مەراسیمو ٩ەمین ساڵڕۆو کۊکوشی ٣ۍ ئابو ٢٠١٤ی، جە شەنگال بە ڕاگېرتەو ژیای پۍ ماوەو ٣ دەیەقا، دەسش پنەکەرڎ.

سەعاڎ ١٠:٠٠و ئارۊی جە مەنتیقەکا سنونۍ، خانەسۆری و فرەو مەنتیقەکا تەرو شەنگالی بە ٣ دەیەقۍ بێدەنگی یاڎو قوربانیا کۊکوشیەکەی کریاوە.

جە چوارڕیانو مام زەکی جە مەنتیقەو سنونۍ ژیای مرڎا و یاڎو گەشمەرڎا کۊکوشیەکەی بەرزڕاگیریا.

خودێدا ئیلیاس، ھامسەرۆکو دەسەی ڕاوەبەری شەنگالی دماو مەراسیمەکەی قسېش پۍ ئاژانسو هەواڵی فورات (ANF)ی کەرڎو ۋاتش: قەرارو ئیدارەو ۋۊڕاوەبەری شەنگالین، کە ساڵانە جە ساڵڕۆو کۊکشیەکەینە پۍ یاڎکەرەیۊ گەشمەرڎا، ٣ دەیەقۍ بە بۍ دەنگی مرڎا.

ئاماژەش پانەیچ کەرڎ، گرڎ ساڵۍ چی ڕۋەنە زامەکېما کولیاوە. ئێمە حیچ وەختۍ ئا ڕۋەیە جە ۋیرمەکەرمۍ و حەجگیزیچ نمازمۍ جە ۋیر کریۊ. با گەلەکەما خۊتانکەرڎەی چا ڕۋەیە کەرۊ.

هـ . ش