەمش واردەن جە یۆی جیا بکەرۊوە؟ بە پویلواو من هەردوویشا بناغە و ڕانیشاندەرۍ ژیۋاینۍ. ئامانج، یوتۆپیا، وەرم و دڵسۆزییشا یۆن. ڕۆنامەوانا شۆڕشگێڵنی دەنگ و گێڵای حەقیقەتینۍ. یانی ویرکەردەیۊیشا جە خوڵقنای ڕا تازەکێنە گونجیان. ڕای تازۍ کە هیچ سنورێوەش نییا...

وەڵۍ گرڎ چێوێنە ئانەی ڕۆنامەوانا شۆڕشگێڵنی مېیاونۆ بە کرۆکو وەرم و خیاڵی، یۆتۆپیان. هیواو ئازادیش وستەن دلۍ ساکەکەیش و جە دژو ژیۋای ماددی مردۆوە. قسێش شکۆن و ماچۆ 'نمازو شکۆ پاشێل بکریۆ'. پی جۊرە بۆ بە هیوا پەی گرڎ کەسێ. بە تایبەت ئەر دلۍ جەنگێوە قورسینە بۆ ئا کاتە جە تۆمارکەردەی شکۆو مرۆڤایەتی و مڎرامانینە مەبۆ بە ئەرکو ۋێش.

ڕۆنامەوانا شۆڕشگېڵنی بېگومان پەشت قایمێنۍ بە هێڵېوە. نوېنەرایەتی نەریتو میراتێوەنۍ. هێڵۊو ئاپێ موسا، غوربەتلی، سەید ئەڤرانی هېزی هەرە کاریگەرو ماتەوزەو ڕۊنامەوانا شۆڕشگېڵنین کە ئی دۆزە مبارەکەیە ڕاوەبەر مەکەرا.

چی سەردەمەنە چڼین پەیامکیانۍ جەنگی هەنۍ کە بە ڕوحو ئی هێڵێوە جماوە. بە ئازایی، فیداکارییوە شۊنەو حەقیقەتیرە ملا، جە دژو ۋېیەردەی تاریکی بە سەر بەرزیۆ جماوە، شۊنەو ئایندێوە ڕۊشنیرە گێڵا و ویستشا پارێزنای شکۆو مرۆڤایەتییا. ئاڎۍ شایەتۍ زیڼۍ ئەوەکۊشای ڕۊشنای و تاریکینۍ، حەقیقەت و زۆرداری، عالی و خراپی، زەریفی و نەگریسی، ئازادی و کۆیلایەتیینۍ. ڕاسی ڕووەدایەکا بەروزا و بانۍ بە ڕۊشنایی جە فاڕیای کۆمەڵایەتیینە. چنی حەقیقەتی بە گێڵای جە دادپەروەرینە یەکانگیرۍ با و بەنامۍ مرۆڤایەتییوە بانۍ بە ئازایی. ئی ئازاییە جە نیشاندای هەڵوێستین. زەحمەتی فرە ئینا دەرەنجامو ئەرەیاۋنای حەقیقەتینە ئازایشا بەهێزتەر مکەرۆ.

ئەرەیاۋنای حەقیقەتی بۊ بە بەشێوە جە ئەوەکۊشای هامبەشو گەلا

پەیامکیانا جەنگو ئەرەیاۋنای ئازادی جە دژو هێزە ئەرەگیرەکا باری قورسو حەقیقەتی هۊرگێرا. پارێزنای حەقیقەتی دلۍ هرووژمی قورسینە مەبۆ بە وەرپرسیاریشا، مەبۆ بە جەوهەرشا. پەی ئانەی ئینەی بەربڕا، پەی ئانەی ئا ڕازە گومبیا مرۆڤایەتی دلۍ جەنگینە وزانۍ ۋەرچەم و بیاوناش بە گەلی، پارێزگاری جە حەقیقەتی مکەرا. هامکات هەرمانەکێشا پەی نەوەی تازەی تاریخێوەن. چێرو سەیەو هۊرشێونایۆ جەنگینە ڕازەو هامکاری و پەشتیوانی مڎرامانو ڕۆحو مرۆڤایەتیی ئەرەیاۋنا.

هەناسەی گەرمو هیوا و ئێشەکا جەنگی تۆمار مکەرا. دلۍ ئاژێوەنە جە تاریکاینە گێڵای جە باوەڕی باڵاو پەیامکیانا جەنگو ئەرەیاۋنای ئازادی کێشۆش. دلۍ حەقەتینو بێڕەحمانەو جەنگینە بۆ بە شایەت حاڵو ئانەی پەشتیوانی، دڵسۆزی و هامکاری چنی ڕۆحو مرۆڤایەتی گۊرە مکەرۆ. دلۍ جەنگینە ستەم کەردەی جە گەلا وزۊ وەرو چەما، ئینە ئەرکی بنەڕەتیشانە. هەر بەربڕیەیۍ بۊنە بە نیشانۍ هیوای؛ ئی ئەوەکۊشای و گێڵایە شۊنەو زەریفیرە بەهێزتەرین ڕاو پارێزگارییا جە بەهاکاو مرۆڤایەتی. جە گۆشەی هەرە تاریکۆ بانۍ بە ڕۊشنایی مرۆڤایەتی و زەریفی.

ئا هێزەی پەیام گیانێ جەنگی جەبەرەکا جەنگینە مدرنا، چێشا؟ ویژدانا، ئیرادەن، ڕەنگە بەدڵش بۆ و ئارەزویچش بکەرۆ. بە زاناو ئانەی ڕێوە سەختەنە و ڕەنگە گێڵایشۆ نەبۆ، بی پنەزانایشە ملاو و بەردەوامێ بانە. مچیا دلێ دڵو خەلیل داغی کە چیانە چێرو فڕاو باڵندەکانە فیلمو حەقیقەتیش دروست کەرد.

خۆشەویستی ژیان ئامارگی، کە بە کامێراکەیشۆ واچێ 'گەرەکما ساتو پێکئاردەی شۆڕشی بنوسوە و تۆمارش بکەرو' و دەنگو 'کۆبرا کەتی'ی ئارهات با مشنەومێ و بە هیوویێ گۆرەوە وەڵێ گنمێ. با بە دڵو نوژیان ئەرهان کە تاتەش پنەش واچێ 'گوڵەکەم'، واڵە و براکێشش وەرو قژە گوڵاویەکاش واچێنێ 'قژ گوڵاوی'. ئازایەتی عەلی کانی ڕۆژ جەلا٦ەن گەلەکەیشۆ بەرز نرخنۆ کە دوگمەو شاتەرو کامێراکەیش گێرتەرە پەی گێرتەو دەقێوە جە ژیواو گەریلای. بە کامێرا و قەڵەمو ڕۆسیدا مێردینی بە ئێرو ئازادی دڵیشۆ هەنگامێ هۆرگێرێ. جە گەرمەو جەنگەکەینە گۆشش جە دەنگو فرات دەنیزی گێرێ. پەیام گیانا جەنگی بە هەستەکاشا جوانی وێشا نیشانە مرا. ڕەنگە ئانەی ژیوای دروسش مکەرۆ و مانا بە ژیوای بەخشۆنە ئی زەریفیە بۆنە.

بڕێ جارێ چن ڕوێ دلێ وارانی و هەڕێرە ملا. بەڵام هەمیشە ئیرادەشا هەن پەی یاوای بە ئامانجەکاشا. کامێراکەو دەسیت چەکو تۆن. ڕۆنامەوان بە تایبەت کاتێ ئینا بەرەو جەنگینە، کامێراکەش پێسەو تۆپێوە ئێری بۆنە. کامێراکەت گرڏ چێوێن. کامێراکەت وەڵێ وێت پاریزیۆ. نمونەو نازم داشتانێ.

بڕێ جارێ دەرفەتو شۆردەو قژات پەی ماوێوە فرەی نییا. ویر جە ئەڏێ مکەرۆوە، ملۆ دلێ خەون و خەیاڵەکاش و قژێش پاوشەو ئەڏاشەنە جیامازۆنە. ئەڏاش قژیێش ماچ مکەرۆ، بوەش مکەرۆ. پێسە جیهان بیلگینە واتش بە گوڵاوێ شۆرۆش. دماتەر ئەستێرەکێ سەرو قژاش دەدرەوشێنەوەدرەوشیاوە و گرڏ یاگێنە ڕۆشنێ باوە.

جەخت وسۆسەرو جەنگاوەرێوە کە بە زامەکاش سەرو دەموچەمیش دلێ خەڵکینە گێڵۆ. واچۆ جوانی ژیوای ئینەن. زامو سەرو کوڵماش ڕەنگە حەقیقەتێوە خراپو جەنگی بۆنە. بەڵام ئار بەپاو ئا زامەو سەرو کپاش. زانیارییەکا گێڵنۆوەو. چاکەیشۆ چیرۆکێوە دروس مکەرۆ واچۆ، 'سەرو کوڵمات جوانیێ ڕوحی هەن'. دماتەر زامەکە بۆ بە چیرۆک. ماچۆ 'ئی یاگێ زامەیە نێشانەو تۆن جە جەنگەنە.'

پەیام گیانا جەنگی جە سەرنیشتوو وەرکەوتوو سوریاینە شایەت و گەواهیدەرو هرووژمە دڕندەکا دۆڵەتو تورکینێ، بە ئازایەتی و قوربانیدای خەباتکارا ئەرەیاونای ئازادی، با بە دەنگو شۆڕشگێڵا و پارێزنەرا مرۆڤایەتی. کاتێ مڏرامانو جەنگاوەرا یەپەژەی و قەسەدەی تۆمارش مکەرا، هەواڵە درۆینەکا دۆڵەتو تورکی ئاشکرای مکەرا و هامکات حەقیقەتەکا وسا وەرو چەما. چیرۆکەکا مڏرامانی دلێ ڕوحو بێ بەزەیی جەنگینە جە دڵۆ فاڕاوە.

پەیام گیانا جەنگی کە ڕوانە جەنگی تازە، چیرۆکێ تازێ مڏرامانی وینا، بە قسەکاشا با بە ڕانیشاندای پەی ئەرەکۆشای هامبەشو مرۆڤایەتی. ئی دەنگێ جە تاریکی جەنگینە بەرزێ باوە، پێسەو تەلارسازەکا ئازادی و سەرکەوتەی جە وەراوەرو توندوتیژیی جەنگینە بابە مایەو هیوای