ئی پرۆژە تازەتەرین وەڵاکریاوەو جوانا وڵاتپارێزنوو کوردسانی و جوانە ژەنا کۊششکاریا کە بەشێوە جە شرۆڤە و ڕامانەکاو ڕابەروو گەلوو کوردی عەبدوڵا ئۆجالانی دەربارەو جواناش وستەن ڕووە.

دلېینەو  نامیلکەکەی پێک ئامان جە:

•  هۊرسەنگنایەکۍ ڕابەر ئاپۆی دەربارەو جوانا

•  ئەرک و ۋەرپرسیاریی گەردوونیی جوانا؛ پەیاموو ڕابەر ئاپۆی پەی جوانا

•  شرۆڤەکۍ ڕابەر ئاپۆی سەبارەت بە دەور و ۋەرپرسیاریی جوانە ژەنا

•  پرسوو گەنجا جە پارێزنامەکاو ڕابەر ئاپۆینە.

حەرپاسە بێجگە جە ڕامانەکاو ڕابەروو گەلوو کوردی عەبدوڵا ئۆجالانی، مژارێوەتەریچ جە نامیلکەکەنە وزیان ڕووە بەنامونیشانوو هۊرسەنگنای و شرۆڤەکاو دوران کاڵکانی  سەبارەت بە جوانا شۆڕشگێڵنی و وڵاتپارێزنی.

هەرپاسە جە دلێینەو بەرهەمەکەینە وزیان ڕووە، "تەڤگەری ئاپۆیی پېسە تەڤگەرێوە ڕۆشنۋیریی و ئایدۆلۆژیی و هزریی جوانا جە ئەڎۍ بیەن، ڕابەر ئاپۆ پېسە ڕابەرێوە جوانا ئامان مېڎان، هەر پۊکەی ئەرکوو تەماموو جوانا وڵاتپارێزنی و جوانە ژەنا کۊششکاریا کە خاوەنداری چی تاریخەیە بکەرا و جە ۋەرا ۋەروو پاکتاوکاریی و پەی جەهانێوە عالتەری و دادپەروەرانەتەری ئەرەکۊشا، حەرپېسە ڕابەر ئاپۆ ماچۆ: بەگەنجی دەسما پنەکەرد و بە گەنجیچ سەرۍ گنمۍ".

 نامۍ نامیلکەی: جوانی ئازاڎ، حەقیقەتوو ژیۋای ئازاڎیا

مژار: هۊرسەنگنای و شرۆڤە

ئامادەکەردەی: جوانا وڵاتپارێزنوو کوردسانی و جوانە ژەنا کۊششکاری

دیزایین: دەلال شۆڕش

نۆرەی چاپ: چاپی یووەم ٢٠٢٤

تیراژ: ١٠٠٠دڎنۍ

جە ئیساتێنە ئی بەرهەمە جەکتێبخانەکاو پانیشتوو کوردسانینە ۋەردەسا.