فەرماندەیی قەرارگەی ناوەندیی نەپەگەی، گەشمەرڎاو مانگەو ئایاریش بە ڕێزەو یاڎۍ کەرڎێوە و واتش: "ئێمە ڕاپیمای 'ڕابەرایەتیی ئازادی، کوردستانی ئازادی' گرد ڕوێو فراوان مکەرمۍ و مواچـمۍ، کە ئێمە پا گێرمێرە کە یاڎوو گەشمەرڎاما بە سەرکەوتەی تاجدار بکەرمێ".
فەرماندەیی قەرارگەی ناوەندیی پارێزنای گەلی واتش: "مانگەو ئایارینە ژمارێوی فرە جە کادرە سەرمەشق و جەنگاوەرە سەرمەشقەکاو کۊشیای ئازادیی کوردستای و کۊشیای شۊڕشوو تورکیای تێکەڵ بە کارەوانوو گەشمەرڎا بیۍ. یۊ جە ئەرەمەرزناو پارتەکەیما و هامڕاو ڕابەر ئاپۊی و شۊڕشگێڵنی ئینترناسیۊناڵیستی سەرمەشق هامڕا حەقی کارەر ١٨و ئایاروو ١٩٧٧ گەشمەرڎە بی. وەروو ئانەیچە لاو پارتەکەیما و گەلەکەیماوە ١٨و ئایاری پێسەو "ڕۊو گەشمەرڎا" و مانگەو ئایاریچ پێسەو "مانگەو گەشمەرڎا" قەبووڵە کریێنە و ئەرەیاونیێنە."
نەپەگە باسوو ئانەیشە کەرڎەن:
"١و ئایاری ڕۊو گەشمەرڎەبییەی عەبدولقادر چوبوکچوی، فەرماندەو ئەیالەتوو گارزانی ڕەمەزان کاپڵان (جەلال خۊجا) و فەرماندەی ئازاو هەرێموو جودی هەمزەی و هامڕایاشا. ٢ۍ ئایاریچ ڕۊو گەشمەرڎەبییەی یوەم فەرماندەیما محەمەد قەرەسونگور، هامڕا ئیبراهیم بیلگین و فەرماندەما مەیدانوو دلیراسەینە ئازاد سیسەر و چەکدار ئامەدین. هەرپاسە ٤و ئایار ١٩٣٧ بە دەسپەنەکەرڎەی قڕکەرڎەی دێرسیمی دەیان هەزار کورڎۍ کوشیۍ و یاوۍ پلۍ گەشمەرڎەبییەی. ٦و ئایاری ڕۊو گەشمەرڎەبییەی دەنیز گەزمیش، یوسف ئاسلان و حسێن ئینانیا. ڕۊو ٩ ئایاریچ ڕۊو گەشمەرڎەبییەی فەرماندە بەنرخەکاو پەژاکی فەرزاد کەمانگەر، شیرین عەلەمهولی، عەلی حەیدەریان و فەرهاد وەکیلی و جە فەرماندە سەرمەشقەکاو هەبەدەهەی ئولوش بایراکتارئۊغڵوین. ١١و ئایاری ڕۊو گەشمەرڎەبییەی هۊزان مزگین (غوربەت ئایدین)ێن. ١٢و ئایاری ڕۊو گەشمەرڎەبییەی لەیلا قاسمۍ و چوار هامڕایاشا. ١٦و ئایاری ڕۊو گەشمەرڎەبییەی هامڕایاما هێلین، ساڵح و ئۊزان و بە دەیان هامڕایامانە. ١٨و ئاری ڕۊو گەشمەرڎەبییەی چوارەکان (فەرهاد کورتای، ئەشرەف ئانیک، مەحمود زەنگین و نەجمی ئۊنەر) و سەرمەشقوو شۊڕشگێڵنا ئیبراهیم کایپاکایەین. ١٩و ئایاریچ ڕۊو گەشمەرڎەبییەی خەلیل چاڤگون و مولوم بارانین. ٢٢ ئایاریچ ڕۊو گەشمەرڎەبییەی ١٦ هامڕایامانە، کە سآڵەو ٢٠١١ چەولیکنە دەوڵەتوو تورکی بە چەکی کیمیاوی گەشمەرڎۍ کەرڎۍ. ٢٥ ئایاریچ ڕۊو گەشمەرڎەبییەی ئەحمەد کەسیپ (جەمشید)ی و فیداییە سەرمەشقەکاو تابوروو نەمرا هامڕا ئاندۊک و هێرشین. ٢٧و ئایاری ڕۊو گەشمەرڎەبییەی هامڕا ئیسماعیل نازلیکول (قاسم ئەنگین)ین. ٣١و ئایاریچ ڕۊو گەشمەرڎەبییەی سەرمەشقوو شۊڕشوو تورکیای سینان جەمگیل و هامڕایاشا. وەروو ئانەیە بە هەزاران قارەمانۍ چی مانگێنە بەئەفسانەیی وێگیرییشا کەرڎەن و گەشمەرڎۍ بیۍ، مانگەو ئایاری بیێنە مانگەو گەشمەرڎا و مانێوی گەورێش بەدەس ئارڎێنە. ئێمە ٤٧ەمین ساڵیاڎوو گەشمەرڎەبییەیشانە کەسایەتیی سەرمەشقی گەورەیما هامڕا حەقی کارەرینە گەشمەرڎاو مانگەو ئایاری و گردوو گەشمەرڎاو شۊڕشی بە ڕێز و پنەزانایوە زانینەوە یاڎۍ کەرمۍ و وەعد مدەیمۍ، کە ئێمە یاڎوو گەشمەرڎاما بە تاجدارکەرڎەی کۊشیایما بەزیندەیی بازمێوە.
ڕاپیمای پەکەکەی ڕاپیمای هەقسانایۊ گەشمەرڎان
پارتەکەما پەکەکە سەروو بنەماو مانادارتەرین و ڕاستتەرین جوابی پەی گەشمەرڎەبییەی هامڕا حەقی کارەری لاو ڕابەر ئاپۊیۊ مەرزیارە. مانا و ئا بەهۍ ڕابەر ئاپۊی بە گەشمەرڎا و پلۍ گەشمەرڎاش دێنە، ورچەرخیای ئا ڕاسییەو گەشمەرڎان پەی ڕاسیی گەورەی ئایدۊلۊژیکی مەعنەویەت و پیمانەکاو کۊشیای، کەسایەتی پەکەکەی دیاری مکەرۊ. پەکەکە جە کۊشیایی نیم سەدەو وێشەنە بێهەژمار گەشمەرڎێش پێشکەشۍ کەرڎێنۍ، هیچکامیچش هۊش نەشیێنێوە، ناستەنش ونیچشا بە زایۍ بلۊ، عەلەمەکێش بەرزۍ کەرڎێنێوە، هەوڵێش دێنۍ حەر گەشمەرڎێوی بکەرۊ بە مایۍ کۊشیایێوی کاریگەرتەری و ببۊ بە شایەنوو گەشمەرڎا. پێسە هامڕاما گەشمەرد سەرخۊبوون سەرحەد ئاخر پەیامشنە واتش؛ جە کەسایەتیی جەنگاوەراو پەکەکەینە تارێخ و نەتەویوی ملۊ سەروو دوژمنی و وەنەش مپێچانێوە. ڕاپیمای تارێخیی پەکەکەی وەنەپەرسایوە و هەقسانایوە گەشمەرڎان. گەشمەرڎێما نەک حەر پێسەو قارەمانی گەشمەرڎۍ بیۍ، دڵ و مەژگوو گەلەکەیمانە کە دڵش بە پەکەکەی بەخشان ڕەسەنتەرین هەستش وەش کەرڎەن، تندتەرێش کەرڎێنمۍ و ئازایەتیماش زیاتەر کەرڎەن، بڕواماش پتەوە کەرڎێنە، هومێدماش بەزیندەیی ئاستەنوە، ورەماش بەرزتەر کەردنوە و خانە بە خانە ژیوای ئازادییشا خوڵقنا. وەروو ئانەیە گەشمەرڎێما بیۍ بە هەقیقەتوو ئێمە کە بەزیندەیی مەنێوە، مەشخەڵەو ئازادیما کە گرد وەخت ڕانیشاندەرێنۍ و بیێنۍ بە هێزوو فەرمانێما، کە ئێمە مبەرانۍ ڕاوە. پارتەکەما پەکەکە کە سەروو ئا ڕاسییا بییەن بە "پارتوو گەشمەرڎا"، ئارۊیچ سەروو ڕێبازوو خەتەو گەشمەرڎا بە بۍ دڕدۊنگی درێژە بە کۊشیایی ئازادییش مدۊنی.
سوپاو نەمراو پەکەکەی جە کۊشیایی ئازادیینە، کە بێوچان بەرڎەواما، گرد ڕوێو گەورەتەر مبۊنۍ، حەر گەشمەرڎەبییەێوە، حەر داستانێوی قارەمانێتی کە منویسیۊوە و هەڵوێستی فیدایی ئاپۊییما بەرەو سەرکەوتەی مبەرۊ. وەختێو پا منیۊ ساڵەو ٤٨ەمینوو مانگەو گەشمەرڎاوە، شایەتیدەروو ڕاپیمای شەهادەتی قارەمانانەو هامڕایاما کە گرد یاگێوە کوردستانیوە بە قارەمانێتی وێگێریی مکەران، بە هەڵوێست و جەنگشا بە خاستەرین شێوە نوێنەرایەتیی خەتەو گەشمەرڎا مکەران. تا ئا وەختە کە ڕۊڵەکاو کوردستانی کە بۍ تەرس جەنگ بکەرا و بە ئازایەتیی گەورەوە کۊشیا، با و دۊزوو ئازادیما حەرگیز شکس نمارۊ و سەر گنۊ. ئێمە هێزوو پارێزنای گەلوو کوردستانی کە بە سەرمەشقایەتیی پارتوو گەشمەرڎا، پەکەکەمیاونمێش کە گرشۊنکەوتۍ خەتەو گەشمەرڎان، ڕێپێوانی خۊمان 'رێبەرایەتی ئازاد، کور وەخت مبیمۍ بە داستانەو ئازادی' گرد ڕوێو وەرفراوانتەرش مکەرمۍ و پا مگێرمێرە، کە یاڎوو گەشمەرڎاما بە سەرکەوتەی تاجدار بکەرمۍ و بە زیندەیی بازمێشەوە.
سەروو ئا بنەمیوە جارێویی تەر بە ڕێز و پنەزانایوە گەشمەرڎاما یاڎۍ مکەرمێوە و وەعدما ئەوەخوای مکەرمێوە کە ئێمە حەرگیز سازش نمەکەرمێن سەروو داکۊکی جە ژیواێو کە شایەنوو یاڎیشا بۊ و بەرڎەوام کۊشیەیمێ".
